السلام عليكم ...
يا اخوان انا جبت خمسه ونص في الايلتس واحس اني استحق اكثر في الرايتنق والسبيكنق
وابي اعترض على نتيجة الاختبار
وما ادري هل فيكم احد جرب اعترض ؟
الخوف اني اعترض ويطلع الاعتراض غير مجدي!!
عرض للطباعة
السلام عليكم ...
يا اخوان انا جبت خمسه ونص في الايلتس واحس اني استحق اكثر في الرايتنق والسبيكنق
وابي اعترض على نتيجة الاختبار
وما ادري هل فيكم احد جرب اعترض ؟
الخوف اني اعترض ويطلع الاعتراض غير مجدي!!
السلام عليكم .... انصحك لا تعترض واذا اعترضت اكيد انهم يبون يجيبون لك مايكل الدؤلي حقهم يعني بيفصفصون اختبار اهلك من ناحية القرامر والسبيلينق وكل شي .... اما من ناحية السبيكينق يبي يناقش معاك قصيدة محمد الاحمد السديري حقهم(مسرحية شيكسبير) وحلني عاد تطلع من اختبار الايلتس مطلوب درجتين بعد... الله يوفقك ويسهل عليك الاختبار وتجيب الدرجة اللي ببالك
تسلم لي ياغالي على ردك
بس انا ابي شخص جرب اعترض .. يعني من تجربه مو من توقع
اخي الفاضل:
المهارتين هذه .......... لاتعترض عليهم لأنه مافي شي محدد لكيفية التقييم (تخضع لوجهة نظر المصحح)...........هذه هي لعبتهم لأن مالها ضوابط كل شي راجع لهم
لو قلت لي ريدنق ...او ليسننق ....اقولك اعترض لأنه محدد السؤال والجواب والدرجه كل شي واضح
انا اعرف واحد اعترض على الدرجة
وطلبوا منه رسوم عشان يرفعون الاوراق لجامعة كامبردج ويتم التدقيق هناك وتاخذ وقت طويل شوي
ودفع لهم وانتظر فترة بس للاسف طلع التقييم صحيح ومايستحق اعلى من اللي اخذه وضيع وقته عالفاضي
وهو يعتمد عالمركز اللي تختبر فيه
حاول تغير كل مرة لان الاشخاص يختلفون من مكان لمكان
بالتوفيق
اخوي اذا انت متاكد من كلامك وان فيه خطا بالتصحيح اعترض ميب مشكله
انا سئلت موظف بالبرتش كونسل يقولي اذا انت متاكد انهم مخطئين في تصحيح
النتيجة اعترض وقالي يجون ناس واجد يكونوا متاكدين ويقدمون اعتراض وتطلع صح عليهم وترتفع درجتهم
طبعا هالكلام من موظف بالبرتش كونسل واذا انت متاكد من كلامك ومابقى لك الا نص درجة او درجة على ماتحصل 6 انا اقولك قدم
اعتراض وتوكل على الله لان واحد من العيال يقولي يختلف التصحيح من شخص الى شخص خاصة في السبيكنق والرايتنق
وترا بتطول على مايرسلوها لبرطانيا وبرضوا راح ياخذوا منك فلوس مادري كم بالضبط بس اذا طلع عندهم خطا راح يرجعوا
الفلوس لك . بالتوفيق اخي:) ~~
معليش عالاطالة اتمنى اني افدتك :p ~~
الله يعينك .. ويوفقك ان شاء الله
قدم اعتراض وان شاء الله يكون فيه خطأ وتتعدل درجتك للاعلى
بالتوفيق,,,,,,,,,,
الله يجزاكم خير على الردود اللي استفدت منها
بقدم والله يكتب كل خير وصالح
شاكر لكم يا اخوان