رد: تعال واكتب ماهو شعورك قبل لاتسافر
أنا بالعادة قوية عند أهلي وماأبكي كثير ودايم أبكي في الخفا ..
طبعا قبل أسبوع من سفري كانت أمي الغالية تبكي ف اي وقت فجأة كذا ومن دون سابق انذار فكنت أهديها وأحضنها
بس لاني ماكنت مستوعبة الموضوع فما كنت أبكي .. صار عندي تبلد مشاعر ع الأيام الأخيرة حتى يوم السفر..
جاني قلق وماقدرت أنام ..كنت بطالع في كل مكان في غرفتي وأشبع نظري منها ...
ولما جينا خلاص بنودعهم بكينا وعليت الأصوات ..كانت لحظات صعبة جداً بس حتى وأنا بحضنهم ماكنت مستوعبة إنه حبعد أميال عنهم وماأقدر أشاركهم حزنهم وفرحهم ..
سافرت وطالت سفرتي ,,,
ولما وصلت أمريكا ..في ثاني يوم بدأت أستوعب الموضوع وتملكني خوف من الفشل لدرجة تمنيت أرجع
كان شعور صعب جداً بس الحمدلله تغلبت عليه ...
الوداع صعب لكن لما تفكر بالهدف اللي رايح عشانه تهون الغربة والبعد وكل شي وحش
ان شاء الله ربي يكرمنا ونرفع راس أهالينا
رد: تعال واكتب ماهو شعورك قبل لاتسافر
وعن نفسي انا طيبو خاطري وأفقدوني حماسي الدراسي باقي ثلاث ايام لموعد الدراسه والفيزا الله يرجها موب راضيه تطلع .الشكوى لله
رد: تعال واكتب ماهو شعورك قبل لاتسافر
السلام عليكم ورحمة الله وبركاته
انا ليا مسافر للوس أنجلوس سنة وثلاث شهور
بس ممكن اكتب كيف كان شعوري قبل السفر كنت مرررررررررة متحمسة اني باجي لوس أنجلوس و اروح بفرلي هيلز و هوليوود و ازور مدينة المشاهير وفي نفس الوقت كان ضايق صدري اني سايبة اهلي و بلدي بس ربنا سهلها و السنين تمر و مرت سنة اللغة كانها حلم
رد: تعال واكتب ماهو شعورك قبل لاتسافر
انا بالنسبة لي .. ما اقدر اوصف وقت السفر ..
يعني الشي الي يصبرني ويخليني ما احاول الف والعب واروح .. دموع الاهل ..وقت السفر بس انا الحمدالله شريحتي فيها نت .. والسكايب طول الوقت شغال .. واكلم اهلي .. يعني ما اقطعهم تقريبا يوميا لو بالشات .. والحمدالله ماشية اموري
رد: تعال واكتب ماهو شعورك قبل لاتسافر
باقي عالسفر 7 ايام
الوداع بيكون صعب ولا بد منه , خصوصا الوالده اللي ما أتوقع تتحمل الصدمه لان وقت سفرتي .. وسفرة اختي بينهم يوم واحد .. الله يجيب العواقب سليمه :)
الوالد اللي تعوّد يرتكز على كتفي ببعض الامور وشايل عنه عبئ الاهل وحاجات البيت ..
والناس اللي اعتزيت بمعرفتهم 8 سنين و ما تمر ساعتين الا شفته فيها مره !!
لكن تسأل وش شعورك اقول لك مدري .. الى يومك ومع قرب الدراسه جدول حياتي ما تغير , اقوم الصبح اسلم عالوالد اشرب شاي الضحى مع الوالده
اخر الليل مع الربع , بلوت , بلايستيشن !! تقدر تعتبرني عنصر فعّال بالمحيط اللي حولي لاني تارك الدراسه واوقات فراغي بالهبل .. وصدمة الغربة بتكون قوية لا شك
اتوقع تبلّد هالمشاعر تحكمه الظروف اللي مريت فيها قبل :)
رد: تعال واكتب ماهو شعورك قبل لاتسافر
باقي شهر ونص
حيل متحمس وحيل متضايق وحيل خايف < كلها متجمعه
احيانن اقول متى اسافر ابي اسافر اليوم قبل بكرا
واحيانن اتذكر السفر يمغصني بطني ههههه
*
رد: تعال واكتب ماهو شعورك قبل لاتسافر
حبايبي ...
وانت في السعودية .. خلك مع الله
وانت في امريكا اذهب الى الله .. لا تفارقه ابداً
وأي احد خائف انه يفارق وشايل هم الفراق
والله العظيم ان نفارق في هالدنيا كل مجتمعاتنا ..
درسنا الابتدائية وفارقنا والمتوسط والثانوي وفارقنا والجامعة احلى السنوات والنهاية فراق!!
( انا لا اقصد فراق اشخاص بقدر ما هو فراق مجتمع ومرحلة).. للأسف اللي ما يدرك هذه الدنيا ولا يعرف متاعبها .. فراح يتعب كثيييير ..
الدنيا لو ما فيه حزن ما تعرف السعادة .. الدنيا فراق ولقاء وحب وكره وسعادة وحزن وفرج وهم وكدر وضحك وبكاء .. وكلما تعرضنا اكثر لهذه الظروف كلما ازددنا نضجاً وإدراك ..
في النهاية ما اجمل ان يكون هناك هدف تحلي به هذه الدنيا...... وهي الشهادة..
نصيحتي .. لو الانسان عنده هدف الدراسة بالخارج وما عنده ظروف مع أهله فقط ( اقصد بالظروف ان الأهل في حاجة وجوده) وليس بسبب فراق ..
فنصيحتي اذهب وجيب الشهادة..بشرط لاتترك الله.. لانه مشكلة اذا تركك!!!
سوري اذا طلعت شوي عن الموضوع .. الموضوع عن شعور السفر.. وشفت بعض الردود أسهبت في الفراق ولحظاته الصعبة.. وانا ما ألوم اي احد وبصراحة شي مو سهل ...فحبيت أشارككم بهالجزئية....
تمنياتي لكم بالتوفيق..*
رد: تعال واكتب ماهو شعورك قبل لاتسافر
أول شيء بسم الله الرحمن الرحيم
وأشكرك على موضوعك الي خلاني أبكي :(
طبعا باقي على رحلتي 7 ايام فقط اسبوع واحد :(
مرات ودي أقطع الايتوني وقبول الجامعه / واقدم على أي جامعه في السعودية
ومرات أحس الايام تمشيء ببطء / ومرات أفكر في مستقبلي لو رجعت أيش بيكون
صحيح أني حزين لدرجه أني ماصرت انام زين :(
بس برضو مستانس عشاني برفع راس أمي وأبوي
عليكم بالاستغفار
وللحين ماقدرت أتخيل أني كيف بودع أمي واهلي واروح للمطار أنتضر رحلتي هاذا الشيء الي مكدر مزاجي
والله يوفقنا يارب ويسهل علينا
رد: تعال واكتب ماهو شعورك قبل لاتسافر
باقي على سفرتي 50 يووووم تقريباً......
شاااااايل هم السكن ليا ألحين ما أدري وين رااااح أسكن ...... مع عائلة أو سكن الجامعة أو شقة أو أو أو ...
وشعووووري مرتبك من صدمة اللغة وكيف راح أتكلم مع الأمريكان خصوصاً أول شهر .......
والله ييسر أمورنا وإياكم لما فيه خيراً للسعودية ....
رد: تعال واكتب ماهو شعورك قبل لاتسافر
اهنيكم على كل الكلام والمشاعر اللي خليتوها تسطر كلماتكم بدل ماتكون كلمات مبتذله
الصراحة بعض الردود عيشتني معها بالجو وبعض الردود خلتني احزن واعيش جوو الحزن
لكن انا ودي اقولكم شغلة
اذا حسيتو ان الوضع بالبيت مع الوالد والوالدة حزين وكئيب لا تسكت لا افتح الموضوع ( السفر ) معهم وقل لهم انك مو متوفي بالعكس قلهم انك رراح ترجع وانت رافع روسهم
بشهادتك وتكون بافضل المراتب
وصدقوني يا خوان انه بأمكانكم انكم تكونون بأعلى المناصب اللي تخدم المجتمع السعودي ونطور من مجتمعنا ونكون خير سفراء لبلدنا الغالي
وتحياتي للكل