تعال واكتب ماهو شعورك قبل لاتسافر

يارجال اعقلها وتوكل على الله والله الدنيا فرص ماحد يتحسف عليها الا اللي راحت عليه يمكن لو تسالك والدك او احد اعمامك الكبار وتساله عن رايه اتوقع يقول ياليتها كانت موجودة بوقتنا

اتمنى لك التوفيق

والله مثل مآقلت ,, والحمدلله إن الوآلد والوآلدهـ مشجعين الفكرهـ ومأيدينن
ولكن الخوف من القبولات .. والفيزآ .. والحجوزآت
الله يعديهآ على خير
وبآلتوفيق للجميع

موضوع جميل عشت احداثه بالضبط
اخر اسبوع لي في السعوديه ،، اسبوع العائله
اسبوع الفرح و البكــــــاء .. ما اخفيكم شفت دمووووع الله لا يوريكم اياها الا ب الفرح ..[ احب دموع الفرح لانها من القلب للقلب ]
والله من جد دموع الام والاب واخواتك [ دموع سبيل للنجــــاح ]، ودموع الام دمعه تكسر الظهر ٬ ماقدرت استحملها سحبني اخوي ذاك اليوم وركبني السياره
اما اخواني مافيه احلى منهم ، رايقين بالحيل يستهبلون [ واحد يقول شد حيلك يالضفدع ، والثاني يقول تجلس او تسافر ماطقيت لك حساب " وعقب ماسافرت صارو يتصلون يقولون يلعن شكلك ماتوقعنا نبي نفقدك ٬ والثالث يقول ي خي انت نصاب ، اخر واحد يبي يسافر انت ، وواحد يقول يالله روح شد حيلك وخليك قدوه لاخوانك عشان يلحقونك ]

مافكرت في السفره كثير ومرت الايام وماحسيت ان قرب موعد سفرتي ، وجاء وقت السفره واحزم امتعتي ومشيت
فراق الاهل فراق صعب خاصه لو كان لك حضور قوي في البيت ، معروف انا سبشل في البيت محد يقدر يسد مكاني < قام يرفع في نفسه
خاصه ان ابوي يغليني اكثر واحد من اخواني ، ودايم اقهر اخواني بهالسالفه ههههههههههههاي
عساني احقق اللي اتمناها وان شاء الله نتوفق في هالسفره ، وياكم ي رب

ماراح تصدق كيف الموضوع سهل جدا كل اللي عليك انك تحدد تخصص انت تميل له وتقدم على الجامعه وصدقني بمجرد مايجي الــi20 بتلقى الفيزا طلعت مثل ماصار معي جاني الـi20 وبعدها باسبوع رحت للسفارة وبعدها باسبوعين طلعت الفيزا حقتي

اتمنى لك التوفيق

انا انصدمت ان سفري بيكون بعد 12 يوم فقط ..

بعد ماكنت متوقع بيكون بنصف رمضان تقريبا ...

لكن أجبرتني الضروف أحجز بدري ...

وانا مابعد شريت ولا قلم .. يعني السبت إن شاء الله بتجي هجوله في الرياض علشان أجمع عفشي ...

وشايل هم السكن لأن المعهد يقول المفروض تعلمني قبل دراستك بشهر علشان أحجز لك ...

والأهل صرت أستمتع بجلستي معهم ... مثل الواحد لما ياكل شكليت وفي نهايته يجلس يستمتع فيه قبل يخلص <<< خطير التشبيه ^^

يارب اكتب لي ألي فيه خير .. وسهل أمري وأمر جميع المبتعثين ..

عادي ولايسند على العادي جزال

والله اني قبل اسافر ماني حاس بشي عادي

ماري يمكن للحياة اللي عشتها دور

اما اخواتي الله يحفظهم يقولون لمي لاتخلينه يروح والله بيصيع وامي تقول وليدي رجال واعرفة

اما اخواني ولا وااحد طق خبر اشكل اذا دقو علي ناقصك شي تبي شي لا يالله ضف وجهك

الوالد الله يحفظة يوم جيتك اروح صحيتة من النوم ياعسانس فدوتن له وسلمت عليه عطاني نصايح ورحت

امي الله يحفظها قطعتني بالحضن وتبكي على كتفي << والله هي اللي خاتني اروح علما اني على حسابي الخاص

خواتي الله يحفظهم قالبينها ضحك يوم امي تحضني

يوم رحت المطار اخذت واحد من اعز اصحابي ومعاه اثنين قلبوها مناحة الله يهديهم

واحضان وحلة اقولهم ياولد ان اخواني ماحضنتهم جايين انتم واللي رايح يبكي على جنب

قسم بالله ماعاد اخذهم معاي المطار


والله اني بامركيا الان والوضع بالنسبة لي عادي


مادري هل جوهم جو دراسه ولا دعاء الولده لكن من جد والحمد لله شاد حيلي طول عمري وانا فالها اللحين الحمد لله شاد حيلي


ولاتنسى انك تحط بينتك اجر طلب العلم وتاكد ان الله بيحفظك

عن نفسي بصرحة تجيني اوهام وارتباك لما افكر وش ذاهب له انا

اتحمس واقول انشاء الله اروح وارجع رافع الراس ..

بس شايل هم قبول الجامعة الى أحيين مجاني القبول باقي ع دراستي 40 يوم

بالتوفيق للجميع .

طالع قدام و فكر كيف بتوصل وش بتصير و كيف راح تكون شخص مهم في مستقبل حياتك
لا لا لا تفكر في أهلك ناسك السعودية مو تنسى قصدي فكر في المستقبل
و الجوال السعودي شغال كانك عندهم الحمدلله
بس لا تكلم الناس الي توصي كثير كلم الي يقول ياحظك ياليت أروح معك كيف الناس هناك حلوين زي كذا
وصدقني أول أسبوعين ترى زي السياحة

تصدق انا رحليتي يوم 11/ رمضان الفجر الله يكون بالعون بس وللحين ماشريت شي لا ملابس ولا ادوات دراسيه ابد

بس انا انص الاخوان اللي بيسافرون حاولو قد ماتقدرون تاخذون ادوات الدراسة من هنا خصوصا اللي على حسابهم الخاص
وبالتوفيق للكل