وهذه عينه ثانيه
طبعا هذه لشخص على مستوى عالي شوي
مااقول غير الله المستعان
وللمعلوميه الاثنين سعوديين مو اجانب
اترك لكم التعليق
!مستانسين! June 28th, 2011, 10:29 AM
7 " السلام عليكم
ياجماعة الخير أنا راسلت أكثر من جهة إعلامية وجهة رسمية لكن يد وحدة ماتصفق .. المفروض الواحد يروح ويرسل ويتكلم بالي في خاطره ترى الشغلة ماتكلف أكثر من خمس دقايق بس عشان بس نسوي ضجة ويعرفون ان الموضوع مو شخصي لكنه عام ويمس الجميع
مستنانسين زودت قهري وانا خوك .. يعني معناتها إن الربع مايقرون خير شر
تفاكير June 28th, 2011, 03:05 PM
7 " كفو يامستانسين ... انا الحين جالس اتصل والله محد يرد يالربع بس ابي اشوف ملفي وصل والا لا ؟؟؟؟؟؟؟؟؟!!!!!!!!! ايشششششش اسووي حسبي الله عليهم ماني قادر
اركز في الدراسه
البعثة حلمي June 28th, 2011, 10:02 PM
7 " السلام عليكم ،،
يا جماعة عطونا موضوعكم اللي حابيـن تعرضونه بوسائل الاعلام بصيغة مرتبة ونهائية
إن حصل ولقيت أحد ينزله بالجرائد يكون جاهز ، في واحد في جريدة اليوم كلمته يقول هات موضوعك وأشوف
ما هو أكـيد ان عطيته الموضوع راح ينزله لكن نحاول ، لكن السؤال وين الموضوع والوثائق وتصوير الايميلات او تسجيل المكالمات
لازم تكون حجتك قوية .
لا يوقف
نثر عطره ورحل June 28th, 2011, 11:57 PM
7 " ياجماعة الخير مانبي الصيغة تكون موحدة عشان مايقولون ان الي يرسلها شخص واحد
اهم شي يكون هناك احداث معينة بالاسم لتجاوزات المشرفين وتجاهلهم واسلوبهم العنجهي ومحاولاتهم لإذلال الطلاب ويتم ارسالها موقعة باسم الطالب او الاشارة بالحروف الاولى من اسمك وولايتك
لو عشرين واحد بس مننا ارسلوا لسبق + عكاظ + الوطن .. صدقوني راح نسوي ضجة غير طبيعية
لكن مشكلتنا اننا كسالى ...
على فكرة انا موضوعي انتهى بعد ماجبت (( واسطة )) ويوم سألت الواسطة قلت ليه طيب هو وقف راتبي؟
قال مافيه سبب محدد!
طيب ليه مارد علي المشرف طويل العمر!
قال مدري عنه هم كذا مايردون على احد يبون وسايط تتوسط عشان تنحسب على الناس جميلة!
بس عن نفسي ماراح اسكت وراح ارسل باذن الله لكذا جهة
ترى الامر بسيط يالربع .. حنا مو في عصر حمام الزاجل ولا رسالة البريد السعودي ولا حتى فاكس .. حنا في عصر الايميل وضغطة زر وانت قاعد على جهازك كلامك يوصل لأكبر مسؤول في الدنيا
مانبي مسؤول نبي بس وسائل اعلامية محترمة تنشر معاناتنا فقط ووالله هالكلام مايرضي الملك عبدالله
تفاكير June 29th, 2011, 01:44 AM
7 " الملحقية بكبرة يبيلها غربلة شاملة مايصير هالكلام وين السعودة يعني هالجنسيات الأخرى راح تهتم فيني اكثر من ابن بلدي والله ماعندهم سالفة الادارة المالية من ماسكها لاتقولون اجانب بعد لأنه اذا اجانب فهم متعمدين يحطونهم بالأدارة المالية لأن الأجانب يسكرون افواههم بكم (تفاحة خضراء) وسهل التحكم فيهم واللبيب بالأشارة يفهم عشان كيذا مايبون سعوديين يبون اجانب يرضون بأي شيء ولا السعوديين هذاهم ترس الديرة ومؤهلات ممتازة ينتضرون الاشارة بس مو سواقين هالتكاسي وحق الشورما ولا كوافييرة لايملكون اي مؤهلات علمية اللهم لغة وجايبينهم مرززينهم عندنا نكدعليهم وفوق كيذا قلت أدب ولايحترمون الوظيفة صج لاقالوا شين وقوات عين وربي على الظالم ان شاءالله
وعلى فكرة انا توي محول بعثتي على امريكا وكنت في بريطانيا وعندنا وعندكم خير الحال من بعضه بس حنا على الاقل عندنا البوابة الألكترونية كل شي عليها وردهم الشهادة لله سريع انا حولت بعثتي في 8 ايام فقط من بداية الطلب مرورا بالملحق وانتهاء بالوزارة وكله عن طريق البوابة حتى الوزارة ماطبيته اتمنى يطبقون هالنظام عندكم على وجهي ان شاءالله لأنه ممتاز ومريح جدا جدا.
دائما متفائل June 29th, 2011, 10:09 PM
7 "
طبعا هذه لشخص على مستوى عالي شوي
مااقول غير الله المستعان
وللمعلوميه الاثنين سعوديين مو اجانب
اترك لكم التعليق