هل ابقى بجامعة الملك سعود ام اخرج لأمريكا لأكمل الدراسة ...؟
بسم الله الرحمن الرحيم
حي الله كلن بنكه
كيفكم اخباركم طيبين ان شاء الله
حبايبي من شباب وفتيات
انا جايكم اليوم وبسألكم واستشيركم وابي الرأي السديد منكم
انا الان بجامعة الملك سعود ادرس حاسب الالي تخصص نظم معلومات
وخلصت يمكن حول السنتين
وها الفترة جايتني نوبة افكار تدور براسي تقول اطلع امريكا كمل دراستك ..:confused:
لأن الدراسة هيناك افضل وشهادة اقوى ومن ها الكلام ..
وقاعد اقلبها براسي يمين يسار بس ماش لحد الان ماوصلت لقرار نهائي
وجايكم اليوم تساعدوني بإتخاذ ها القرار ..؟
هل اروح اكمل دراستي برى ؟
وهل بيعادلون لي جميع الي درسته ؟
وهل الدراسة بأمريكا افضل واسهل كما سمعت ؟
وهل .. الي عندك تشوفة مفيد لي قله:p
واتمنى لكم التوفيق والسداد ..:)
رد: هل ابقى بجامعة الملك سعود ام اخرج لأمريكا لأكمل الدراسة ...؟
وعليكم السلام .. .
انا من وجهة نظري يالغالي تكمل بالجامعه دام ببلاش ليش تخسر نفسك ؟؟ دام انت تدرس بكالوريوس نظم معلومات بس شد حيلك وجيب معدل عالي وقدم على الماستر
وفي النهايه القرار لك وانتظر الاخوان ان شاء الله يردون عليك
رد: هل ابقى بجامعة الملك سعود ام اخرج لأمريكا لأكمل الدراسة ...؟
لاتضيع عمرك خلص البكالريوس بمعدل عالي وبعدها كمل ماستر برى
بالتوفيق
رد: هل ابقى بجامعة الملك سعود ام اخرج لأمريكا لأكمل الدراسة ...؟
سلام
مني نصيحه كمل البكالوريوس في السعوديه وبعدين كمل ماستر في امريكا...لاتكرر غلطتي ...ترا والله المعادله صعبه جدا وراح يكلون حقك...لاتضيع عمرك...لاتصدق ماتشوف من معادلات مواد في المنتديات
من ناحيه انك سمعت ان الدراسه اسهل في امريكا...انا كنت سامع الشي ذا ...لكن ماشفت...والله الدراسه في السعوديه اسهل جدا...ومايحس فيها الا اللي مجرب الدراسه في البلدين
في النهايه ...القرار يعود لك
بالتوفيق
رد: هل ابقى بجامعة الملك سعود ام اخرج لأمريكا لأكمل الدراسة ...؟
كمل بالسعوديه وأطلع هنا ماستر ،،
راح تضيع نفسك وتشتت نفسك بهالطريقه ،،
وفي روايه يقال انك فاضي !
رد: هل ابقى بجامعة الملك سعود ام اخرج لأمريكا لأكمل الدراسة ...؟
تسلموووون جيمعكم على الردود
الي انا خايف منه انهم يقولون كلها كم سنة ويسكرون البعثة فكذا لا انا الي استفدت من البكالوريس ولا الماجستير عشان ادرسها برا..:(
رد: هل ابقى بجامعة الملك سعود ام اخرج لأمريكا لأكمل الدراسة ...؟
من بعد الحملة الخامسة تم الإعلان الرسمي بتمديد برنامج خادم الحرمين الشريفين خمس سنوات قادمة ، يعني إلى الحملة العاشرة .
بالنسبة لرأيي ، و الله كلا الخيارين جيدين ، ان جيت من ناحية ، فعلا مثل ما قالوا الشباب وش لك باللخبطة و تضييع ساعات الدراسة في المعادلة . و لكن من ناحية ثانية ، الدراسة في أمريكا و في جامعات متميزة أفضل حتى لو السنتين ذي كلها ما عودلت .
انا أميل للخيار الثاني ( ما أدري يمكن لأني الأيام هذي أحس أني ضيعت وقت بما فيه الكفاية و انسرق مني الزمن و أصبحت مستعجل في كل شي :) )
لكن من جد ، الدراسة في أمريكا و في جامعات متميزة أفضل لك .
فإذا كان معدلك ممتاز في الثانوية ، فحاول بكل ما أوتيت من جهد أن تجد قبول في جامعة متميزة مثل كارنيجي ميلون المشهورة في علوم الحاسب . أعتقد معدلك في الثانوية + دراستك السنتين هذي و خصوصا إذا معدلك ممتاز + خطاب غرض من الدراسة أخّاذ = قبول في جامعة متميزة مثل كارنيجي ميلون .
و بالله التوفيق
رد: هل ابقى بجامعة الملك سعود ام اخرج لأمريكا لأكمل الدراسة ...؟
اقتباس:
المشاركة الأصلية كتبت بواسطة أ بـو بـد ر
من بعد الحملة الخامسة تم الإعلان الرسمي بتمديد برنامج خادم الحرمين الشريفين خمس سنوات قادمة ، يعني إلى الحملة العاشرة .
بالنسبة لرأيي ، و الله كلا الخيارين جيدين ، ان جيت من ناحية ، فعلا مثل ما قالوا الشباب وش لك باللخبطة و تضييع ساعات الدراسة في المعادلة . و لكن من ناحية ثانية ، الدراسة في أمريكا و في جامعات متميزة أفضل حتى لو السنتين ذي كلها ما عودلت .
انا أميل للخيار الثاني ( ما أدري يمكن لأني الأيام هذي أحس أني ضيعت وقت بما فيه الكفاية و انسرق مني الزمن و أصبحت مستعجل في كل شي :) )
لكن من جد ، الدراسة في أمريكا و في جامعات متميزة أفضل لك .
فإذا كان معدلك ممتاز في الثانوية ، فحاول بكل ما أوتيت من جهد أن تجد قبول في جامعة متميزة مثل كارنيجي ميلون المشهورة في علوم الحاسب . أعتقد معدلك في الثانوية + دراستك السنتين هذي و خصوصا إذا معدلك ممتاز + خطاب غرض من الدراسة أخّاذ = قبول في جامعة متميزة مثل كارنيجي ميلون .
و بالله التوفيق
حياك الله ابو بدر
والله انا تفكيري مثل تفكيرك بالضبط
لاكن الخوف ذبحني
بس شكلي بتوكل على الله وبسوي مثل ماقلو لي الشباب هينا
بكمل البكالوريس هينا والماستر اخذه من برا
رد: هل ابقى بجامعة الملك سعود ام اخرج لأمريكا لأكمل الدراسة ...؟
هلا اخوي الغالي انا انصحك انك تكمل في جامعتك البكالريوس ثم تطلع تكمل نصيحه لك والله لأن اذا كنت ناوي تطلع راح تواجه امور كثيره اول شيء ماراح يعادلون جميع مادرسته في الجامعه راح يعادلون ساعات اقل من الي درسته ممكن اقل بشيء بسيط او اكثر الله اعلم الشيء الثاني اعرف زين انك راح تدرس على حسابك وهذا الشيء بيكلف عليك ممكن تطول وانت دارس على حسابك وهذا راح يكلف عليك وعلى قول المثل عصفور في يدك ولا عشره في الشجره الا اذا كان عندك فتامين ( و) فهذا شيء ثاني بتوفيق ياغالي
رد: هل ابقى بجامعة الملك سعود ام اخرج لأمريكا لأكمل الدراسة ...؟
والله اذا امورك ماشية هنا كمل افضل واطلع للماجستير
اما اذا متعثر اشوف انه برا ازين
الله يوفقك ويعينك على شاهر :p