الأعضاء الإشتراك و التسجيل

الملتقيات
ADs

حوار الى جميع طلاب الامريكا كيف قدرت تسيطر على نفسيتك بالاول الايامك بالامريكا

حوار الى جميع طلاب الامريكا كيف قدرت تسيطر على نفسيتك بالاول الايامك بالامريكا


NOTICE

تنبيه: هذا الموضوع قديم. تم طرحه قبل 2400 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة motab1
    والله انا بس لاسمعت طاري امريكا يوجعني بطني وتجيني دوخه اعراض حمل يادافع البلا
    ولاصرت اكل وسألني وش صار تنسد نفسي
    وانا اكتب الحين انواع الهواجيس

    ياليت الشباب يجاوبون
    هههههههههه أما أعراض حمل حلووووووووه

    بس أنا ماجتني هالأعراض أنا صابني اللي ما كنت أتوقعه بسبب الضغط النفسي اللي مريت فيه لأني موظف ومتزوج

    فما تتخيلون كيف ضحيت بوظيفتي وأستقراري الأسري والتضحية اللي أنا مقبل عليها

    ومن يوم قدمت الفصل ........(( الرجاء اللي يبي يصدق يصدق واللي ماهو مصدق لا يكذبني ))

    صار عندي جفاف في الحلق وكثر عطشي وكثرت روحتي لدورة المياه خاصة في الليل يعني في الليل

    أقعد أكثر من 5مرات تصل أحياناً إلى 7 أو 8 مرات وليومكم وهذي حالتي وأنا شاك أنه صادني السكر

    طبعاً الوضع هذا والله العالم أنه نفسي بسبب وضعي الأجتماعي خلاف اللي جاي توه متخرج من الثانوية

    وفي بداية حياته ولا وراه زوجة أو مسؤوليات أجتماعية يعتني فيها مثل وضعي كل اللي راح يشعر فيه

    الخوف من الثقافة وكثرة الترسبات اللي في روسنا من سماع سلبيات الأمريكان وأنهم ...وأنهم والأفلام

    اللي تصور الشوارع الخطيرة والخوال ((أصحاب البشرة السوداء)) بأنهم مجرمين ومن هالسوالف

    والوضع مثل السعودية أبعد عن الأماكن المشبوهه والخطرة فقط وهذي بتعرفها في مدينة الدراسة بالسؤال

    وبعدها راح تحس بالأستقرار وأنك واحد من الشعب

    أتمنى أني أفدتك
    7 "
  2. ماشاء الله تبارك الله
    والله انا انواع الروقااااااااااااااااااان وانسجمت بسرعه ونظامي هو هو مااتغير سهر السعودية لسى وطلعات بعد الدوام مع الزملاء في الكلاس
    اهم شي الواحد يختلط بالزملاء بدري بدري عشان يرتاح ويتعود على الجو ويابنات عشان ترتاحو لاتتحاشو الطلاب السعوديين تعاملو كزملاء عشان ترتاحو نفسيا
    الحمد لله والشكر على كل شيء
    7 "
  3. انا ماراح ازيد على كلام اخوي سعد نفس حالتي بالضبط

    الوضع مختلف تماما حينما تكون رب اسره وتضحي بالوظيفه في وقت صعب ايجادها في بلدنا ولديك عائله واطفال

    ولكن نسأل الله التيسير والتوفيق من لدنه سبحانه

    الحمد لله الوضع الان افضل مما كان في الاشهر الاولى

    والله يسهل علينا كل ماصعب

    والسلام
    7 "
  4. انا سفرتي بإذن الله بعد شهر ونص
    لكن ماحس بخوف الحمدلله ولاشي بعكس سفرتي الاولى لان قبل ذهب الى نيوزلندا فعلا ذيك الايام صعبه قبل السفر بيوم ماااااااااااانمت ولاشفت النوم تفكير وش بيصير+ انا ماعندي لغة لغتي صفر
    اما الان ماعندي مشكله بدخل امريكا بإذن الله بقووووة بعنف لان باعتقادي المشكله للي يروح اول مره في إيجادته للغة اما الباقي سهالات وطبعا تعرف انظمه الدوله والغرب

    << عني انا عرفت وساخه وقذارة الانجليز بشكل كبيررررررر يكرمون الامريكان عند البريطانيين يافيهم عنصريه مقيته

    فانا صرت مدرب وفاهم الكفت على مايقولون.. وانصح فقط اللي في الموضوع وبيطلع لامريكا او لغيرها اذا ماعندك شي بالغة على الاقل اطلع وانت متأسس لاتسوي زي غلطتي

    وشكرا
    7 "
  5. انتوا رجال وماعندكم مسووليات ولااطفال تشيلون همهم ولا شي كيف انا لما جيت حامل ومعي طفله والحمد لله ربكم يسر الامور ..
    اخواني
    ماله داعي الخوف والموضوع جدا بسيط من بساطته بتقول هاذي هي امريكا اللي مسويه زحمه عادي ولافيها شي زود ..

    نصيحتي لكم .. وسعو صدوركم واعتبروا نفسكم في رحله وتمشيه ..

    نصيحه اخرى وهي الاهم ..
    لاتخافون اللحين ولاتشيلون هم لكن ارجوكم اذا جيتو خافوا من ربكم وانتبهو لانفسكم وابتعدوا عن الحرام لانه بيسير ميسر لكم بشتى الطرق ..
    ارجوكم ..
    لما اشوف بعض الشباب وتصرفاتهم والله يوجعني قلبي واقعد متضايقه طول اليوم ..

    نستودع الله دينكم وامانتكم وخواتيم اعمالكم ياشبابنا وبناتنا المسلمين في كل مكان ..
    7 "
  6. انا بالبداية كنت متحمسة وعادي وجلست اسبوعين مبسوطة قبل الدراسة وحطيت ولدي بالروضة ورتبنا وضعنا بس لما بدت الدراسة بالرغم ان معي لغة كويسة والدراسة سهلة بس حسيت بالروتين

    والضغط وجلست اول اسبوع بالدوام مااكل كويس واجلس ابكي بسرعة خصوصا اذا كلمت اهلي والحين تحسنت كثيررررر

    الامور كلها سهلة ومتيسرة بس اهم شي الواحد يلجئ لربة ويقراء قران كثير كل ماحس انة متوتر

    اللة يوفق الجميع
    7 "
  7. ترا الموضوععادي لا تشيلو هم

    بالعكس انا حسيتاول ماجيت اني ماكنت عايشه

    الحياه هنا حلووووووووه ومريحه لأن كل شي يمشي بالنظام

    أهم شي تحافظ على دينك وراح تنبسط هنا والله كلام من خبره أنا كنت زيكم شايله هم بسط والله ماحسيت أي لحظه بالندم

    لي رجعه
    7 "
  8. المشاركة الأصلية كتبت بواسطة motab1
    والله انا بس لاسمعت طاري امريكا يوجعني بطني وتجيني دوخه اعراض حمل يادافع البلا
    ولاصرت اكل وسألني وش صار تنسد نفسي
    وانا اكتب الحين انواع الهواجيس

    ياليت الشباب يجاوبون
    ههههههه ردك ضحكني بس ذكرني بالرعب الي فيني ....والله صح متحمسه للروحه بس فيني خووووووف لايعلمه الا الله ...الله يستر
    7 "
  9. انا اللي شكلي غريب بينكم هع
    طبعاً ماعورني بطني والا شي ، بالعكس كن الوضع عادي ماني بمسافر والا شي وجلست ورحت وجيت وتمشيت واخر اسبوع جالس مع اهلي كل يوم عشإء وجمعه حلوه الله يعيدها ي رب
    وضحك وفله والله من جد مراح انسى هذاك الاسبوع ،، اسبوع غيـــــر والله ،
    اول ماركبت للطياره ، كنت اخاف استرجع وانتم بكرامه عشان كذا حاط كيس بين رجليني ، لاني اول مره اركب طياره ، لا ودايركت من الرياض لامريكا
    والخوف جنبي 5 سعوديين شباب مثلي كلهم طالعين يدرسون ويقطون على بعض واستهبال كاننا نمون على بعضنا من زمان ، خفت ادوخ بينهم واخربها هع
    وتمشي الطياره وذاك اليوم شكل الكابتن داعس اقوى ماعنده ، يدعس وانا اذكر ربي وو واول ما اقلع نبارك بعضنا حنا والشباب هههههههاي
    اللي جنبي يقول لي يومين مانمت ،، بعكس انا متسدح نوم في البيت جايهم شبعان . المهم عقب ساعه او نص ساعه جابوا لنا الابلكيشن اعبيه وانا غشيم في التعبيه ومامعي قلم كلنا الخمسه متخاشرين بقلم
    قلت شوفوا انا بنام الحين وشوي اليا قمت بعبيه ، واحط راسي وانام 8 او 7 ساعات ،، ما ادري ب الضبط كم إلتفت على اللي جنبي قلت بشر وين وصلنا قال يرحم اهلك عطني شوي من نومك هههههههههاي
    المهم عقب ماصحيت عبيت الابلكيشن وطقطقت سوالف معه ربع او نص ساعه قال لي بنام صرفني ،، قلت اوكي وانا حطيت راسي وانا ساعتين وصحيت لقيته للحين يحاول ههههههههاي
    قلت قبل شوي تصرفني واثاريك مانمت ، قال والله اني ما عرفت انام والمشكله مواصل يومين عشان انام هع
    المهم واقوم من مكاني وسوينا جلسه مع الشباب وضحك وفله ووناسه ، والله انهم يحطون على الجرح فلاويه لابعد درجه ومابوه حيآء بيننا
    وعقب ماوصلنا لامريكا ، الا ي طويل العمر ما ادري وين اروح ، انا اسمع في سواق الملحقيه والا ادري وينه وكلن غشمان في هالسالفه ما ندري شالسالفه ، المهم قلنا يمكن نحصله عند الباب ، المهم ونمشي الا اشوف واحد رافع اسمي ، رحت وسلمت عليه وسحبت على العيال هم راحو للملحقيه وانا طلعت للبيت مع الدليله حقي هع
    ووقفنا عند البيت اللي يفتح النفس اشجار وربيع وخضره واجواء ماشاء الله تبارك الله
    وجلست يمكن 5 ايام ارتاح ثم بعدها رحت وفتحت ملف في الملحقيه ، وبعدها ب 5 ايام بدآت الدراسه حقتي وانا طبعاً ولله الحمد الابتسامه ماتفارق محياي ، الله يخليها لي
    والله الا الان اخلاقي حلوه والا فكرت اني اطفش ، بالعكس في بالي اني مقدم على حياه تختلف ، والحمد لله فيني حماس للايام القادمه ،
    واذكر جاني واحد سعودي في الكلاس ، قال شفيك دايم مبتسم ، لانه واضح انه متكدر وضايقتن به الوسيعه
    قلت ي خوي لا تسئلني هالسؤال ، من وعيت على هالدنيا وانا حالي كذا ومشهور فيها < اخص يالشهره
    صحيح بعض الابتسامات بغت توديني في داهيه بس الله ستر
    [ عاد مو تفكرون انه طعس ودلخ عقب هالابتسامه .. تراني خطير هع ]

    نظامي الان
    انام الساعه 9 او 10 ، واصحى 5 الفجر و اليا قعدت احل واجباتي واذاكر واقراء من الكتب وزي كذا
    وبعدها افتح الكمبيوتر وادخل موقع مبتعث او ادخل كملنا واطقطق والعب
    اليا جات الساعه 11 اقوم والبس واتضبط واحرك الساعه 11 ونص اقل من مهلي وانتظر الباص وبعدها اروح للمعهد ونساعد بعضنا في حل الواجبات المستعصيه
    المعهد يبدآ 1 الظهر ويخلص 5 ونص وارجع البيت حوالي 7 او 7 وعليها
    ،، بس الا الان ادور لي نظام معتمد امشي عليه
    الله يوفقنا وييسرها علينا ي رب
    موضوع مفيد جزاك الله خير < الواحد بكذا يقدر يطلق العنان للكيبورد
    7 "
  10. يارجال انا مافصلت ولا قدمت استقاله عطيتهم الخامس والوجهه امريكا ..بعد 8 شهور بارامكو وشفت الفارق الكبير بالتعامل مع المهندسيين والفنيين قلت انا وش ينقصني مااصير مهندس ومسكت كنت مسوي خطه كيف اقنع الوالده المشكله مو الوالده المشكله الجماعه والاقارب يادافع البلا ياانهم سببو لي ازمه نفسيه لاان الاجرائات تطول جلست بالبيت 3 شهور الا ..المهم بعت سيارتي وبعد شهر بامريكا ضموني للبعثه..
    طلعت سفر خط سياره 350 كم وبعدها طياره نس ساعه وبعدها طياره 5 ساعات وبعدها طياره 7 ساعات اخر شي وصلت ..اطالع انا بامريكا وش جابني هنا يازيني بارامكو مستانس ومعين خير ..وبدت مشاكلي الماليه مااعرف اوازن الميزانيه الماليه ..مرت ايام حسيت اني مهاجر غير شرعي او لاجئ بعد بعد شهر استقريت وبديت اأتأقلم والي يوزن الراس ستاربكس عقب ماكنا نشرب القهوه من عند الغاليه ..الوكاد اني شفت الشعب الامريكي وعرفت ان السعوديه جنه اكثر شي تلاحظه هنا فقد الوزن كنت 73 صرت 65 باقل من 3شهور ..
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.