حوار الى جميع طلاب الامريكا كيف قدرت تسيطر على نفسيتك بالاول الايامك بالامريكا

موضوع في محلة
انا عندي اي توني من ELS جاء بعد 3 شهور من التخبط
المهم اني انتظر القبول المشروط والجامعات مطلعة عين عيني بطلباتهم وماخلصت
المهم ان بطني من الحين يتقطع
دخلت المستشفى قبل 4 ايام وسويت 3 تخطيط قلب
والحمد لله الامور طيبة

موضوووع ولآ أحلى
رآئع جدآ إن الوآحد يفضفض ويسمع فضفضه الاخرين
والاحلى انو هذآ يستفيد من هذآ وهذآ ينصح هذآ

أنآ صرآحة قلق جدآ جدآ من المرحله الجآيه وهي القبولات
لاني خريج ثآنوي ومآطلعت النتآيج ومحتآس مآ أدري وش أبدي
وكل مآ أرسي على ولاية أو معهد وجآمعه يطلع فيهآ مليون عيب
والمعآهد ومآ أدرآك مآ المعآآآآهد (هذي اللي أحسه صدز تدبل تسبد الوآحد )
لانو انت بآلسعودية مآتدري وش الزين و وش الشين وحددت معهد ويطلعلك وآحد يسبوه ووآحد يمدحوهـ
فآ مآتدري وش الرآي اللي تمشي عليه
والله يعين على الأسآبيع اللي قبل السفر الله يكتبه لنآ
والله يعين على اللي بعده
والله يكتب اللي فيه خير

مدام الدعوة من ورى الشاشة وعموما الوجه من الوجه أبيض يا إخون وخوات

الموضوع عن تجارب الشباب والآبات في أمريكــا ، لكــن أغلـــب المشاركات من اللي بعدهم ما راحـوا وانا منهم

لذلك سأدلو بدلــوي :

شفتوا حالة الدكتور سعد انا متزوج وتوه مستقر ووظيفة ، انــا مثله وأصعب بعد ،،، كيف ؟

يا جماعة الربع أنــا الوحــيد من إخواني اللي وصــل للثانويــة ، تصدقــون ؟

يا جمــاعة فوق هذا إني متفوق من وعيت على الدراســة ، أذكر عرابجة الحارة مستغربين من وضعي

فرارة كل اليوم وتسكع والأول على المدرسة ما تجي ! لكن هذا الحــاصل

لكن أعاقتني الظروف ،، هل كيــف حدث ؟

في بداية ثالث ثانوي توفى الوالد ، عسى المزون تهل على قبره بالبركـات والرحمات

في نهاية ثالث توفى أخوي ، ( 23 سنة ) أسأل الله أن يجمعني بهم في دار كرامته

تأثرت بوفاة أخوي جدا جدا جدا أكثر واحد بالعايلة لانه كان اللي اكبر مني على طــول

هالكلام يا جماعة الخير 2001 -2002

نويــت اسحب على الدراسة بحجة إني أقول لهم ب أعيد السنة لكن تم الرفض من والدتي

قلت ما أردها ،، خشيت الاختبارات الوضع تمــام الحمد لله

لكن حصلت النكبة في ثالث آخر يوم كان يوم الاثنين وكان اختبار كيمياء

نمت وما صحــيت ، ( ثالث ما درستها بالديرة ، درستها عند أخوي بالشرقية وكان يومها مداوم شفت )

فــ نمت ، وأخذت دور ثاني بالمادة ،، الاول على المدرسة دور ثانـــي ، يا سلام

أنواع الحرب النفسية من الاقارب العقارب

خشيت الدور الثاني ، ألحاصل طلعت بنسبة 95 ما نقصت الا نسبتين عن الفصل الاول

تدرون وش مسكت معاي أدرس ويا ليت اهلي مخليني ادرس اللي ابي

كنت أبي دراسات اسلامية ، كنت ابغى الجامعة الاسلامية بالمدينة لما وجدت فيها من راحة

بعد الرفض اأخوي الكبير قدم لي بأرامكو واقبلوني برنامج الاي تي سي ، برنامج الابتعاث قد فاتني

الحاصل دخلت ارامكو مجبر ، انواع الهلوسة ، ما كملت سنة الا وانا فاصــل سحبت على مندوبهم

انواع الملامات ، رحت للرياض جامعة الملك سعود ، تخصصت انغلش ،

لاحظوا باختصار ما ذكرت المفاوضات الصعبة مع الاهل وخصوصا أمي يا عسى عمرها طويل على الخير

كملت الترم الاول واخذت ممتاز بعدها جتني خـــــــــمة ، عجرت لا أكمل

نهائيا ، حاولت يمين يسار ما اقدر اروح للجامعة انواع الخوف والرياح الشديدة ومدري وش

تركت الجامعة ، هالكلام 2007 صرنا \\

قربت اخلص معلش ،، في هالسنة كلمت لي رجال كان يعرفني زين زين ، ويعرف مستواي وتحصيلي العلمي

ودبرلي وظيفة ابي استر وجهي فيها عن اهلي والقرايب ، والحمد لله الوظيفة تمام ، لكن فني كهرباء

درسونا سنتين خلصنا 2009 في نص الدراسة بغيت افصل ، أهلي حسوا فيني

قالوا هالولد شبلاه ما يعقل ما خش مكان الا سنة وهو حاط رجله ، قال اخوي علاجي عندي ، وهو يتصل علي

قال يا ولد وش رايك بالزواج ،، ها كيف ليه احم ،، قلت خلني افكر ، قال المرة جاهزة

وشهر واقولهم اتكلوا على الله ، بعد ما خلصنا دراسة ودخلنا الشركة تزوجت في الفين وعشره

صارلي سنة وشهر الحين وركدنا بعد الزواج واستقرينا

والحين مسكت براسي الفكرة من فبراير الماضي لان كان معنا واحد طلع لامريكا وكنت انصحه واقوله يبن الحلال لا تغامر

لكن ما شاء الله 3 شهور وضموه ، الحاصل لما جاني العلم انهم ضموه تحمست

ومن فبراير الى اليوم وانا حالتي حالة انواع نقص الوزن ، امي تقولي ليه غادي شويب يا ولدي ؟ فديتها

والحين الدراسة في امريكا تبدأ في واحد سبتمبر لغة ثم بكالريوس هندسة كهرباء والله يسهل

يا الربع الحاصل بعد القصة ابي اسألكم سؤال ؟

يا يجيكم كذا طيف عابر وانت تسعى بالسفرة يمين ويسار ، يقولك يا ولد وش عندك رايح انت صادق معزم بعد

اقول انطق عند اهلك وعيش واستقر لا تدهور نفسك وتدهور اللي بذمتك ، وانت تاريخك بالسحبات ما شاء الله

اركد وعين خير لا تجيب الكلام لنفسك << كل هذا الطيف يقوله ... بالله مر عليكم

انا واثق من نفسي دراسيا ، لكن ماني واثق نفسيا

العذر والسموحة ادري طولت لكن فضفضة


وهذا وصلى الله وسلم وبارك على عبده ونبيه محمد واله وصحبه ..

أخوي نثر عطره
مآدري أقدر أسمي مشوآرك الطووويل ( كفآح أو عدم توفيق أو عينن مآصلت على النبي ) مآآآدري
لكن والله دآم قصتك كذآ كل مآ تدخل شيء تسحب عليه أو مآتوفقت فيه
والحمدلله حسب مآفهمت إنك مستقر بوظيفتك ومتزوج مآشآء الله
وكل هذآ ,, بعد مشوآآآآآر طويل
فآآآ أنآ نصيحة أمسك وظيفتك والله يوفقك
ويكتب لك اللي فيه خير

شخصيا,
تمت الأمور بشكل جيد,,من يوم كنت في المطار إلى أن بدأت دراستي,,
لكن أقتصاديا واجهت مشاكل,,
نصيحتي للطلاب الجدد,,لا يسوي أي شئ أول ما يوصل,
يخلص إجراءات الملحقيه كفتح الملف..
والباقي يخلصه في مدينة الدراسه,,
تفادي للأخطاء الماليه

يارجال انا ماصدقت على الله انه تجي يوم سفرتي ,,,, اكتشف بنفسك واستانس احلى ايام العمر راح تعيشها هينا

والله الاحساس بالضيقه والهواجيس قــد تمرر على اغلب الطلاب ...لاكنها تعتبر فتره وتعدي ان شاء الله ...انت انظرها لها من منظور رائع لا تنظر لها على انها غربه وتعب ......صدقني الامور سهالات ان شاء الله

واذا الله كتب لك طوله العمر ورجعت السعوديه صدقني راح تبكي على ايامك هذي وتتمنا انها ترجع...عموما امريكا حلوه صرااحه وتعلمك اشياء كثيره بغض النظر عن الدراسه..بالتوفيق

االسلام عليكم ورحمه الله وبركاتهصح تكون في ربكه وكده قبل السفر بس اول ماتطلع الطياره خلاص تحس



براحه او بلاصح بعدم مباله خاصه انو خلاص دحين انتهى وقت التجهيزات وخلاص


والحمد لله كل الامور سهاله معدا في الطاره لانننا جينى على قرف طيران سعودي وكانت اسوى رحله ليا في حياتي بس حسيبي الله ونعم الوكيل من جد


تعبت وخاصه انهم مارضيو يجبو لودي شي احطو فيه وفضل نايم على يدي 14 ساعه وكمان بنتي ماجابولها وجبه طفل يقولولي


انتي ماطلبتي قلتلهم كيف يعني اطلب دي وظيفتك وانتى المفروض الي تشوف في جدول الركاب كم طفل موجود على الطياره ولا يعني ان اجيب رقمك واكلمك على بيتك وكمان غيرولنا مقاعدا وخلونا جالسي في نص الطياره


والي زاد الموضوع كمان انو زوجي بداء بنزف دم من خشمو ولمن طلبت منهم جهاز ضغط قالولي مافي فبجد اسوى طيران هو السعودي



وكمان عربية اولادي مارضيو يدوني هي عند بابا الطياره قالولنا تاخدوها مع الشنط وكان زوجي مرررره


تعبان ومازل ينزف ومرررره تعبت مع الاولاد الله يحميهم مع العلم انو اي طيران في العالم عند الباب وانتى نازل تلاقي عربيه اولادك تستناك


بس بعد مانزلنا من الطياره كل شي كان تمام الحمد لله

وسوري على الاطاله