حوار الى جميع طلاب الامريكا كيف قدرت تسيطر على نفسيتك بالاول الايامك بالامريكا

فكر جيد
أتمني من الجميع المساعده
في هذة الموضوع

ياخي حاسين بالخوف ونحن باقي ماسافرنا .. الله يعين

والله انا بس لاسمعت طاري امريكا يوجعني بطني وتجيني دوخه اعراض حمل يادافع البلا
ولاصرت اكل وسألني وش صار تنسد نفسي
وانا اكتب الحين انواع الهواجيس

ياليت الشباب يجاوبون

الله يعطيك العافية على الموضوع ..

الموضوع بسيط جدا ، اذا كانت وسوسة و قلق فالطالب هو الي عملها بنفسة ، لان الامور هنا متسهله تماما و الحمد لله ، الي اشوفة و اشدد عليه دائما " اذا شفت موضوع صاحبة بيتكلم بسلبية اخرج منه " لان اغلب هذه المواضيع ماهي الا هذرة و كذب و اكثرها كذب الا ماندر .

اما بالنسبة لقضاء اليوم هنا ، فأانا اشوف انه عادي جدا ولكن منظم اكثر ، كل شي بمواعيد كل شي بالانترنت ، اخر مره ( و اول مره ) ادخل فيها المكتبة العامة في منطقتي اشتريت كتاب قوي جدا و سهل جدا في مجال تعليم القواعد الانجليزية و اسمه English grammar in use هذا الكتاب الي نصحت فيه حتي اختي الصغيرة ، فكان من كسلي اني مافيا حيل اشيل الكتاب ابو 150 صفحة فخليتهم يرسلوه على المعهد و كمان بتخفيض 10 دولار

فالامر جدا بسيط و مافي داعي للقلق ابدا

يارجال احلى ايامك في امريكا اولها ..


عيشها بفله يابطل وتمشي الامور

اووه .. ايام ياولد الله لايعيدها

شوف وانت بالسعوديه .. أكيد ماتبغى تنسى شي ابد
من اوراق .. وحاجيات ..
صلح لست بورقه ..كل الاشياء الي انت تشوف انك تحتاجها
القاموس لازم يالغالي .. لازم

شنطتك .. اذكر مر علي موقف بالشنطه
الوالده الله يحفظها ..رتبتها لي
وابد حطت كريمات الحلاقه والشامبوهات مع الملابس
ولما وصلت امريكا ..تفاجئت ان العلب فاضيه .. وتوسخت الملابس علي .. الله يطول بعمرها امي

انت حط اي سوائل بكيس ..

..

بالطائره .. خلي معاك ايبود .. او جوالك ..ومعاه السماعه .. وحمل صوتيات وكثر منها
والي يعجبك محاظرات .. قرأن .. على كيفك ..حتى لو تنزل دروس صوتيه
بس راع تعجبك بالطائره ..كتب .. ملاحظات بالجوال .. اللابتوب ..
اذكر انا كنت فاتح اللابتوب .. واصمم صور فتوشوب ..فاضي يــ اخوك

..

اذا وصلت امريكا .. خلي الاي تويني معاك والقبولات ..
والجواز بس ..
والمطار ..بس ياخذو لك كم صوره وكذا واجراءت روتينيه ..لاتخاف
وياما وياما .. سمعنا ان المطار يبي يفصخ ملابسك ..كذب بكذب كله

..
وشوف نصيحه . خليك متواصل مع طلاب معهدك قبل السفر
وخليهم يدورولك شقه او عائله .. وخليهم يستقبلوك بمطار المدينه الي انت فيها
والله مالك إلا ربك ..وثم الطلاب السعوديين
ادخل فيهم إميلات .. وكذا ..وترا كل معهد حاطين لهم حساب بالفيس بوك
وتلاقي فيه سعودين

وصدقني فيه سعودين يحبون الخدمه

وابد خلك واثق ..حتى اذا نسيت شي .. خلي اهلك من السعوديه يرسلوه لك فيدكس ..اسبوع وهو عندك

يلا بالتوفيق ان شاء الله ..

وكلام الشباب على متمه وازيد حاجه اتوقع انها مهمه جدا جدا الا وهي التحضير النفسي قبل الذهاب لديار الغربه

الحمد الله والشكررر الامور تمام اول مارحت عادي الموضوع انا اتكلم عن نفسي فان وكل ربك وتوكل علي الله ونصيحه انتبه ع نفسك واغراضك لازم معك لان واحد من الشباب قبل ثلاث اسابيع انسرق جواله والاب توب والجواز والاي توني بسيلتل والرجال غلط مادخل اغراضه معه لدوره المياه خلها علي المغسله


نصيحه لوجه الله

احساسكم بالخوف والقلق وسدة النفس والارق كلها اشياء طبيعية جدا وممكن تستمر حتى بع السفر كلنا مرينا بالمرحلة دى لدرجه فكرت انى ارجع اكتر من مرة وابطل البعثة بس اخويا كان يمنعنى تبدا تتعود على الوضع بعد ثلاث شهور تقريبا بس احساسكم عادى اتوكلوا على الله وبصراحة اكثر شى ساعدنى قراءة القران ودعاء الوالدين
الله يوفق الجميع