حوار بديت اشيل من راسي فكرة ابتعاث او دراسة بأمريكا...........

اخي الكريم هي ماهي مشاكل هي عقبات لازم كل شخص يتخطاها فان هي تعتمد علي الشخص وربك ييسرها الحمد الله ماقد واجهتني مشكله يالله لك الحمد الله والشكر
وكل ربك وراح تدعي لي وبالتوفيق

لا يالغلا دام عندك طموح لاكمال الدارسه فسير بلا رجوع الى الامام الى الامام .... ثوره ... ثوره ... ثوره

اللي يصير هنا تبادل خبرات ومحاولات لتصحيح الاوضاع ولربما عندما تصل الى بلد الدراسه يكون كل شي تحسن وصار افضل فلا تياس ولا تتراجع

بالتوفيق لك اخوي
لا تنسانا من الدعاء

تحياتي لك...

عَـلَى قَـدْرِ أَهـلِ العَـزمِ تَأتِي العَزائِمُ ...... وتَــأتِي عَـلَى قَـدْرِ الكِـرامِ المَكـارِمُ

الموضوع ومافيه : ماهو هدفك ......... فأبحث عن هدفك في الحياة ولا تكن مقلد

فقد يكون هدفك في الوطن ... وقد يكون في القطب الشمالي أو الجنوبي

وأن يكن ذلك ... فهذا شاهد البيت اللذي ذكرته

حلآت الدنيـآ بشقآهآ ,,

ومافي شيء يجي بالسآهل

لما تحط الهدف قدام عيونك لاتناظر غيره خلك مركز عليه صدقني ماراح تشوف المصاعب
اعتبر المصاعب حافز للتمسك والتشبث بغايتك
والخوف الي نت تحس فيها كلنا نمر فيه انا باقي على سفري الشي القليل والخوف والقلق متملكني تماما ولكن الي مهدي بالي اني اخيرا راح احقق طموحي وابتدي اسعي سعيي
ابقول لك قصه وانت قول لي هو احسن منك!!
منذ القدم كان هناك طفل طردته المدرسه لانه متخلف ومتاخر عقليا بشهادة استاذه وناظر المدرسه
امه لم تلتفت لكلامهم فكانت تشتري له كتب العظماء وتعلمه في بيتها رغم تاخر عقله الى ان اصبح شاباومرضت والدته فلما اتى الدكتور بالليل المظلم لم يستطع ان يعمل شيئا لانها تحتاج الى عمليه جراحيه ولكن الظلمة الحالكه تمنعه من عملها فيجب الانتظار الى ان يخرج نور الشمس لعملها
احتج هذا الشاب ان يكون النور سببا في الم والدته طوال تلك الساعات الى ان يتضح النهار
فقرر ان ينير الليل وبدا يخطط ويضع الف طريقه ذهب الى مركز الاختراعات بانه يحتاج الى معمل ولكن الرد جاءه بانه اختراع احمق ويجب التجاوز عنه لانه مستحيل
لكنه لم يياس بل جمع الخردوات وجعل منها المواد الي يحتاجها وجعل من كراجه معملا وانعكف على عمله وقد فشل 10 الاف مره ولكنه كان في كل مرة يفشل فيها يقول ((عظيم))!!
الى ان اخترع الكهرباء ومنها النور انه العظيم توماس اديسون صاحب الاسم الخالد والمخترع العظيم والمتاخر عقليا
صاحب المقوله ان الفشل هو بداية النجاح
انا لم افشل بل وجدت 10الاف طريقه لاتعمل<<<<شوف الطريقه الايجابيه في التفكير
السبب الرئيسي لعدم رؤية الناس للفرص هي انها تتخفى في صور العمل الشاق
اخوي انت عندك فرصه لاتفوتها لانها ماتتكرر مرتين صدقني هذا المتخلف عقليا انت تملك عوامل النجاح اكثر منه فتستطيع تحقيق هدفك مهما تلقيت من قمع ومحاولة في الاسقاط
انت يا اخي تستطيع
انت تستحق ان تخوض تجربتك مهما كانت

والت ديزني طردوه من شركة الإعلام اللي كان فيها لأنه كان يفتقر للخيال والابتكار في مجال الديزاين.
ابراهام لينكولن : 1-خطيبته ماتت 2-خسر الانتخابات 8 مرات 3-حاشته حاله نفسيه 4-خسر بالتجاره مرتين
وبالتالي شوف انجازاته؟؟
مايكل جوردن, انطرد من فريق كرة السلة, والآن أفضل لاعب!

المسألة مو بالفشل, المسألة مثل ماقال اخوي "الاكتفاء بالمزيد" ان الفشل هو بداية كل نجاح .
الفشل مجرد حافز, اعتبره وسيلة للنجاح!

وهالامور لازم كل انسان يمر فيها ويتخطاها والأهم من هذا كله يتعلم منها.

وصدقني إذا عندك الطموح وتبي هالشغله من قلــــب, صدقني لو منو كان مايوقف بوجهك.
انت لو تشوف حالتي تحمد ربك مليون مرة, بس أنا حمدت ربي مليونين, وماراح أوقف .
شوف موضوعي الوحيد اللي كتبته في هالقسم وقارن!
لكن أنا عندي الهمة والعزيمة مع اني مو متقدم بالخطوات, حتى مابديت من الصفر توني, لي الحين بمنطقة السالب, لكن إن شاء الله قادم وبقوة.
صارلي اسبوع كامل وأنا بالنت أبحث عن الجامعات وأبحث عن أجوبة لأسألتي وكثير من الأشياء المتعلقة بالابتعاث, والله أجلس 5-6 ساعات متواصلة "يومياً" فقط لأبحث.
قبل 3 أيام من كثر ما أنا جالس على النت قمت أرتجف.
اليوم من الساعه 10:30 الصبح إلى الساعه 12 وشوي وانا أدق على وزارة التعليم العالي في السعودية "وأنا بالكويت" !!
وماردوا, وامس أدق عليهم ولا ردوا .. تخيل! : والآن عزيمتي أقوى وتحديت نفسي أكثر, وعلى فكرة أنا مخطط سالفة الابتعاث لحالي وما قلت لأي أحد من أهلي إلى أن اتأكد من كل الامور ان شاء الله.
تخيــلت الوضع؟ : )
كل هذا عشان أحقق الشي اللي انا أبيه, أهم شي انت, وأهم شي اللي انت تطمحله وتهدف له, ترا حتى لو كان شي بسيط أو بنظر الناس "بايخ" إذا أنت آمنت فيه, وعندك الشغف تجاهه, لا تأبـــه لأي جاهل يحاول الانتقاص من قدرك أو قدر أحلامك.

الله يوفقك ويوفقنا وياك, صدقني ياخوك, مافي أحلى من ان يكون عندك طموح وهدف توصله رغم انف كل الناس اللي ضدك.
عشنا كثير وشفنا كثير ومازال قدامنا المثير.

كل التوفيق لنا ولك ياعُمر

أنآ عن نفسي عَكسَك تَمآماً .. إذآ شفت وآحد متوهق بآلسكن أو عنده مشكله بسيطه < يعني المشاكل البسيطه مثل الحساب بالبنك او الشريحه او السكن

والله اتحمس اني اروح ,, لانو الاشيآء هذي هي اللي تخليك تحتك بالامريكان و تخليك تعتمد على نفسك بشكل كبير

فآ لآ يهمك اخوي بس انت اختر الولاية اللي تناسبك .. وخلك مقتنع باللي تبي تسويه .. والله يوفقك وييسر أمورك

اهنيك ع موضوعك
ويشهد الله اني صرت نفس وضعك وأخس لآن الحآله النفسيه كل مآلهآ تتجه للاسوآء

خصوصآ بعد موضوع قريته عن مشرفين الملحقيه خوفني كثير وكثير جدآ
انا اللي معي يدوب يمشيني ل سنتين لو مآ قبلتني الملحقيه ش اسوي ارجع بيد ورى ويد قدآم



اللهم اعنآ
اللهم اعنا
اللهم اعنا

السلام عليكم

اخي الفاضل لو كل واحد سمع عن عقبات وصعوبات قعد كان ما احد راح يدرس ولا شي ...اخوي حط في بالك حتى لو قعدت وحاولت تكمل في السعوديه انك بتواجه صعوبات ايضا لكن من نوع مختلف شي طبيعي ....لكن كل هذا يعدي بس الانسان لازم يبذل مجهود كل شي تقدر تعديه لكن مع شوية تعب ...هذي سنة الحياه لن تنال المجد حتى تلعق الصبرا ...انا ما ابغى اقول كلام مثالي انا اكثر منك خوف وتردد لكن اتمنى انجح واحقق شي وكل شي يهون قدام النتيجه الي كلنا نتمناها واهم شي هو التوكل على الله استعين بالله واستخير وربك كررررريم.,,,وحط في بالك انه الدراسه في الخارج فرصه الكثير يتمناها ويحلم بها والله ...لكن احنا لا ننتبه للفرصه بقدر انتباهنا للصعوبات والعقبات ...انا احب اتخيل دائما ان الفرصه والعقبه زوار يزورون كل الناس وكل واحد يدخل عليك بطريقه معينه فالفرصه تاتي وتطرق الباب طرقاً خفيف فلا تنتبة لوجودها اما الصعوبات فتكسر عليك الباب كسراً فتنتبها لها وترها وتخشاها ولا تلاحظ وجود فرصه عند نفس الباب.,,,هذا تصور بسيط علشان اقولك استقبل الفرصه واطرد العقبات برااااااااااااا.....شد همتك ولا تتردد


الله يوفقك ويهدي قلبك ويريح بالك وتبداء اجراءات سفرك قررررررريب ....بالتووووفيق