بالله عليكم مو ظلم هذا

السلام عليكم

انا بعثتي الى اوكلاهوما سيتي
واول ماوصلت واشنطن اثناء فتح الملف في الملحقيه طلبت بتغيير المعهد الى سان دييقو
والحمدلله الدكتور سعد السويلم الله يعطيه طولة العمر والسلامه على طول وافق على النقل <<ادعي له ليل ونهار هذا الانسان

ورحت لمكتب الطيار اللي موجود بالملحقيه على شان يعملي تغيير للتذكره من اوكلاهوما الى سان دييغو

قالت لي الموظفه السودانيه لازم تدفعين ضريبه 150 دولا عن كل تذكره


قلت اووكي واعطيها 450 دولار عن تذكرتي انا وزوجي وبنتي
قالت لا مايصلح كاش اذا كاش روحوا المطار عند شركة كونتننتال وعطوهم المبلغ
وقالت ان هي حاليا كنسلت التذكره اللي لاوكلاهوما
وعملت شينج الى سان دييغو

بس باقي الدفع عن طريق المطار وتعمل لكم برينت للتذكره
وطلعت من الملحقيه داايركت للمطار

ورحت عند كونتننتال قالت مافيه اي شي باسمك يدل ان لك رحله لسان دييقو يوم الاثنين القادم
وقالت بالنسبه للتغيير مااقدر
اللي اقدر عليه اعملك من جديد حجز لسان ييقو بس

قلت اوووكي
وبعدين قالت التذكره الوحده 600 دولار يعني ادفع 1900 دولار لي ولزوجي ولبنتي الطفله

وين كلام السودانيه حقة مكتب الطيار؟؟؟ وهذا الكلام الجمعه يعني السبت والاحد ماراح يفتحون انتظر للاثنين
وبهذي الطريقه فاتتني رحلة اوكلاهوما وراح ادفع ضريبه اكبر

وفي نفس الوقت راح احجز على سان دييقو على حسابي مره ثانيه بدون شينج او ضريبه يعني نيووو وعلى حسابي يعني فوق 700 دولا لكل تذكره بالراااحه
والسبب ان هذي السودانيه وهقتني قالت كنسلت تذكرتك لاوكلاهوما وحجزنا لسان دييقو وهي نصااابه

شوروا علي وش اسوي والله محتاررررره
احس تفكيري انشل مدري وش بواجه يوم الاثنين

الله يسـلط على ذا الاجآنب .. الله لا يوفقهم ويخفـس بهم

اختي فيه موضوع طويل عريض .. وضعه الاخ / تفـآكير .. بخصوص تعامل موظفين و مشرفين الملحقية السئ مع الطلاب السعوديين !!

اتمنى منك تطرحين موضوعك بصيغة الرد في الموضوع .. عشان يشوفه اكبر قدر ممكن من الاعضاء .. ولاحتمال نشر الموضوع اعلاميا .. عشان يتدخلون المسؤلين الكبار في المهزلة الي قاعدة تصير في الملحقية
من ظلم الموظفين الاجانب لك ولاخواننا السعوديين في الملحقية ..

الله ييسرامورك انشاالله صراحة ما عندي خلفيه عن الموضوع وين اهل الخبره

وعليكم السلام ورحمة الله وبركاته

اختي كان الله في عونكم والله يسهل امركم ،،، مكتب الطيار مع كل حجز لازم نعاني منه
اللي اقدر اساعدك به - اقدر اوفر لكم حجز من واشنطون لساندييقو بنصف السعر هذا
ان رغبتم ارسلي رسالة خاصة

بالتوفيق*

اقتباس:

---

المشاركة الأصلية كتبت بواسطة عبدالرحمن العمري

الله يسـلط على ذا الاجآنب .. الله لا يوفقهم ويخفـس بهم

اختي فيه موضوع طويل عريض .. وضعه الاخ / تفـآكير .. بخصوص تعامل موظفين و مشرفين الملحقية السئ مع الطلاب السعوديين !!

اتمنى منك تطرحين موضوعك بصيغة الرد في الموضوع .. عشان يشوفه اكبر قدر ممكن من الاعضاء .. ولاحتمال نشر الموضوع اعلاميا .. عشان يتدخلون المسؤلين الكبار في المهزلة الي قاعدة تصير في الملحقية
من ظلم الموظفين الاجانب لك ولاخواننا السعوديين في الملحقية ..

---

اغلب ردودك في المواضيع تلعن الاجانب , داري لسانك يابوي الناس بشر قد يخطأ لكن على كلامك هذآ اهو الشخص ولو انه مخطأ ومسيء لشخص انت تتحمل ذنبه ,,


,, الله يعينك اختي !! وييسر امرك !

اختي اذا تقدرين تكلمين اي فرع ثاني لمكتب الطيار واذا عندك اي ورقه تثبت انك غيرتي او اي شي
بالتوفيق اختي والله يسهل امورك وتمشين على الاثنين وبدون دفع كامل

الا ظلم ومهزله .. لكن الشرهه موعليهم عاللي مقويهم علينا بسكوتهم عن هضم حقوقنا .. ماقول غير حسبي الله ونعم الوكيل
والله ماعندي اي افاده بموضوعك غير دعوه بالتيسير اختي .. موفقه حبيبتي

لا تشترووووووووووو من المطاار رووحو اي وكالهـ سفر او احجزوو من النت
انا رحت المطار كانت التذكرهـ من الكاونتر 780 رحت وكالهـ سفر شريتها بـ 170 :) نفس الرحلهـ ونفس الخطووط اللهمـ ان هذيك اون لاين والثانيهـ من المطار