الخطوط القطريـة VS الخطوط البريطـآنيـة ... ساعدوني في الاختيار يجزاكم ربي الجنة

السلام عليكم ورحمة الله وبركاته ,,,

أحبابي ,, أنا محتار بين الخطوط البريطانية والخطوط القطرية ,,, أيهم أختار ؟! ,, وراح أعطيكم الاسعار الان ,,

طبعا السفر بيكون ان شاء الله يوم الثلاثاء 2/8/2011 ,, 2 اوقست ,, أو حوله يعني 3 أو 4 ,,

طيب ,, الأسعار كالآتي ,,

الخطوط القطرية : 4089 SR

الخطوط البريطانية : 5507 SR

يعني القطرية أرخص لكن فيه ناس مدحولي البريطانية !!! ,,

وبعدين الدرجة السياحية ممتازة والا لا ؟ لأنو السفر طويل ومتعب وبصراحة ما ودي انحشر في مقاعد ضيقة !!!!!

ايش رايكم ؟؟ واذا تنصحوني في خطوط ثانية برضو اعطوني خبر ,,

أنا دراستي في يوم 15 اوقست بولاية يوتا ان شاء الله ,, اتمنى أحصل ردودكم لأني احتاج أحجز من الان قبل تزيد الأسعار

بقولك من واقع تجربه

انا من عشر ايام واصل امريكا على الخطوط القطريه

بصراحه شي خرافي وانصحك مليوووون مره تروح على القطريه

علمن اني كنت على السياحيه وكانك درجه اولى اكل حلوو ومضيفين متساعدين حتى في تعبيت الابلكيشن حق المطار

قلت مااعرف والمضيف هو اللي عباه ..


وتوصل بالسلامه نشاء الله ..

انا جاي على البريتش مو مررره غاليه على غير سنع بس ميزتها مطار لندن اسواق حلوه ومطاعم

بس انصحك القطريه كل العيال يمدحونها وارخص

من تجربتي عيب الخطوط البريطانية انها توقف في لندن مايقل عن 6 ساعات

الخطوط القطرية يمدحونها الجميع وخصوصا ان اسطولها الجوي حديث جداً جداً

أنا جربت القطرية الصراحه ممتازه جداً .. لكن اذا الخطوط البريطانية ما فيها انتظار طويل (ساعتين حلوه) في راي افضل لان الرحله طويله ١٤ ساعه واذا رحت على البرطانيه راح توقف في لندن بعد ماتقطع نصف المسافة تقريبا وتغير جو في مطار لندن وتكمل فرش،،، في رأيي افضل من رحلة ١٤ ساعة متواصلة
( وعلى فكره أنا حاجز على القطرية وللأسف الفكره هذي ماجتني الا بعد ماقصيت التذاكر وحبيت أقولها لك يمكن تعجبك)

وبالتوفيق*

ياربي يسعدكم جميعا ... أشكركم على ردكم ,,

الله يسلمكم اجمعين ,, والله الان اشوف ثلاثة قالو القطرية وواحد يفضل البريطانية ,,

هممممم والله اني محتار ,, مدري ودي انتظر شوي واشوف راي الباقيين يمكن يصير شي ,,

بس الى الان القطرية طاغية وهي الأقرب :)

الخطوط القطريه وانت مغمض ياخوي ..

انا جيت عالقطريه قبل شهر ونص تقريباً .. متعه وراحه وبتنبسط من الخطوط القطرية وتعاملهم ..


وتوصل بالسلامه ان شاء الله

تقدر تاخذ القطريه توقف محطتين .. الرياض - الدوحه - لندن - امريكا
وبينزل من قيمتها تقريباً الف ريال .. طبعاً تحتاج شوية بحث

مثل ماقالو الاخوان القطرية وانت مغمض
انا رحت عليها رحله 6 ساعات ولا حسيت بالوقت
الشاشه اللي قدامك فيها كل شيء يوخر الطفش عنك ( العاب , افلام , خرايط , ...الخ )
وكل هذا سيآحية
فآ نصيحة خلك على القطرية :)

القطريه كترفيه افضل مافي شك
لقيت لك حجز
الرياض - الدوحه
توقف في الدوحه ساعتين
الدوحه - لندن
توقف في لندن ثلاث ساعات
لندن - واشنطن
السعر - 950 دولار