جاي امريكا زياره.. وفكرت تدخل جامعه ؟؟ وودك تختصر الطرق ؟
مرحبا شباب وصبايا ..
خوين لي .. جاي واشنقتن زياره وتحمس من وضع الشباب ..
وقرر يدرس على حسابه..
وجاب القبول من جامعة (............)
المهم..
فكر فيها واستصعب مسافة الرجعه للسعوديه علشان يغير فيزته
من سياحيه .. لــ F-1 .. اي طالب ..
عاد الاخت لينا من اهم الاعضاء المتلاعبين بالقانون واستغلال الثغرات :)
فكرت وقالت له روح كندا فوقنا غير وارجع..
قلتها كلمه وليتني ماقلتها !!!..
صدع لي راسي كل يوم يسألني هل يصير وانتي متأكده وانتي وانتي ..
وفكره جيده وجميله ..
انا يا شباب سمعت والله سمعت بس ماشفت تجارب !..
ان الي يبي يغير يطلع فوق لكندا.. وايضاً الي يبي فيزه للندن وجاي على باله يتسيح
يقدر ياخذها من كندا ..
بس بما ان الموضوع صار جد .. خفت مابي اوهق ولد الناس ويدعي علي باجر..
هل صحيحه معلومتي ؟؟
ولا لازم يرجع السعوديه يغيرها؟؟
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
على حد علمي... الفيزة يجب أن تكون من نفس الدولة اللي أنت منها...
يعني ﻻزم ينلطع زي باقي الخلق هنا :D
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
هلا حبيبتي لينا,,
يقولو حصلت للبعض انه تم تجديد الفيزا او تمديدها من كندا,,
لكني غير واثقة من المعلومات,,
سؤالك جاء في محلة وبنت حلال يا عزيزتي,,
لأني مجهزة موضوع اشرح فيه كيف يتم تحويل الفيزا
من سياحية B1/B2
أو اي نوع فيزا حتى F2
إلى فيزة طالب F1
وانت في أمريكا بدون ماتخرج ولا تسافر ولا تدخل ,,
أنتظروني
بإذن الله الليلة اول ما ارجع من الجامعة,,
اجلس امخمخ وانزل الموضوع :)
شكراً على سؤالك اللي جي في وقتة .
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
لاتوهقين الولد بس وتورطينه ومحد ياكلها غيره . خصوصاً في الأنضمه الأمريكيه محد يتلاعب فيها ثم بدال مايروح يدرس في احد جامعات امريكا يروح يبعثونه على غونتنامو
تقبلوا مروري
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
لا لايمكن
حتى لو هو في كندا ماراح تسمح له القنصلية وبتقول له ارجع للسعودية (لأنه داخل كندا بفيزا فيزتور كندية, لو الرجال يدرس في كندا ويبي يقدم على التاشيرة الامريكية راح يوافقون له لأنه يعتبر مقيم في كندا)
وهذا قانون في اغلب الدول, لازم المتقدم لطلب الفيزا يكون اما مواطن او مقيم نظامي (للعمل او الدراسة او غيرها) بس مايكون سائح
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
^
^
آآهاااا ..
فهمت..
بس تدرون؟؟
المحامي يقدر يغير الفيزه من غير مايطلع.. بس قال له يبيلك 3 شهور
change it from B-1 status to F-1
والله انا اشوف الافضل الواحد ياخذها من قصيرها ويرجع السعوديه ويغيرها..
بس في ناس ماتبي الروحه والرجعه والزحمه ويقبلونك وما يقبلونك ..
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
خلونا نحسب تكاليف جلسته في امريكا والا تكاليف رحلته للسعودية وش الاوفر ؟
رد: جاي امريكا زياره.. وفكرت تدخل جامعه ؟؟ وودك تختصر الطرق ؟
^
^
مو عن اوفر.. الرجال مقتدر مادياً ومبسوط بجلسته ..
ومايبي يروح السعوديه يغير.. يبي يختصر الطريق ويغيرها من كندا
او عن طريق المحامي ..