هل اقدر ابتعاث وانا موظف في القطاع الخاص
السلام عليكم
انا قريت من ضمن شروط الابتعاث
ان لايكون المبتعث موظف حكومي
انا دوبي متخرج بكالوريوس وابغى اقدم ماجستير وزي ماتعرفون عشان الواحد يخلص اوراقه ويسافر يبغاله بالقليل 8 شهور
فاقلت الواحد يستغله يتوظف منها خبره ومنها الواحد يشغل نفسه
فا فكرت اتوظف في زين او موبايلي كول سنتر او اي شى يقبلني
بس خايف انهم يرفضوني عشاني موظف هل هذا راح يأثر اني اشتغل في القطاع الخاص ام لا
رد: هل اقدر ابتعاث وانا موظف في القطاع الخاص
قدم على وظيفه واشتغل و بعد ما يقبلوك بالبعثة قدم استقالتك وامشي ما عندك اي مشكله
بالتوفيق لك
رد: هل اقدر ابتعاث وانا موظف في القطاع الخاص
وعليكم السلام......
بالنسبة للموظف في قطاع خاص ما عنده أدنى مشكلة تقبلك البعثة لأنه ليس لديك قيد يمنع ذلك بالعربي محد داري عنك أنك موظف
وياكثرهم اللي جوا وهم على رأس العمل حتى أنضموا للبعثة وقدموا استقالاتهم طبعاً موظفي القطاع الخاص
اما موظفي الحكومة فالوضع صعب لأنه ما يفتح لهم النظام ملف إذا كان موظف دولة (( حسب علمي ))
ومن اللي قايل لك أن القبولات تاخذ لها 8اشهر ياخي الأمر ما يتطلب شهر واحد بالكثير شد حيلك والحق بالركب
إذا حددت الجامعة نزل موضوع واطلب مساعدة الدارسين في هذه الجامعة وارسل اوراقك له يخلصها لك بسرعة احسن حتى من المكاتب
تحياتي لك وتمنياتي لك بالتوفيق
رد: هل اقدر ابتعاث وانا موظف في القطاع الخاص
لاتشيل هم وانا اخوك قدم استقالتك واخذ استقالتك معاك لانه لو بتقدم على السفاره راح يسآلونك وش اشتغلت وكل شي واهم شي تكون الاستقاله بالعربي والانجليزي انا كنت موظف 6 سنوات وقدمت استقاله وجيت على حسابي لكندا شهر ونص تقريبا واانا انقبلت على البعثه والموضوع ما اخذ مني 8 شهور قدمت على الفيزا يوم جاتني الفيزا قدمت استقالتي وجلست شهر الي هو شهر الاندار عقبها حجزت تذكره وتوكلت على الله لكندا وخليت القرعه ترعى في الشركه السابقه الي كنت فيها وكان شعاري هو رايح رايح والله لا يعوق بشر بالتووووووفيق
رد: هل اقدر ابتعاث وانا موظف في القطاع الخاص