المشاركة الأصلية كتبت بواسطة خربز ب حليب
سلام عليكم
( العضوية مستعارة )
حصلت لي جريمة خطف بل محاولة خطف
قبل شهر عند الساعة 11 ليلاً وأنا رايح للسوبر ماركت
صفط جمس فان كبير مضلل على الجمب وشوي يجرون علي 5 لابسين قناع ع وجيههم وكل واحد معه عصى
قالولي اركب قلت ماني راكب وهجمو علي الخمس وقاومتهم وشوي ينزلون من السيارة مجموعة كبيرة يمكن 10 وقامو وضربو فيني
والظاهر ان اغمى علي وخلوني بالشارع
صحيت اليوم الثاني احصل نفسي بالمستشفى وجمبي عائلة امريكية وقالو احنا جبناك هنا وشكرتهم
المصيبة ياشباب وجهي تعدم من إلى مقطع وفيه خط كبير تحت عيني واحد شخطني ب سكين
( شخطة مو محفورة حفر )
قبل ما أبدأ بالأسألة انا ذكرت القصة من باب العبرة ، حصلت لي ب مدينة سان دييغو ، انتبهو لنفسكم ياشباب ويابنات الله يحفظكم
بسالكم
اقدر اروح عيادة جلدية ويشيلون الشخوط الي بوجهي ؟؟؟؟
مابي ارجع السعودية ويشوفوني اهلي بهالحالة والله ينخلعون مرررررررة ويمكن امي تصيبها جلطة وتموت لا قدر الله ؟؟؟؟؟؟؟
وعليكم السلام :P
انت قلت ذكرت القصة من باب العبرة ، وقلت بسألكم كم سؤال..
تقبل رأيي بكل صدر رحب كما تفعل دائماً ، وسلامات ماتشوف شر إن كان ماتقول صحيح..
العضو هذا مسوي يختبر طبيتكم لا أكثر..
- عنوان الموضوع عن الإختطاف وذكرت بأنه للعبره ثم سألت عما تريد..
العضوية المستعارة..! عدد المبتعثين حول المئة ألف وأعضاء مبتعث حول مئة ألف ، يعني الي جاي يدور عضويتك عجزان يسجل بعضوية خاصه..؟
- مررت كثيراً من شوراع فقيره ومشبوهة وماعمري شفت سيارة وحده مظللة..؟
وإن لقيت القزاز دايم مفتوح.. هذا هياطهم بالشكل هذا لو الساعه 2 بعد منتصف الليل القزاز مفتوح والاغاني مزعجه..
- كل واحد معه عصا..الواحد هنا اذا كبر هياطه لبس طيحني وصار يمسكه بيدينه عشان ما يطيح خخخخخخ يعني نفس الشيء ماعمري شفت واحد شايل عصا بيده على كثر هياط بعضهم..
- خمسة يجرون بإتجاهك واستأذنوا منك اركب معنا تكفى
بس انت قلت لا والله مهيب هذي
وبعدين يوم شافوك قاومتهم فزعوا اخوياهم العشره من الجمس
هو جمس ولا فان ولا ميكس
- بعدين جلدوك وخلوك بالشارع..؟!
طيب هم أصلاً ليش كانوا يبونك تركب معهم
وليش بطلوا بعدين ؟ يالله قضية خطيرة ممكن نقول فيها ألغاز :P
اهاا تقول الظاهر انه اغمى عليك
نفس سناريو الأفلام
بعدين هالسكين كيف طلعت فجأة :P لو فيه سكين وتركت أثر في وجهك كان تكلمت من البداية عنها مهوب عن العصيْ..
يعني بعد ماضربوك وطرحوك شخطوا عينك بالسكين
أي عصابة هذه..؟ :P
واضح استخفافك الكبير بعقول القراء وخاصه خمسه نزلوا من الجمس ثم عشرة فزعوا لهم..
لو قلنا فرضاً القصه صدق وخمسه ثم عشرة نزلوا على الأقل صاحب الموضوع راح يغير شوي عشان ما احد يكذبه لأنها ماتدخل العقل على الإطلاق لو فكر فيها الواحد ، لكن ربما كانت متعمده منك :P
ادري ضيعت وقتي في مشاركة مالها داعي وانا طافي على الاخر من المذاكرة
بس قلت يالله عشان ما يغلبني النوم قبل صلاة الفجر اصلي وانام..
أجمْتُ ألْسَاً June 29th, 2011, 11:02 AM
LinkBack URL
About LinkBacks
والله يبعد عنا وعنك المشاكل
وزي ما قالو الاخوان عمليات الليزر ممتازة وتؤدي الغرض