لا يمكن تعبئة نموذج DS-160 هذي اليومين
أعزائي أعضاء مبتعث ..
أخوكم حاجز موعد المقابلة يوم الأربعاء الجاي بعد أسبوع تقريبا و أبي أعبئ استمارة DS-160 للأبناء .. المشكلة كل ما جيت أحاول يعطيني error في ثاني أو ثالث صفحة أحاول الاستعادة يرجع و يعطيني نفس الخطأ و الله حوسة و الواضح أنهم حدثوا بعض الصفحات في النموذج لكن الوقت قرب حتى الزوجة و الله أبي أعدل الابلكيشن حقها لأن أصدرت لها جواز جديد و قد سجلت معلومات الجواز السابق لأنه كان جواز عائلي و غيرته كل واحد له جوازه الخاص
اللي مار بنفس التجربة لا يبخل علينا لو عنده حل
و شكرا
رد: لا يمكن تعبئة نموذج DS-160 هذي اليومين
اخوي الله يعينك حتى انا نفسك موعدي يوم السبت الجاي ونفس المشكله الله يعين شكلي بروح لهم بدووون ماعبيه
رد: لا يمكن تعبئة نموذج DS-160 هذي اليومين
ارجو انكم تتابعون مواضيعي من اربع ايام وانا اكتب نفس الموضوع
موعد اهلي قريب وانا جالس اعبي لهم
وعلى حظي الحلو يوم جيت عند اخواني الصغار حدثو النظام ومن يومها كل ماوصلت لصفحه الجواز يعطيني ايرور ويرجعني للصفحه من جديد وش الحل تكفى اذا لقيتوه اسعفونا وغير كذا اذا رحتو للمقابله بحكم انكم قبلي قولو لي وش قالو لكم
الله يعين وانشالله تنحل هاليومين
رد: لا يمكن تعبئة نموذج DS-160 هذي اليومين
go to -- SAHAT ALKENDI FI HAIALSAFART.... BA'DAIN go to STUDIO AJMAN
STUDIO AJMAN IN SAHAT ALKENDI WILL DO EVERYTHING for you
Sorry ... I am in the university now and my computer doesn't write in Arabia
رد: لا يمكن تعبئة نموذج DS-160 هذي اليومين
اخوي ابراهيم ماله دخل المكت نفس اللي بيسوونه بنسويه بس المشكله الموقع عليه تحديث على حظنا الحلو
رد: لا يمكن تعبئة نموذج DS-160 هذي اليومين
اذا كنت تدخل بمتصفح غير الاكسبلورر مثل الموزيلا فقد تحدث لك مشكلة , و اذا كانت المشكلة موجودة مع انك تستخدم الاكسبلورر فلا ادري اذا كنت تقوم بحفظ النموذج بعد كل صفحة تعبيها او لا ؟
لانك اذا قمت بحفظ النموذج فسوف لن تبدأ من جديد و لكن من المكان الذي وصلت اليه و لكي تحفظ النموذج عليك بتخزين او تدوين رقم النموذج الذي يعطيك اياه في الصفحة الاولى لتتمكن من فتحه مرة اخرى و تكملته .
رد: لا يمكن تعبئة نموذج DS-160 هذي اليومين
المشكله جربته بالانترنت اكسبلور وبالمززيلا وبقوقل شيرم وكل شي بس ماضبط هم عندهم تحديث واتوقع صار مشكله وكل ماوصلت عند صفحه بيانات الجواز يطلع لي هالانذار
Application Error
An unexpected error has occurred while processing your previous request. The error has been reported to the site administrator; no further action is required. To retrieve your DS-160 application, please enter your Application ID.
رد: لا يمكن تعبئة نموذج DS-160 هذي اليومين
موظف انا كنت اعاني من نفس المشكله الي تعانيها وموعدي قرب يوم السبت الجاي اخر شيء رحت لمكتب اعرفه وعطيته 150 ريال وعبى لي الإبلكيشن وخلص اموري والله مارحت له الا وانا مرررره جربت كل شيء عشان كذا ريح راسك ورح للمكت واذا تبي رقمه ارسلي رساله لعلى الخاص اعطيك ايه
رد: لا يمكن تعبئة نموذج DS-160 هذي اليومين
اخوي رجيتك ارسلت لك على الخاص
بس انا عندي سوال وش عندهم زود هالمكاتب انا عبيت ابلكيشنات كثيره مرررره ولاعمره صار معي مشكله بس هالمره وانا اعبي للاهل ويوم وصلت لابلكيشنات اخواني الصغار علق معي وجلست انتظر ثم طلع لي صفحه جديده مره وعرفت انه تحديث للموقع وانتظرت ولكن للاسف كل ماوصلت لصفحه بيانات الجواز يرجع لي من اول شي ولاعرفت وش السبب ودي بس اعرف وش اللي يعرفونه زود هالمكاتب
ياليت اذا احد من الاعضاء واجه هالمشكله هالاسبوع وحلها انه يعطيني خبر
تحياتي
رد: لا يمكن تعبئة نموذج DS-160 هذي اليومين
... الله يكون بالعون حاول مره ثانيه وحاول اذا ماظبط روح للمكتب