من منكم يندم على وجوده في أمريـــــــــــــكا حاليا ؟؟؟
من منكم يندم على وجوده في أمريـــــــــــــكا حاليا ؟؟؟
تنبيه: هذا الموضوع قديم. تم طرحه قبل 4687 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
مشاهدة نتائج الإستطلاع: هل تندم على وجودك حاليا في أمريكا للدراسة؟
- المصوتون
- 119. أنت لم تصوت في هذا الإستطلاع
-
نعم
32 26.89% -
لا
87 73.11%
-
7 " - الندم مايكون الإ بالبدية لأن الطالب يحس بالوحدة ولأظن انه بيكون هناك ندم على اختياره الدراسة بأمريكا7 "
كثار ناس يحلموا بالدراسة فيها - أخوي أي أحد خاش هالملتقى وباقي ما راح أمريكا ..أكيد يبغى يروح ومتحمس .. لكن الموضوع للمبتعثين اللي راحوا وشافوا وحسوا وعانوا .. وعشانا متحمسين للروحة ودرسناها من كل الجوانب .. فلابد الأخذ بتجارب المبتعثين من باب من رأى ليس كمن سمع ! حتى تكتمل دراسة الموضوع من جميع الجوانب ..7 "
الله يسهل أمرك يا رب....تحياتي. - بالنسبة لكلامك عن الاهل والاصدقاء وان ما لهم لزمه ... فما اتفق معاك7 "
اما سالفة رمضان والعيد هههههههههههههههههه فانا معاك فيها - اعلم ان الحياة ثلاثة :- أمل وألم وأجر فعش الأولى وتحمل الثانية لتكسب الثالثة7 "
بالتوفيق للجميع - باقي اسبوع ع موعد السفارة .. هآآآآآآآآآآآنت7 "
يالله تجعله خير .. - إصنع ذكرياتك ، هذه هي أجمل فترات عمرك .7 "
هي الأشياء اللي راح تقولها لأولادك في المستقبل ، مثل ما أبوي (وأبوك) يقولي عن ايامه في إمريكا ويقول ياليتها ترجع.. وياليت كان عندنا ابتعاث مثل الحين
وهو راح امريكا والتلفون ماتقدر تستخدمه الا في مبنى حكومي ولافيه نت ولافيه خرابيط ، يعني راح مايدري وش ام السالفة ، ولما تترك اهلك في ذاك الوقت كانك تاركهم لحرب لان محد يدري وش يصير فيك ( لاتلفونات في السعودية في كل بيت ولاهم يحزنون ) ومايتصل على بيتهم الا كل ٣ - ٥ ايام ولا لازم يروح مبنى حكومة ومايطول بعد .. والتذكرة في ذلك الوقت كانت شي لايصدق
الحين العالم كله صار دولة واحدة ( يعني الأرض صارت وطن للكل ) !
- تكلم أهلك وتجلس وياهم يشوفونك وتشوفهم ( وقريباً تشم الريحة بعد ) ببلاش و ٢٤ ساعه بدون إنقطاع بدون اي مشاكل.
- فيسبوك وتويتر تكتب فيه كل شي تسويه ، ووينك الآن ، وترفع صور وفيديو ، ومكالمات مباشرة !!
- تروح وانت حاجز كل شيء ، عارف وش بيصير لك هناك والفندق اللي بتسكنه ونوع السيارة اللي بتركبها ، والسرير اللي راح تنام عليه.
- تاخذ غرض توديه للشحن ، ماياخذ يوم واحد الا هو عند باب بيتكم في السعودية !
- محمول مكفول ( للمبتعثين & اللي على حسابهم )
- طيارات تاخذك لباب بيتكم بأقل من ١٣ ساعه بس ، بينما كان الناس في السابق يحتاجون لـ شهور عشان ينتقلون من منطقة لمنطقة ، وكانو يسافرو ويخلو اهلهم عشان يدرسوا.
الخلاصة : كفاية دلع ، انت في امريكا مثل ما انت في السعودية ، والاشياء اللي تقولها ( ريحة امي ، ريحة الفيمتو ، ريحة شراباتي ، مدري وشو ... ) هذه كلها اشياء تجي لانكم تبغون تتذكرونها، ومرسخينها في مخكم، يعني واحد قاعد لحاله ويفكر في بيتهم ومشغل اغنية حزينة وشوي يقول اشتقت لاهلي ! لاياشيخ كيف ماراح تشتاق ؟؟؟ ولو رحت للسعودية وسويت نفس الحركة بتقول اشتقت لـ سريري في امريكا وريحة البيت اللي هناك!! ياناس بس لاتحكموا عواطفكم على قرارات مستقبلية، هالاشياء مافيها لعب ، والناس قبل كانت تروح لحروب وتودع اهلها مايدروا يرجعوا ولا مايرجعوا ، لكن للمصلحة الفرد البشري لازم يبعد عواطفه ويحكم عقله، كثير بيننا الحين كانوا مبتعثين ورجعوا ومافيهم شيء مع اهاليهم وكل شيء وبالعكس كلهم يقولوا كانت احلى تجربة في حياتي وما اظن انها تتكرر!! وانتوا جالسين تزعلون انفسكم هنا؟؟ ، وواحد من بين الكثير اللي اعرفهم استسلم لعواطفه وجلس يبكي واشتقت لاهلي ومدري ايش وجاء اخذ طيارة ورجع ، سلم عليهم وطفى اللي براسه ! بعدين قال انا وش جابني هنا؟؟ ياليتني مكمل .... وياليت وياليت .. والحين جالس في البيت عاطل من معهد تجاري لمعهد تجاري ومن جامعه خاصة لجامعه خاصة ثانية مو عارف يسوي وشو بنفسه !!!
حكموا عقولكم ، واترككوا عواطفكم ، انا ما اقول صيروا كمبيوترات ، لكن العواطف والمشاعر لاتخلونها تتدخل في اتخاذ القرارات وخصوصا القرارات المصيرية ، وطبعا كلنا نشتاق، لكن الشمس لو ماتتحرك من مكانها يملوها الناس ، لكن اذا راحت اشتاقو لها ، واشتاقوا للصباح ، يعني كل شيء حلاته يروح ويجي ، والحياة لقاء وفراق ، ولازم تتعود عالاثنين ، يعني كل ماتذكرت اهلك كلمهم، تذكر انك بترجع وانك جاي هنا موب هجرة ولاحرب ولا غيره جاي فترة مؤقته تجربه جديدة .. ، بكرة يرسلوك وظيفتك لدورة ولا عمل ولا شيء .. بتقول لا والله اخاف اشتاق لاهلي ؟؟ طبعا لا ، خلاص اجل مافي فرق ، العمر واحد ... والواحد اذا ماجرب وونس نفسه وغير روتينه المميت ( خصوصا عندنا في السعودية ) ايش الحلاة في الحياة ؟؟ واهلك ابد ماعليهم خوف وديرتنا ديرة امان .. والوقت يمشي بسرعه ، اشتركوا في اندية المعاهد والجامعات ... وسعوا صدوركم ... وعيشوا حياتكم ! انتم كلكم كبار ولازم تعتمدوا على انفسكم ، طبعا مساعدة الاهل في كل شي مطلوبة بس لاتخليها في كل شيء ، هذه فرصه ... ماتصير في العمر مرتين ، والحين مفروض كل واحد يقدر انه جالس في امريكا وحصلت له هالفرصة ، جالس في اعظم دول العالم واقواها تستفيد منهم ويستفيدوا منك ، تنقل صورة عن بلدك وعن العرب وعن كل شي تمثله ..
وبلاش خربطة ،، لو واحد دخل هنا يجيه الهم ويمكن يهون بسبب بعض الردود ..
الى الامام ، لارجووووع ، ومحد طاير ، غير حياتك وشوف حياة جديدة ، لاتموت على الروتين !!
تحياتي - أنا ما رحت الان .7 "
وبأذن الله ما تفرق معي أبدا، وانا ضايق صدري الحين انتظر موعدي …
لكن الوالد مشتاق لي وانا ما رحت للحين …
نصيحة مني المبتعثين (( انظرو للامام لانه طريق المستقبل المشرق ، ولا تنظروا للخلف لانه طريق للهلاااك ))
أنا كل هدفي بصراحة ، أضع بصمة لهذا العالم ، ومخطط مستقبلي عدل
على قوله أمي انت فيك خبث تفكر حق 10 سنوات قدام ، بعكس اخوك >>> وهذه شهادة اعتز بها من أغلى أنسااانة* - معليش تحملونى...انا لست مبتعث ولكن لدى تجارب طويله...من لديه الفرصه يدرس البكلريوس فى التخصص الذى يرغبه فى بلده فهو الافضل مليون مره...وافضل وقت للبعثه هو بعد البكلريوس7 "
والله يوفق الجميع ونسأل الله ان يرد كل مبتعث الى اهله سالم غانم
وفى الختام اوصيكم بالمحافظه على الصلاه فهى بأذن الله صمام الامان والحافظ للانسان من كل شر اينما كان وهى كذلك تعطي الانسان الطمأنينه والامان والصبر والقوه - up up up up up up7 "
ولكني انا مؤيد الذهاب لاخذ الاستفاده من الدراسه والنظام وليس العادات والتقاليد لديهم....
انا مرافق لزوجتي ويوم جت البعثه لزوجتي قرررت ان اترك وظيفتي واروح معها لتكمل دراستها ومعي طفلتين.. والله يسهل علينا ان شاء الله