محـتار وش أختـار ,, الأبتعاث او الجويه !!؟؟

اخووي : ابراهيم
صحيح انا معك بالي قلته كله لاكن الغربة يعني مااعتقد تفرق كثير عن الجويه لان مااشوف الأهل الى يومين بالأسبوع
وبالنسبة للمكانه الأجتماعيه مااعتقد انها تفرق كونك تكوون مهندس

نووورت موضوعي اخوي ابراهيم ,,

من توكل على الله ماخاف من شيء , والحكومة مافتحت لك باب انك تدرس برآ وماتلقآ وظيفة
وهدف الابتعاث , انك تدرس برآإ ان البلد يعمر على يد ابنائها وليس على يد الاجانب ,
بعد كم سنة السعودية راح تتخلا عن الاجانب الموظفين ويحل عنهم المبتعثين في متنوع الاعمال , منها توفير المال والفيز وغيرها من مشاكلهم ,

والبلدان ماتعمر إلا بشعبهآإ وابنائها واقربهآإ الانجليز شوف كيف يعمرون بلدآإنهم ؟ هل اعتمدوآ على احد وقالوا والله هذآ يفيدنآإ ولا شي , كل شي نفسي نفسي
امريكآ قوية في التعليم وهم كندا ودول اوروبآ ,

فكر زين في الكلام , وخل عنك الكلام الشآئع ,, اجلس احسب الحكومة كم تدفع للطلاب عشان يدرسون برآإ , وفي الاخير يرجعون بدون وظيفة ؟ معنى الكلام ان ماله فايده كان ناخذ الفلوس في شاحنات كبيره ونجمعهم في حاوية ونحرقهم ؟؟؟ ماستفدنآ بعد هالمشوار الطويل ,,

اطلب العلم ولو بالصين هههه

اخوووي : i'm genius

الصراحه والله من جد كلامك منطقي ومستحيل يبعثون الطلاب وبالاخيرر مافيه وظائف
لاكن مااقوول الى الله يعيين ويوفق الجمييع

والله ياi'm genius ماقصررررت والصراااحه كل كلامك سليم ومنطقي
الله يجزاااكـ الف خيررررر ويعينك بدراستك < اذا للحين تدرس

بس عاااد تصدق يمدحوووون الدراسـه بالصين هههههههه

ويآك والجميع يآإرب , والله الحال قريب منك , مخلص وانتظر الفيزآ الكندية "فيزآ الفقر" تتآخر بقوة
فكر في الكلمة مليون مره , واترك الكلام الشآئع ,, وتآكد كل شي يصير له اكثر من تفسير والنآس ماتحب إلا الكلام واكبر دليل , يستحون لمآ ينظفون الشارع مآكآنه له ولغيره عشان يخافون ان يقولون الناس ان فلان بن فلان يشتغل عامل نظافة او ساهم في نظافة ,, الله المستعآن , واحد اخويآنآ الله يعينه على نفسه < خرجوآ من الموضوع لسواليف , ههههههه
المهم كنآ مجلسين في الحي الي سآكنين فيه وفيه ارض فاضيه رمل ,, كل واحد معه زجاجه , وشربهآإ , ولمآ خلصنآ , مافيه حآوية نرمي فيهآ , رمينآه بالرمل , قام الاخ اللطيف وكسر الزجآجه في الشارع قلنآ له يافلان لومريت لاسمح الله , ودست عليها بسيارتك وتشقق التآير , وغيرك هم بيتآذآ , يقول بس هذآ الي قلتوآ ويكسر ثلاث زجآجآت , يقول لنآ يلا قوم شيلهم عن الطريق , يوصخ ولمآ تقوله نظف كآنك موجه له سبه او محقره

ف الشغل موعيب , وهم انك تنظف موعيب , لكن هذآ نتايج الكلام الشآئع , فلان بن فلاني , والله يشتغل سباك او مادري وش ؟
والسباك ليش هندي , مافي مهندسين ميآه او فني سباكه من عيال البلد ؟ لازم الاخ الكريم الهندي , الي يشتغل وياخذ رآتب وينكب الناس بمشآكله يامغتصب أو فآعل وفآعل , ولا ورآه , مافي آآمن من ولد البلد ,
وهذآ كله من نتائج الايدي العاملة الغربيه

كل هذآ يتعلق بمستقبلنآ وإن شاء الله يتحسن وضع البلد مع السنين الجايه ,

وابونآ , الملك عبدالله ماقصر إن شاء الله نرفع رآسه ورآس السعودية ,, انهآ طلعت جيل راح يغير وفيه طاقه وحماس ~ موشعب نصه يشتغل ونصه اجانب او فئه متسدحه في البيت وملكعه بالشوارع والاستراحات

العمر يمر ,, والناس قليل منها من يفكر بآيجآبيآت !!

بالنسبه للموضوع غربه وتعب وبعد عن الاهل....ما فيه شي يجيك وانت جالس سالفه التعب والقلق هذي كلنا لازم نمر عليها.....فيه فرق بين الانسان الي يناظر بين رجوووله ...وفرق بين الرجل الي يناظر فوووووووق ونظرته دايم للمستقبل افضل....انا اكلمك من امريكا صحيح اني اشتاق للاهل وغربه ووووو....لاكن الحمدلله انا متأكد كلها كم سنه بتعدي بسررعه وانا راجع لاهلي ومعي شهاده قويه ارفع راسي وراس اهلي والوطن الغالي......((شهاده في اليد امان من الفقر))....طيب انت تعال شوف للجانب الايجابي للابتعاث بغض النظر عن الدراسه...الابتعاث يعلمك اشياء كثيره يبين لك معادن الناس...تكتشف اشياء كثيره راح تفيدك...ولمن ترجع لوطنك على خير راح تتغير نظرتك للافضل وراح تعرف وين الصح ووين الغلط....


عموما القرار قرارك فكر فيها مزبوط وقرر....اتمنا لك التوفيق.....((لا اريد منكم الا دعواتكم))

اخوي تبي نصيحتي اذا انت راعي دراسه وصمله في المذاكر والغربه تتحملها الابتعاث اما اذا تبي تجلس عند اهلك ووظيفه مضمونه اجلس

فهـد .. إذآ أنت حق دراسة وورآيق تدرس وتشد حيلك وتبي هندسه .. بالتوفيق

اما مسأله الدرآسه صعبه ومعقدهـ ومآ إلى ذلك .. هذي تعتمد ع الشخص نفسه .. صحيح إن الكل يقولون صعبه ودراستها مو الشي السهل

لكـن !! الشي اذا تبيه يكون سهل بيكون سهل صدقني.. واذا تبيه صعب انت بنفسك بـ تقتنع إنه صعب وما راح تمشي فيه

الدراسه ما تبي لعب تبي جد واجتهاد ,, وكل مآ عطيت رآح تآخذ مثله وزود

واللي تخرجوآ مهندسين وخلصوآ والحين موظفين .. ترآ مو أحسن لآ مني ولآ منك

بالتوفيق واستخير ربك