الأعضاء الإشتراك و التسجيل

الملتقيات
ADs

استفسار شباب لو سمحتوا نبي الكلام الأكيد بليز

استفسار شباب لو سمحتوا نبي الكلام الأكيد بليز


NOTICE

تنبيه: هذا الموضوع قديم. تم طرحه قبل 2359 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية x404x.com
    x404x.com

    مبتعث مستجد Freshman Member

    x404x.com الولايات المتحدة الأمريكية

    x404x.com , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى طالب , بجامعة جامعة تبوك
    • جامعة تبوك
    • طالب
    • ذكر
    • تبوك, LS
    • السعودية
    • Aug 2007
    المزيدl

    June 30th, 2011, 03:56 PM

    السلام عليكم

    أخواني هل لمن أنزل مطار نييورك ولاب توبي فيه برامج مهكره والوندوز نفسه مهكر هل يفتشون أو في غرامه


    وهل الاي فون والجل بريك فيه كلام بعد

    نسمع كلام ونبي الصح لانه اول مره ادخل امريكا وسفري بعد اسبوعين ان الله اراد


    والكلام الاهم وش الاشياء الي اركز واجيبها معي والاشياء الي ما اجيبها برأيكم

    لانه الشحن ما ادري كم على طيران الاماراتيه والطيران الداخلي وهل الزياده بالوزن مكلفه


    شكرا لكم
  2. سلامات عاد يفتشون الايفون بعد !!


    عسى مايشوفون الساعة اصلية والا تقليد شبه اصلي ؟.. وعسى بعد مايفحصون خامة الملابس اذا تطابق المواصفات والمقاييس الدولية والماركات والا ماركة مقلدة !


    الرجال كاتب (نبي الكلام الأكيد) .. وأنتم كل واحد يتكلم بمعلومة غير عن معلومة الثاني ..


    بصراحة ماعليش يعني تشوفوني معصب وزعلان .. بس كل المواضيع بهالمنتدى عن الموضوع ذا .. زي كذا كلها لخبطة وفلسفة وكل واحد يتكلم ويفتي على كيف كيفه ..
    واحد يقول يفتشون .. بالموضوع الثاني كاتب لا مايفتشون "سلامات,من جد سلامات ياعيال"


    نبي واحد خبرة يجي يفصل الموضوع الله لا يهينه والفلاسفة على جنب ..


    شكرا.,
    7 "
  3. يا طويل العم انا جاي لي حول اسبوع لامريكا بس انا نزلت بمطار واشنطن دالاس

    محد لمس شنطتي ولا حتى فتشوني ولا طولت بالمطار اخذت تقريبا من 15 الى 20 دقيقه من نزلت من الطيارة الى ما رحت لموظف الملحقية

    هذا اللي صار مي انا شخصيا مع العلم ان لابتوبي اصلي وكل اللي فيه اصلي اخذ احتياطي انا



    لكن خذ مني هالنصيحة من أخ لاخوه : خلك بالسليم واشتر لاب توب جديد واوفيس اصلي عشان تنزل بالمطار وانت مرتاح

    وبالنسبة للايفون انا سمعت والعلم عند الله ان الجلبريك عادي عندهم بس ياطويل العمر شيل الجلبريك قبل تسافر

    واذا وصلت بالسلامة فالخيارات عندك كثير تبي ترجع الجلبريك انت حر محد قايل لك شي

    وبالتوفيق ان شاء الله
    7 "
  4. هلا او غلا ؛؛؛
    انا لي 10 ايام او نزلت في مطار نيويورك او كان معاي وزن زايد بس الي استغربتة ولا قالي معاك وزن زايد ولا شئ ما احد حرك ولا شئ او لابي ما احد حركة ولا لمسة كنت حاطة في شنطة الهاند باك اللهم لما نزلت مطار ابوطبي بروح امريكا قالي طلع لابك او دق على زر التشغيل بس شافة اشتغل قالي خلاص روح يعني ترى الوضع ابسط مما تتصور سهالات مرة
    7 "
  5. كيف لابتوبك وندوز مو أصلي ممكن أفهم؟؟؟؟؟؟؟؟؟؟
    أي لابتوب تشتريه يجي معه ويندوز أصلي

    ومخالفة الأنظمة وتركيب برامج منسوخة يخالف الأنظمة والقوانين ، اصلا الغلط من الوضع اللي عندنا في السعودية ولا هنا الأمريكان تلقى كل برامجهم أصليه ليه لأن اسعارها رخصية وخاصة للطلاب


    المهم اسمع لا تشتري لابتوب جديد وخذ العلم مني

    أنا سافرت خارج أمريكا ودخلت أمريكا أكثر من 10 مرات يمكن 14

    ولا مرة قالوا افتح لابتوبك خلنا نشيك على البرامج أصلن فيه استكر تحت اللابتوب فيه رقم الويندوز حقك يعني اصلي ما ادري انت على اي اساس تقول مو اصلي شكلك بس كذا من راسك

    المهم وسالفة الأيفون هذي نكتة ، ياعمي من جدك انت ولا تستهبل؟ محد يفتش على برامج أصليه أو تقليد أصلن هذي يبغالها موظف مختص عشان يكشف على الجهاز و التفتيش مجرد إجراءات أمنية يعني تطلع لابتوب من الشنطة وتحطة في الحاوية لحاله على الاكس راي عشان يتاكدون انه مافيه متفجرات داخل اللابتوب

    بسسسسس

    مو يفتحون اللابتوب ويشغلونه

    وانت بعد اشلك واشل البرامج المنسوخة؟؟؟

    الوندوز قلنالك اذا فيه استكر تحت الجهاز معناته أصلي اصلن ما يجي لابتوب الا ومعاه نسخة مدفوعة من ويندوز وداخلة من قيمة الجهاز

    والأوفيس في أمريكا اذا انت طالب ب 100 ريال أصلي

    و النوتن أصلي ب 100 ريال اذا انت طالب واحسن من المنسخون لأنه يتحدث كل يوم عن طريق الانترنت

    بالمختصر المفيد

    خل عنك الكلام الفاضي وكلام الشكاكين اتحدى واحد فيهم يثبت انهم فتشو لابتبه شخصيا ، والصراحة زي ما قلت كلامهم صحيح بالنسبة للبرامج المنسوخة المفروض ما تنزلها من الأساس لكن بالنسبة لشغلة التفتيش ما عمرهم فتشو احد في المطار واصلا اللي اخترع السالفة هاذي واحد ملحوس فيه حالة نفسية

    امريكا عنهم منظمات تراقب البرامج المنسوخة وحقوق النشر داخل البلد مو على المطار بس زي ما الشعب الغبي يخيل يحسبون بس ان الشغلة تفتيش في المطار لا وعلى السعوديين بس ما عمرهم الأجانب الثانين فتحو هالموضوع بس السعووديين اللي يخرعون الإشاعات من راسهم


    زي ما قلت لك أمريكا كدولة مرة عندها حقوق النشر شي خطير ولا يمكن المساس به وحتى في الدراسة لو تنسخ كلام من النت في كلاس انقلش وتسلمه على اساس انه انت اللي كتبته على طول F في الكلاس واحيانا توص للفصل من الجامعة الشغلة مو لعب

    فموضوع البرامج المنسوخة والكلام هذا نهايته مو المطار وانما في أمريكا لو احد اشتكى عليك ان عندك برامج منسوخة فيها مساءلة

    وللمعلومية البرامج المنسوخة متواجدة في أمريكا لكن من تحت لتحت مو علني لكن محد يبعيها في المحلات ولكن ينزلونها من النت
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.