صعوبة التعليم بالخارج ،ارجوا المساعدة
صعوبة التعليم بالخارج ،ارجوا المساعدة
تنبيه: هذا الموضوع قديم. تم طرحه قبل 4683 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - وعليكم السلام ورحمة الله وبركاته7 "
وبالنسبة ياأخي الكريم دام إنك سألت وماحددت دولة الأبتعاث فراح أكلمك من تجربتي في أستراليا وبصراحة التعليم جدي ومتطور ويحتاج شدة حيل وتعب وكرف لكن الأحلى من هذا كله إنك تاخذ حقك على داير مليم ونادرا مافيه أحد يظلمك وكل ماإجتهدت أكثر كل ماأخذت درجات أكثر هذي نقطة.
النقطة الثانية وهي اللي معقدة شوي إن التعليم ترى بالسعودية عموما مع بعض الإستثناءات يعتبر سهل مقارنة بالتعليم في الدول الغربية وفيه دول مستويات التعليم فيها متقارب مثل أستراليا وبريطانيا ونيوزلندا وكندا يعني راح تلقى الأغلب من الجامعات هناك في المستوى المتوسط لأنه يوجد جهات تشرف على جودة التعليم وفيه حدود أدنى ماتقدر تتنازل عنها كما هو حاصل عندنا في السعودية من ناحية إشراف وزارة التعليم العالي على الجامعات السعودية بينما لو تجي لأمريكا حيث يوجد مايفوق 3000 جامعة وكل جامعة مستقلة تماما بسياساتها التعليمية عن الأخرى فلذلك راح تلقى جامعات توب التوب وراح تلاقي جامعات أقرب مايقال عنها أنها من دول إفريقية ولايفهم الإخوان إني أتهجم على التعليم في أمريكا لا ولكن عشان أوضح النقطة لأخينا السائل.
النقطة الثالثة وهي الأعقد بصراحة أنه حتى مع وجود الجامعات الكويسة أو الضعيفة راح تلاقي أقسام أو أعضاء هيئة تدريس شديدين مرة وكذلك راح تلاقي جامعة أخرى في ذات القسم ماشين بالبركة.
مثال: في إحدى الجامعات التوب عندنا في أستراليا يوجد أقسام صعبة جدا ويوجد أقسام عادية جدا وبإمكان أي طالب النجاح وأتمنى إنه وصلت الفكرة.
فلذلك لمن تجي تبحث عن الدراسة في الخارج ركز على:
- إختيار البلد.
- إختيار الجامعة.
- والأهم واللي يتغاضى عنه كثير من الطلاب شوف القسم والتخصص اللي راح تدرس فيه, إيش المواد وإيش المتطلبات والإختبارات وغيره وإذا هذا كله مناسب لك أو تشوف جامعة أخرى.
وعلى العموم نصيحة مني القرار اللي راح تتخذه قرار مصيري يحدد مستقبلك الجامعي أو قل مسار حياتك في السنوات القادمة لذلك إحسب حساب اسؤا الإحتمالات اللي هو الفشل وإبعد عن الحماس والعاطفة وإستشير وإستخير لأنه الفشل في السعودية مو مثل الفشل برا وخاصة أنه أنظار الناس معلقة وراح تجد ناس من البداية تراهن على نجاحك أو فشلك لذلك هل راح تقدر إنك توائم بين قدراتك ولغتك الإنجليزية وإجتهادك وكذلك متطلبات الجامعة أو راح يكون فيه فجوة واسعة بينهم وماتقدر تغطيها والنصيحة الإخيرة إجعل الإبتعاث آخر الخيارات أو البدائل ولاتتسرع ولاتخطوا الخطوة هذي إلا لمن تكون عارف أنه مافيه خيار آخر وأن الأبواب كلها قفلت في وجهك عشان لاقدر الله ماتندم بعدين وتقول ياليتني كنت مسكت الشئ اللي في يدي وماطيرته والله الموفق. - نفس وضعي بالضبط .. رح اضحي بوظيفة جيدة7 "
ونفس الكلام اعرف شبباب مو حق دراسة ويوم راحو هناك الوضع اختلف 180 درجة
الشباب اجتهدو وبيئة الدراسة هناك تساعد عالاجتهاد من جامعة ومختبرات ودكاترة وكل شي .. حتى الجووو فلله
الله يعيني في دراستي ويوفقني ويوفق جميع الطلاب
وان شالله نلتحق باقرب وقت بالبعثة -
أعرف شخص لتوه جاي ماستر من أمريكا ودائما ً ما يأسرني بحديثه عن التعليم والبيئة التعليمية في الجامعات الامريكية ، وكيف انهم يقضون أوقاتهم في الجامعه بين المكتبة والكلاسات ،، بيئة مختلفة عن بيئتنا الي هينا 180 درجه ،،
عموما ممكن سؤال ؟
وش بتسوي بالدبلوم حقك ، هل حصلت احد يعادله لك ؟ - قبل كل شي اسأل نفسك السؤال هذا
ليش اخترت التخصص ؟
هل لانك تحبه و اخترته بقناعة
اذا كان كذا انت بتنجح و بتبدع في اي مكان في العالم مهما كانت الصعوبات
اما اذا كان (مع الخيل يا شقرا) انا ابقولك بتفشل في اي مكان في العالم (ممكن انك تنجح بس مستحيل انك تبدع في تخصصك)
على حد علمي المناهج صعبة في الخارج لكن طريقة التدريس تجعل أي طالب ينجح بسهوله بعكس مناهجنا التي تعتمد على الحشو والاختبارات النهائية بدون أي فائدة مرجوه للطالب
انا مثلك عندي هذا الهاجس بصراحة ،، لكني ناوي أشد حيلي ، لانك اذا انت مضحي بجامعة بس ، أنا مضحي بوظيفة قوية وسيارة جديدة وعندي نفس الهاجس حقك ومع ذلك ما خليته عائق لي ،،
الدراسة وانا اخوك ضرورية وصدقني المستقبل بمشيئة الله مضمون ومتى ما حطيت هذا الشئ أمامك بإذن الله راح نمشي وتنجح وللمعلومية ترا الجامعات في الخارج تتفاوت صعوبتها من جامعات صعبة إلى جامعات سهله جدا ، لا تخاف وأهم شئ لا تقارن دراسة الكتاتيب الي عندك هينا بدراسة الجامعات الأجنبية