صعوبة التعليم بالخارج ،ارجوا المساعدة
السلام عليكم ورحمة الله ،
انا تعثرت بدراستي هنا وتخصصي حاسب . درجاتي نازله ببعض المواد وحملت مواد وشعرت باحباط .!
فكرت بجدية بالابتعاث الخارجي وقبل ما اكمل تفكيري راودني شعور مخيف ، ماذا لو فشلت هناك كيف راح اتدارك عمري . وكيف راح تكون نفسيتي وكل الاهل والعائلة متوقعة رجوعي بشي يبيض الوجه وارجع لهم بشي يسود الوجه !
موضوع مخيفني كثير ياشباب اني ارجع بدون شهاده او شهاده اي شي !
فابي اعرف وش درجة صعوبة الدراسة بالخارج وكم ساعة تحتاج من الدراسة اليومية حتى تنجح بشي يبيض الوجه ؟ ووشي اكثر الصعوبات اللي تواجهك بالتعليم نفسه هناك ؟
اتمنى اي احد جرب التعليم هنا وهناك حتى يقارن
ارجوكم ساعدوا اخوكم ولكم مني دعوة صادقه
تحياتي لكم
والسلام عليكم ورحمة الله*
رد: صعوبة التعليم بالخارج ،ارجوا المساعدة
اهليين اخوي
ما اظن احد يقدر يفيدك لان موضوع الدراسه هذا شئ راجع لك انت
انت الي تذاكر وانت الي تختبر
بـ الاراده تقدر تنجح وترجع وانت رافع راسسك وراس اهلك
ومافي شئ بالدنيا سهل
تعرف التربيه البدنيه ؟ الي بالاخير تصير مدرس رياضه للابتدائي !
تدرس فيها 150 قانون لكره السله وكل رياضه لها قوانينها
الي ابي اوصل له بالدراسه مافي شئ سهل
بخصوص انك فشلت بالحاسب هنا هذا موب مقياس
ابدا صفحه جديده مع نفسك وسافر وشد حييلك وذاكر واجتهد وقبل كل شئ توكل على الله
والله ما يخيب رجاك ان شاء الله
رد: صعوبة التعليم بالخارج ،ارجوا المساعدة
يعطيك العافية ياخوي ،
كلامك رائع ولا اشك فيه ، اعرف ان مافيه شي سهل لكن اللي ابي اعرفه وهو مقدار الصعوبة عن مناهجنا المدرسة بالجامعات المحلية
هل هي نفس صعوبتها ولا اصعب ؟
رد: صعوبة التعليم بالخارج ،ارجوا المساعدة
مناهجهم اصعب ومتطوره اكثر ،، لكن طرق التدريس افضل بكثير ويعطيك (الزبده) ،،
بالتوفيق لك ،،
رد: صعوبة التعليم بالخارج ،ارجوا المساعدة
السلام عليكم ...تصدق اخوي انا عندي نفس هذا الرعب ما ادري السفر وهم الغربه في كفه وسالفة الدراسه وكيف بتكون بكفه لحالها احنا اسلوب دراستنا في كل الجامعات هو هو خذ الملزمه وذاكرها وبيجيك الي فيها ...طيب برى ما ادري كيف اسلوبهم ...ياليت الاعضاء يطمنونا من هالناحيه احنا باذن الله رايحين ندرس ونجتهد بس كيف اسلوبهم هل يعطونك منهج تذاكره ومنه المحاضرات والاختبارات ولا كيف بالضبط؟؟؟
اعتذر اخي صاحب الموضوع ما افدتك بشي ..بس انت افدتني بطرح الموضوع مشكور والله يسهل علينا جميعا ....
رد: صعوبة التعليم بالخارج ،ارجوا المساعدة
اقتباس:
المشاركة الأصلية كتبت بواسطة المتوكله على الله
السلام عليكم ...تصدق اخوي انا عندي نفس هذا الرعب ما ادري السفر وهم الغربه في كفه وسالفة الدراسه وكيف بتكون بكفه لحالها احنا اسلوب دراستنا في كل الجامعات هو هو خذ الملزمه وذاكرها وبيجيك الي فيها ...طيب برى ما ادري كيف اسلوبهم ...ياليت الاعضاء يطمنونا من هالناحيه احنا باذن الله رايحين ندرس ونجتهد بس كيف اسلوبهم هل يعطونك منهج تذاكره ومنه المحاضرات والاختبارات ولا كيف بالضبط؟؟؟
اعتذر اخي صاحب الموضوع ما افدتك بشي ..بس انت افدتني بطرح الموضوع مشكور والله يسهل علينا جميعا ....
فعلا هذا مانبحث عنه ولا لقيت أحد كتب عنه وكأن أعضاء المنتدى أغلبهم في مرحلة اللغة ... ياليت الأخوان يفيدونا
رد: صعوبة التعليم بالخارج ،ارجوا المساعدة
والله اني ودي ادرس بمريكا بس خايف من الفشل
وعاد عندنا مجتمع مايرحم
رد: صعوبة التعليم بالخارج ،ارجوا المساعدة
طريقة التدريس بامريكا تختلف عن السعودية بكثير
من ناحية المناهج فهي اصعب ولكن طريقة التدريس ممتازه وتفهم ولو جديت تنجح
كثيرين هنا يتخرجون بامتياز من جميع انحاء العالم والاغلبية تشهد بانه نظام التدريس بالخارج متطور اكثر
فلا تخاف من الصعوبة لو بتذاكر طيب اللي يسال كم ساعه اممممممم يعتمد على التخصص
فيه تخصصات فيها شغل كثير وتخصصات حفظ كثير وتخصصات .... الخ
شف التخصص اللي تميل له ويناسب طموحك وان شاء الله تتوفق
لا تخافون شباب عليكم بالدعاء واجتهدو والله ييسرها عليكم
سلام عليكم
رد: صعوبة التعليم بالخارج ،ارجوا المساعدة
الدراسه في الخارج اصعب وفيها شغل اكثر بس هنا لك مجال انك تجيب درجات لأن مو مثل عندنا هناك مد تيرم وفاينل بس هنا الدرجات موزعه على اشياء كثير واجبات وكوزات وحضور وغيره حسب التخصص بس يبغى له شخص يشتغل على نفسه صح ويجتهد مو نايم ويتوقع انه ياخذ كل شي بالساهل
رد: صعوبة التعليم بالخارج ،ارجوا المساعدة
اخوي
اهم مافي الموضوع عزيمتك وارادتك وتحملك للمسؤليه
وغير هذا كله لازم يكون عندك تفائل عشان تنجح وأمل
ازرع بداخلك الثقه بنفسك وقبل هذا كله
توكل علي ربك ...
وفشلك هنا ابد ماهو مقياس
بسالك كل اللي سافروا واخذوا شهاده متخرجين بنسب عاليه ^_* ؟!!!