الأعضاء الإشتراك و التسجيل

الملتقيات
ADs

فضيحة التاجر السعودي في امريكا

فضيحة التاجر السعودي في امريكا


NOTICE

تنبيه: هذا الموضوع قديم. تم طرحه قبل 2394 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حسين ال عشبه
    حسين ال عشبه

    مبتعث مستجد Freshman Member

    حسين ال عشبه الولايات المتحدة الأمريكية

    حسين ال عشبه , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسه ميكانيكيه , بجامعة جامعة الملك سعود
    • جامعة الملك سعود
    • هندسه ميكانيكيه
    • ذكر
    • الخبر, المنطقه الشرقيه
    • السعودية
    • May 2011
    المزيدl

    July 2nd, 2011, 02:20 AM

    ماتجون الا كذا يالزقرت ياحبكم للفضايح على العموم معلينا..
    LOOOOOOOOOL

    تكفى لا تطنقر معك وتطلع اقرأ الموضوع بعدين بكيفك
    ابي منك فزعه

    السلام عليكم ورحمة الله وبركاته



    انا حبيت احد منكم يخدمني او يدلني على الطريق الصحيح انا خريج كلية التقنيه تخصص ميكانيكا ومعدلي 3.33 ... وفي نفس الوقت انا موظف في شركة سابك بس عندي طموح يهد اجدار وخبرتي 4 سنوات .. وسمعت ان اللي يملك خبره ينظم بسرعة او يجيه قبول بالجامعة بسرعة او يفيده في المعادله ... واتمنى اني اكمل دراستي في امريكا بس ... فيه شباب وصوني كثيير وقالوا لي سجل في معهد اكاديمي ....تبع الجامعه


    ي الربع تكفوون انا عورني راسي من كثر مادورت في النت وقريت

    والله احس انه بيجيني شد عضلي في العين << اصابتك يبو ...


    يالربع

    ابي احد فاهم يرد علي ويقول لي وش لون اخاطب المعهد ويدلني على ولاية حلوة وابي يعادلوني معادلة حلوة


    ادري ان شروطي كثيرةة بس تكفوون تححملوني امي مدلعتني من يومي صصغير

    .......

    " وش الخطوات الي ابدأ فيها من البداية "

    وعلى شان اختصر عليكم الاموور بعطيكم وش اللي سويته وقولوا لي صح ولا لا

    ( ترجمة شهادة الثانوية والكلية وحسن سيرة وسلوك وختمتها من وزارة الخارجيه ومعها وصف المواد الكلية )

    اللي يعرف مكتب بالخبر او له خبرة في هذه الامور يتواصل معي ولو على الجوال تكفووون ابي اروح بسرعة طابت الخاطر يلعن امها شهادة تعز الرجال...


    والله الي يفيدني لو يطلب عيوني لا اعطيه... << ادري قويةة شووي بس لازم نسسوي برستيج وخرابيط


    واللي يبي شي من السعوديةة يقول لي اجيب له << جالس يسلك قالك التذكره في يده..

    أخوكم/ حسين القحطاني
  2. ههههههههههههههههههههههههه
    عليك أسلوب وذكاء تعبيري وتسويقي رهيب
    يالله الحمد لله وقف على كذا وما فيه سعودي انفضح يا رب تستر علينا في الدنيا والآخرة

    شوف من معلوماتي المتواضعة، ترسل شهادتك ذي ل wes دور على مواضيعها في المنتدى وهم يعادلوا لك الشهادة هذا أول شيء
    ثاني شيء شوف لك جامعة تبع معهد وتكون كويسة، فيه معاهد تكون تبع جامعه لكن تعبانة للأسف زي اللي في سيدار يوتاه زي ما سمعت وقدم بنفسك ترى كله أبلكيشن وخلاص
    بس قبل ما تدفع فلوس الأبلكيشن قولهم بتقبلوني في الشهر اللي تبيه ولا سكر التسجيل واكتفوا ، عشان اذا اكتفوا وانت مستعجل دور لك معهد ثاني ولا تدفع الرسوم إلا اذا قالوا عندنا لك مكان
    7 "
  3. المشاركة الأصلية كتبت بواسطة Plato
    مو أني احب الفضائح لأن موضوعك لو يحتوي على أي فضائح على قولتك بينحذف لكن ما أحب الاستغفال !
    طيب ما عجبك الاستغفال لا ترد على الموضوع ولا تساعد الرجال مو لازم منة الله ولا منة خلقه
    7 "
  4. ياللابدااااع
    هل من مزيـــــــــــــــــــــــــــــــــــــــــــــــ ـد
    نصيحه اعتمد على نفسك في جلب القبول ولاتعتمد على هالمكاتب
    ادرس بنفس معهد الجامعه الي بتدرس فيها وترتاح من اختبار التوفل وخصوصا ان في الدبلومات تكون درجة التوفل المطلوبه اعلى
    7 "
  5. الحل عندي وانا بوهندي

    اسمع وانا اخوك العزيز

    انا ولله الحمد صاحب خبرة وبحكم اني متخرج من كلية تقنية زيي زيك راح اعلمك وش تسوي بسم الله نبدأ :
    ترجم شهادة الثانوي وحسن سيرة وسلوك وخل معك شهادة مالية وتكون بمبلغ محترم ( 70 الف وفوق)وصور الجواز هذي الامور المطلوبة في البداية


    نتروح للمكتب واذا انت حاب تعرف اسامي مكاتب راسلني على الخاص وابشر والله بالسعد

    المكتب راح يسوي سكنر لكل الاوراق اللي انت مصورها وبيرسل للجامعه والمعهد
    بالنسبه للمعهد ماراح يطول بالكثير اسبوع وهو عندك وتقدر تقدم على الفيزا وتاخذ موعد على مايوصل القبول الجامعي

    نصيحة اخوية : لا تطلع ولاتفكر تشبر قبل لايكون معك قبول جامعي
    نرجع لمحور حديثنا بعد مايجي القبول حق المعهد تعبي نموذج يقاله الـds160
    وهذا النموذج يسالك عن كل صغيرة وكبيرة يعني جهز كل شي حتى تاريخ ميلاد الوالد والوالدة الله يطول بعمر والدينا والديكم ويرحم اموات المسلمين يارب ؛<<<< قولو امين
    بعده راح تحجز موعد بالسفارة وتسوي المقابله لكن فية اشياء لازم تسددها قبل لا تروح المقابله وهي :

    1- رسوم الفيزا = 523
    2- رسوم السيفس= 750 ريال تقريبا (200 $) دولار امريكي بالضبط
    3- رسوم المقابله في السفارة 45 ريال

    وبكذا تكون هذي اغلب التفاصيل اللي تهمك

    نصيحة اخوية :

    حاول تفكر بالدراسة بـ ايرلندا لأنهم راح يعادلون لك الساعات كلها والكلام ثقه وتقدر تتأكد بنفسك ياغالي

    واذا انت حاب تتدرس بامريكا حياك الله اخو عزيز وغالي وتحياتي لك

    تقبل مروري القلق
    7 "
  6. المشاركة الأصلية كتبت بواسطة Plato
    مو أني احب الفضائح لأن موضوعك لو يحتوي على أي فضائح على قولتك بينحذف لكن ما أحب الاستغفال !
    حبيبي بلوتو رايك واحترمه وعلى عيني وراسي بس مادام لك صلاحيه فِيّـٌٍ? المنتدى وفوق كذا متميز مشاءالله عليك من باب الادب انك ترد وتساعد من طلب خدمه دامك تملك خبره وخلفيه فِيّـٌٍ? مثل هادي الامور. واتوقع هذا الشي يكون من شروط الاعضاء. المتميزين ان يردون. بموجب اني صاحب منتدى. على العموم اذا بتقدر تفيدني اللَّـ? يجزاك خير.
    7 "
  7. ابي احد فاهم يرد علي ويقول لي وش لون اخاطب المعهد ويدلني على ولاية حلوة وابي يعادلوني معادلة حلوة


    ادري ان شروطي كثيرةة بس تكفوون تححملوني امي مدلعتني من يومي صصغير

    .......

    " وش الخطوات الي ابدأ فيها من البداية "
    تجلب لك قبول مشروط جامعه +دراسة لغه انجليزيه معناه القبول المشروط ،،

    وعلى شان اختصر عليكم الاموور بعطيكم وش اللي سويته وقولوا لي صح ولا لا

    ( ترجمة شهادة الثانوية والكلية وحسن سيرة وسلوك وختمتها من وزارة الخارجيه ومعها وصف المواد الكلية )
    جميل ،، يبقى انك تقدم على جامعه هناك بعد بحث وتتأكد انها مدينه وولايه تنساب رغباتك ،،

    اللي يعرف مكتب بالخبر او له خبرة في هذه الامور يتواصل معي ولو على الجوال تكفووون ابي اروح بسرعة طابت الخاطر يلعن امها شهادة تعز الرجال...

    فيه مكاتب كثيره ابحث عنها في قوقل ،، والتقديم الصراحه ليس بذلك الصعوبه لكن يأخذ وقت ،، فإذا عندك لغه تقدر تقدم بنفسك وبمساعدة مترجم قوقل ،، اضف الى ذلك يقدر يساعدك احد لغته حلوه ،،
    والله الي يفيدني لو يطلب عيوني لا اعطيه... << ادري قويةة شووي بس لازم نسسوي برستيج وخرابيط


    واللي يبي شي من السعوديةة يقول لي اجيب له << جالس يسلك قالك التذكره في يده..

    نبيك توصل سالم ،،


    وللعلم رديت من باب إننا أخوهـ


    7 "
  8. اخوي حسين الله يوفقك يارب

    في البدايه قبل كل شيء ترجم شهاداتك الثانوية والكلية وسوي منها ما يقارب عشر نسخ وروح الكليه يختموا نسخ شهادة الكلية المترجمة ارفقها مع وصف المواد وكل نسخه في ظرف لوحده يعني عشرة ظروف يسكروه ويختموا عليه وادارة التعليم يختموا لك نسخ شهادة الثانويه المترجمة وفي ظروف تبع وزارة التعليم ويكروها ويختموها.
    بعدين شوف WES او ECE هذي افضل شركتين معادلة واطلب منهم معادلة course by course
    يوم تصير معك المعادلة والظروف المختومه من الوزارة والكليه بتكون انت جاهز للتقديم على اي جامعة في امريكا.

    قدم على جامعة يكون فيها معهد اكاديمي نصيحة ادرس في المعهد التابع للجامعة بشرط يكون معهد اكاديمي مو معهد تجاري كل اللي يهمهم تجميع الدولارات
    واول المعاهد اللي تبعد عنها معاهد ELS
    لان طواقم التدريس عندهم يجيبوهم من الشوارع ولا يفقهوا في قواعد اللغة الانجليزيه شيء.

    بالتوفيق لك اخوي واي استفسار حاضرين
    لا تنسانا من الدعاء
    7 "
  9. المشاركة الأصلية كتبت بواسطة سياتل2011
    ههههههههههههههههههههههههه
    عليك أسلوب وذكاء تعبيري وتسويقي رهيب
    يالله الحمد لله وقف على كذا وما فيه سعودي انفضح يا رب تستر علينا في الدنيا والآخرة

    شوف من معلوماتي المتواضعة، ترسل شهادتك ذي ل wes دور على مواضيعها في المنتدى وهم يعادلوا لك الشهادة هذا أول شيء
    ثاني شيء شوف لك جامعة تبع معهد وتكون كويسة، فيه معاهد تكون تبع جامعه لكن تعبانة للأسف زي اللي في سيدار يوتاه زي ما سمعت وقدم بنفسك ترى كله أبلكيشن وخلاص
    بس قبل ما تدفع فلوس الأبلكيشن قولهم بتقبلوني في الشهر اللي تبيه ولا سكر التسجيل واكتفوا ، عشان اذا اكتفوا وانت مستعجل دور لك معهد ثاني ولا تدفع الرسوم إلا اذا قالوا عندنا لك مكان

    هههههههههههههههههههههههههههههههههههههه


    ماينفع الا كذا لازم الواحد يشد الانتبه على شان يلاقي الرد


    على العموووم بيض الله وجهك واتمنى لك التوفيق يازقررت
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.