ماجستير نظم المعلومات الإدارية (Management Information systems (MIS

الله يعطيك العافيه على الشرح و التوضيح

اذا حولتي تخصصك لنظم معلومات اداريه ياليت تخبريني

لاني محتاره اقدم تسويق وبعدين احول نظم او علوم حاسب ثم احول نظم

وأخاف ما يرضوا يحولونه لي

أول شي السلام عليكم ورحمة الله وبركاته..

أنا طالب ماجستير على مشارف النهاية بتخصص MSIS لا تستغربون ايه MSIS معناها Master of Science in Information Systems.
عشان كذا خلوني أشرح تخصص Information Systems وكيفية ارتباطه بالإدارة أو الحاسب وأيضا راح أتطرق للأفضلية في كونه من جانب إداري أو علمي حاسوبي.

تخصص IS تخصص له ثقله بأمريكا بشكل كبير وزي ما ذكروا الإخوان هو يعتبر دمج بين الحاسب والإدارة. طيب وين الفرق بين MIS و CIS - MSIS.
الفرق هو إن تخصص MIS يحمل المنظور الحاسوبي بنظرة شاملة مبسطة نوعا ما ويهتم بشكل أوسع بالجانب الإداري. فمثلا يكون عدد ساعات البرنامج 33 ساعة من بينها 9 ساعات فقط للحاسب. كما يسلط الضوء على البرمجيات المستخدمة في الإدارة مثل برنامج ساب. وهذا البرنامج يدرس بكلية إدارة الأعمال وهو إما أن يكون قسم مستقل أو فرع من MBA.

أما تخصص MSIS - CIS فهو استخدام نظم المعلومات علمياً لتوظيفها إداريا. بمعنى تطوير المنشئة تقنياً لرفع وتطوير البيئة الخاصة بهذه المنشئة. البرنامج من هذا المنظور يحوي مواد برمجة ومواد تقنية بحته كإدارة المصادر التقنية الخاصة بالمنشئة ونحو ذلك. نفس المثال السابق إذا البرنامج من 33 ساعة فهناك 6-9 ساعات فقط مواد إدارية (أي العكس). وهذا التخصص يدرس غالبا في كلية الحاسب أو الهندسة أو العلوم ودائما يكون تخصص مستقل بذاته وليس فرعي.

طيب الآن وش الأفضل؟
أنا ما راح أميل لأي من الإثنين لأن كلهم تخصصات جيدة. الخيار هنا يعتمد على الشخص بعد معرفة المزايا. خلونا نسلط الضوء على بعض الأمور الخفية. تخصص الـ MIS في السعودية تنظر له الشركات منظور إداري فلو توظف الشخص يتوظف وظيفة إدارية ويكون الموظف على سلم الإداريين وليس الفنيين. لكن لو شهادة الموظف MSIS - CIS فراح يتوظف وظيفة تقني وبالتالي الراتب راح يكون أعلى والمميزات تكون أكبر.
حسب خبرتي خلوني أعطيكم هذا المثال: شركة الكهرباء السعودية توظف خريج بكالوريوس MIS على سلم الإداريين براتب 6000 ريال. لكن خريج بكالوريوس CIS يتوظف براتب 8000 ريال. طبعا مع فرق المميزات اللي هي الزيادة السنوية والتفضيلات الوظيفية والتقييم السنوي. هذا المثال ينطبق على أغلب البنوك في السعودية أيضاً..

بالتوفيق؛؛

الله يعطيك العافيه على الشرح والتوضيح

لكن ايش الجامعات اللي ممكن تدرسه

وهل دراسته سنتين فقط ام لازم ناخذ مواد تكميلية بحكم انه في كلية الحاسب

جزاك الله خير

أختي الجامعات اللي تدرسة كثييييير وبعدين لازم تحددين هل تبين التخصص MIS أو CIS-MSIS عشان أقدر أعدد لك بعض الجامعات.

بالنسبة للمدة أيضا تعتمد على الجامعة اللي تقدمين عليها لكن في الغالب يتراوح بين 30 -45 ساعة وهذا يعتمد على دراستك في البكالوريوس. التفاوت هذا يعتمد على القبول فممكن الجامعة تشوف السجل الأكاديمي حق البكالوريوس الخاص فيك بعدين يطيحون منك كافة المواد التأسيسية. وبالتالي ما تآخذين سنة ونص أو سنة حتى دراسة. فلو كان البكالوريوس حقك حاسب غالبا يعفون عنك كافة المواد التأسيسية وبالتالي يبقى عليك فقط مواد البرنامج اللي هي تقريبا 30 ساعة.

فأنتي حددي وش بتقدمين على أي تخصص MIS أو CIS-MSIS. وأيضا أيش هي شهادة البكالوريوس الخاصة فيك بعد كذا ممكن أعطيك قائمة بالجامعات اللي ممكن تدرسة. لأن غالبا الجامعة اللي توفر تخصص MIS ما توفر تخصص CIS-MSIS والعكس كذلك.

انا خريج mis

وابي اكمل الماستر في ايش تنصحني ؟

انا ميولي برمجه لاني كنت دايم اجيب فيها درجات عاليه

تنصحني اخذ الماستر في نفس تخصصك ؟

حياك أخوي.. إذا ميولك برمجة ولك فيها خبرة جيدة خاصة في قواعد البيانات أنصحك بالتخصص العلمي اللي هو أحد اثنين CIS-MSIS. التخصص راح تحصل فيه مبتغاك من ناحية برمجية وإبداعية فهو يحوي بعض المواد الخاصة بتحليل النظم وقواعد البيانات وإدارتها وتطويرها. وإن بغيت مواد إدارية تقدر تآخذها كمواد خيارية..

بالتوفيق وأي سؤال حاضرين

اخوي ان ايضآ خريج mis

وناوي اكمل ماستر , لكـن بخصوص اختيار التخصص

هل الأفضل ان الشخص يكمل على نفس تخصص mis
أو يغير تغيير بسيط يعني ما يشطح كثير , بمجال تخصصه, يعني مثلآ markting او managment
او الأفضل انك تشطح شطحه بعديه عن التخصص , يعني مو بشرط تخصص له علاقة بتخصص البكلوريوس

وسوال ثآني , هل اذا كملت على نفس تخصص مثلآ بالـ mis , تقل علي مدة دراسة الماجستير , وبكم سنه اقدر اخلصها

شآكر لـك مقدمآ

تخصص الـ MIS تخصص يعتبر إلى حد كبير (مثل ما ذكرت سابقا) إداري ومن أقرب التخصصات لهذا التخصص في الإدارة هو تخصص الـ Accounting إذا تقول ودك تغير التخصص وانا ما أنصح فيه كثير روح لأحد التخصصين إما Finance أو Accounting لأن دراستك السابقة في MIS راح تساعدك في هالتخصصين..

بالنسبة للابتعاد كثيرا عن التخصص راح يأثر عليك وبينطبق عليك (لا إلى هؤلاء ولا إلى هؤلاء) وهذا من واقع تجربه مر بها الكثير من الأصحاب.

لو كملت MIS ما راح تطلب من الجامعة المواد الأساسية اللي تسمى Foundations وراح تبدأ على طول في مواد البرنامج وهذا بلا منازع يطيح عليك الكثير من الوقت. مثلاً: لو جاء شخص تخصصه في البكالوريوس رياضيات ويبي يكمل ماجستير MIS راح تجبره الجامعة يدرس المواد الأساسية وبعد اجتيازها يبدأ مواد برنامج الماجستير.

وبالنسبة لوضعك ممكن تخلص الماجستير بسنة ونص بالكثير (طبعا غير دراسة اللغة).

بالتوفيق

انا تخصصي بكالوريوس business مسار MIS << من جامعة الملك عبدالعزيز

ناويه اكمل MIS لاني مضطره اكون في جامعه يتواجد فيها تخصص قانون ( للمرافق )

بحثت عن جامعات كثير وحاطه في بالي من ثلاث جامعات

الاولى :Fairleigh Dickinson University في تينيك لوس انجلوس

والثانيه : george meson University في فايرفاكس فرجينيا

الثالثه : North Carolina A&T State University

فـ برأيك ماهي الأفضل من ناحية جودة الجامعه والمعهد التابع لها وجودة المقررات

انا عجبتني خطة فيرلي لكن ليس لي علم بجودة الجامعه ونوعية الدراسة والقبول فيها

ولو فيه جامعات افضل ياليت تعطيني فكره

والله يعطيك العافيه مقدما

اختي الله يعطيك العافيه بس انا مالي في البرمجه والاشياء اللي كتبتيها اذا تشوفين انها سهله ممكن اتعلمها خلال فتره اللغه واذا تشوفين فيها صعوبه اجل بترك التخصص