كيف اقدر احول للبعثه في فترة اللغة
الى مبتعثي امريكا ...
انشالله بعد 3شهور راح اوصل امريكا للبعثه ومعي زوجتي
والمرافق (الزوجه) يحق له دراسة اللغه على حساب الوزارة
وبعدين هي بتكمل الماستر ........
المشكلة ـ كيف اقدر احول دراستها للبعثه في خلال دراسة مرحلة اللغة ... هل اقدر والا لا ؟؟
والا لازم تدرس الماستر على حسابي الخاص وبعدين تحول للبعثه ..
ارجو من عنده طريقة تحويل الدراسة للبعثه يقولها لي
والف شكر مقدما
رد: كيف اقدر احول للبعثه في فترة اللغة
اسهل وافضل طريقه برايي انك تاخذها دارسه على حسابها الخاص مو مرافقه كذا يصير سهل الحاقها بالبعثه بس انتبه تضيفها مرافقه كذا تصير مرتبطه فيك لو يصير لك اي ضرف لاسمح الله يوقفون بعثتها هي بعد ويرجعونها غصب
رد: كيف اقدر احول للبعثه في فترة اللغة
اخوي اللي عندهم مرافقين لديهم خبره اكثر مني
ولكن على حسب ماسمعت ومن وجهة نظري انك تخلي زوجتك الله يحفظها على حسابها الخاص
صحيح انها ماراح تاخذ ٩٠٠ دولار لانها مرافقه ،،ولكن ستلتحق بالبعثة باسرع وقت ممكن
واتوقع من شهرين الى اربعة اشهر وتنضم للبرنامج وراح تستلم مكافاة مبتعث ١٨٧٤دولار
وبهذا الوقت بامكانكم ادخال اخوها،ابوها ، عمها، او اي من اقاربها كمرافق <<حتى لو يجي يومين ويرجع للسعودية
فكذا تكون اضمن انت ١٨٧٤+ زوجتك ١٨٧٤ + ٩٠٠مرافقها >>اذا اردت
ومن ناحية الحلال والحرام انا لم اقم بهذه المشاركة الا وانا على المام و دراية بذلك
وفقك الله وسهل دربك
رد: كيف اقدر احول للبعثه في فترة اللغة
اقتباس:
المشاركة الأصلية كتبت بواسطة ابو دالين
اسهل وافضل طريقه برايي انك تاخذها دارسه على حسابها الخاص مو مرافقه كذا يصير سهل الحاقها بالبعثه بس انتبه تضيفها مرافقه كذا تصير مرتبطه فيك لو يصير لك اي ضرف لاسمح الله يوقفون بعثتها هي بعد ويرجعونها غصب
يعني كذا راح تدرس اللغه على حسابي الخاص وماااضمن الحاقها بالبعثه
ولازم اجيب لها قبول من جامعه
وبالنسبة للفيزا مااقدر احولها الى فيزا طالب بعد الحاقها بالبعثه ..
رد: كيف اقدر احول للبعثه في فترة اللغة
اقتباس:
المشاركة الأصلية كتبت بواسطة الراي المستقل
اخوي اللي عندهم مرافقين لديهم خبره اكثر مني
ياريت اللي عندهم خبره يدخلون ويوضحون الطريقة
اقتباس:
المشاركة الأصلية كتبت بواسطة الراي المستقل
ولكن على حسب ماسمعت ومن وجهة نظري انك تخلي زوجتك الله يحفظها على حسابها الخاص
صحيح انها ماراح تاخذ ٩٠٠ دولار لانها مرافقه ،،ولكن ستلتحق بالبعثة باسرع وقت ممكن
واتوقع من شهرين الى اربعة اشهر وتنضم للبرنامج وراح تستلم مكافاة مبتعث ١٨٧٤دولار
وبهذا الوقت بامكانكم ادخال اخوها،ابوها ، عمها، او اي من اقاربها كمرافق <<حتى لو يجي يومين ويرجع للسعودية
فكذا تكون اضمن انت ١٨٧٤+ زوجتك ١٨٧٤ + ٩٠٠مرافقها >>اذا اردت
ومن ناحية الحلال والحرام انا لم اقم بهذه المشاركة الا وانا على المام و دراية بذلك
وفقك الله وسهل دربك
طيب وش الشروط اللازمة حتى اقدر احولها للبعثه خلال هذه الفترة وايضا لازم تروح على قبول من احدى الجامعات
رد: كيف اقدر احول للبعثه في فترة اللغة
اخوي ساقي الورد بعد احترامي وتقديري للي ردوا يقول المثل عصفور في اليد ولا عشرة على الشجرة
خذ زوجتك كمرافقة وخلها تدرس على حساب الدولة وتستلم مكافأة تساعدكم على تحمل ظروف المعيشة هناك وترا فرصة المرافقة لإنضمام تعادل فرصة الطالب على حسابه الخاص والكل ينفتح له ملف
وش حادك انك تدرس زوجتك على حسابك اقل معهد بتدرس عنده زوجتك لو درستها على حسابك بياخذ منك بالميت حوالي 1300 دولار شهريا هذا غير مصاريفكم يعني بالعربي كأنك جاي امريكا عشان تدرس زوجتك على حسابك وكله على أمل تنضم صح ممكن تنضم بعد شهر بس برضه يمكن تضم بعد 6 اشهر ويمكن تنضم بعد سنة هذي علمها عند الله ... حرام تضيع فرصة بيدك وتغامر عشان تتذاكى على النظام مع العلم مثل ماقلت الفرصة متساوية في القبول
يظل هذا رأيي وانت ابخص
رد: كيف اقدر احول للبعثه في فترة اللغة
اقتباس:
المشاركة الأصلية كتبت بواسطة كلام كليم
اخوي ساقي الورد بعد احترامي وتقديري للي ردوا يقول المثل عصفور في اليد ولا عشرة على الشجرة
خذ زوجتك كمرافقة وخلها تدرس على حساب الدولة وتستلم مكافأة تساعدكم على تحمل ظروف المعيشة هناك وترا فرصة المرافقة لإنضمام تعادل فرصة الطالب على حسابه الخاص والكل ينفتح له ملف
وش حادك انك تدرس زوجتك على حسابك اقل معهد بتدرس عنده زوجتك لو درستها على حسابك بياخذ منك بالميت حوالي 1300 دولار شهريا هذا غير مصاريفكم يعني بالعربي كأنك جاي امريكا عشان تدرس زوجتك على حسابك وكله على أمل تنضم صح ممكن تنضم بعد شهر بس برضه يمكن تضم بعد 6 اشهر ويمكن تنضم بعد سنة هذي علمها عند الله ... حرام تضيع فرصة بيدك وتغامر عشان تتذاكى على النظام مع العلم مثل ماقلت الفرصة متساوية في القبول
يظل هذا رأيي وانت ابخص
كلامك منطقي جدا
وهذا اللي افكر فيه شي مضمون ولا شي مدري عنه
لكن ابي اصحاب الخبره واللي مروو بنفس التجربه يفيدونا اكثر
رد: كيف اقدر احول للبعثه في فترة اللغة
مجرد ماتجيب لها قبول غير مشروط يعني نهائي من جامعه معترف فيها يحق لها تنضم للبعثه
فحاول تجيب لها قبول بدري خلال فترة دراستها
زوجي قاعد يدرس على حساب الدوله وبعد فتره راح يحاول يختبر احد اختبارات القدرات ويقدم ع الجامعات
وهذا حسب كلام المشرف
دعواتك
رد: كيف اقدر احول للبعثه في فترة اللغة
اقتباس:
المشاركة الأصلية كتبت بواسطة معلوماتيه
مجرد ماتجيب لها قبول غير مشروط يعني نهائي من جامعه معترف فيها يحق لها تنضم للبعثه
فحاول تجيب لها قبول بدري خلال فترة دراستها
زوجي قاعد يدرس على حساب الدوله وبعد فتره راح يحاول يختبر احد اختبارات القدرات ويقدم ع الجامعات
وهذا حسب كلام المشرف
دعواتك
تقولي قبول غير مشروط ، يعني لابد تكون حاصله على درجة التوفل .
طيب هي بتدرس في المعهد كيف تقدر تجيب التوفل الا بعد الانتهاء من مرحلة اللغة وانا ابيها تلتحق بالبعثة خلال اللغه .
اللي اقصده اذا جبت قبول مشروط هل تقدر تلتحق بالبعثه وهي تدرس بالمعهد .
والله يوفقك وينور دربك
رد: كيف اقدر احول للبعثه في فترة اللغة
A bird on your hand is better then ten on the tree. However, if you have a brave heart and good financial situation do what someone has told, let her come to the U.S as a individual student.