الأعضاء الإشتراك و التسجيل

الملتقيات
ADs

كيف اقدر احول للبعثه في فترة اللغة

كيف اقدر احول للبعثه في فترة اللغة


NOTICE

تنبيه: هذا الموضوع قديم. تم طرحه قبل 2394 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ساقي الورد
    ساقي الورد

    مبتعث مستجد Freshman Member

    ساقي الورد الولايات المتحدة الأمريكية

    ساقي الورد , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى computer science , بجامعة ball state university
    • ball state university
    • computer science
    • ذكر
    • muncie, indiana
    • السعودية
    • Aug 2010
    المزيدl

    July 3rd, 2011, 06:28 AM

    الى مبتعثي امريكا ...
    انشالله بعد 3شهور راح اوصل امريكا للبعثه ومعي زوجتي
    والمرافق (الزوجه) يحق له دراسة اللغه على حساب الوزارة
    وبعدين هي بتكمل الماستر ........

    المشكلة ـ كيف اقدر احول دراستها للبعثه في خلال دراسة مرحلة اللغة ... هل اقدر والا لا ؟؟
    والا لازم تدرس الماستر على حسابي الخاص وبعدين تحول للبعثه ..

    ارجو من عنده طريقة تحويل الدراسة للبعثه يقولها لي
    والف شكر مقدما
  2. اسهل وافضل طريقه برايي انك تاخذها دارسه على حسابها الخاص مو مرافقه كذا يصير سهل الحاقها بالبعثه بس انتبه تضيفها مرافقه كذا تصير مرتبطه فيك لو يصير لك اي ضرف لاسمح الله يوقفون بعثتها هي بعد ويرجعونها غصب
    7 "
  3. اخوي اللي عندهم مرافقين لديهم خبره اكثر مني

    ولكن على حسب ماسمعت ومن وجهة نظري انك تخلي زوجتك الله يحفظها على حسابها الخاص

    صحيح انها ماراح تاخذ ٩٠٠ دولار لانها مرافقه ،،ولكن ستلتحق بالبعثة باسرع وقت ممكن

    واتوقع من شهرين الى اربعة اشهر وتنضم للبرنامج وراح تستلم مكافاة مبتعث ١٨٧٤دولار

    وبهذا الوقت بامكانكم ادخال اخوها،ابوها ، عمها، او اي من اقاربها كمرافق <<حتى لو يجي يومين ويرجع للسعودية

    فكذا تكون اضمن انت ١٨٧٤+ زوجتك ١٨٧٤ + ٩٠٠مرافقها >>اذا اردت

    ومن ناحية الحلال والحرام انا لم اقم بهذه المشاركة الا وانا على المام و دراية بذلك

    وفقك الله وسهل دربك
    7 "
  4. المشاركة الأصلية كتبت بواسطة ابو دالين
    اسهل وافضل طريقه برايي انك تاخذها دارسه على حسابها الخاص مو مرافقه كذا يصير سهل الحاقها بالبعثه بس انتبه تضيفها مرافقه كذا تصير مرتبطه فيك لو يصير لك اي ضرف لاسمح الله يوقفون بعثتها هي بعد ويرجعونها غصب
    يعني كذا راح تدرس اللغه على حسابي الخاص وماااضمن الحاقها بالبعثه
    ولازم اجيب لها قبول من جامعه
    وبالنسبة للفيزا مااقدر احولها الى فيزا طالب بعد الحاقها بالبعثه ..
    7 "
  5. المشاركة الأصلية كتبت بواسطة الراي المستقل
    اخوي اللي عندهم مرافقين لديهم خبره اكثر مني
    ياريت اللي عندهم خبره يدخلون ويوضحون الطريقة
    المشاركة الأصلية كتبت بواسطة الراي المستقل
    ولكن على حسب ماسمعت ومن وجهة نظري انك تخلي زوجتك الله يحفظها على حسابها الخاص

    صحيح انها ماراح تاخذ ٩٠٠ دولار لانها مرافقه ،،ولكن ستلتحق بالبعثة باسرع وقت ممكن

    واتوقع من شهرين الى اربعة اشهر وتنضم للبرنامج وراح تستلم مكافاة مبتعث ١٨٧٤دولار

    وبهذا الوقت بامكانكم ادخال اخوها،ابوها ، عمها، او اي من اقاربها كمرافق <<حتى لو يجي يومين ويرجع للسعودية

    فكذا تكون اضمن انت ١٨٧٤+ زوجتك ١٨٧٤ + ٩٠٠مرافقها >>اذا اردت

    ومن ناحية الحلال والحرام انا لم اقم بهذه المشاركة الا وانا على المام و دراية بذلك

    وفقك الله وسهل دربك
    طيب وش الشروط اللازمة حتى اقدر احولها للبعثه خلال هذه الفترة وايضا لازم تروح على قبول من احدى الجامعات
    7 "
  6. اخوي ساقي الورد بعد احترامي وتقديري للي ردوا يقول المثل عصفور في اليد ولا عشرة على الشجرة

    خذ زوجتك كمرافقة وخلها تدرس على حساب الدولة وتستلم مكافأة تساعدكم على تحمل ظروف المعيشة هناك وترا فرصة المرافقة لإنضمام تعادل فرصة الطالب على حسابه الخاص والكل ينفتح له ملف
    وش حادك انك تدرس زوجتك على حسابك اقل معهد بتدرس عنده زوجتك لو درستها على حسابك بياخذ منك بالميت حوالي 1300 دولار شهريا هذا غير مصاريفكم يعني بالعربي كأنك جاي امريكا عشان تدرس زوجتك على حسابك وكله على أمل تنضم صح ممكن تنضم بعد شهر بس برضه يمكن تضم بعد 6 اشهر ويمكن تنضم بعد سنة هذي علمها عند الله ... حرام تضيع فرصة بيدك وتغامر عشان تتذاكى على النظام مع العلم مثل ماقلت الفرصة متساوية في القبول

    يظل هذا رأيي وانت ابخص
    7 "
  7. المشاركة الأصلية كتبت بواسطة كلام كليم
    اخوي ساقي الورد بعد احترامي وتقديري للي ردوا يقول المثل عصفور في اليد ولا عشرة على الشجرة

    خذ زوجتك كمرافقة وخلها تدرس على حساب الدولة وتستلم مكافأة تساعدكم على تحمل ظروف المعيشة هناك وترا فرصة المرافقة لإنضمام تعادل فرصة الطالب على حسابه الخاص والكل ينفتح له ملف
    وش حادك انك تدرس زوجتك على حسابك اقل معهد بتدرس عنده زوجتك لو درستها على حسابك بياخذ منك بالميت حوالي 1300 دولار شهريا هذا غير مصاريفكم يعني بالعربي كأنك جاي امريكا عشان تدرس زوجتك على حسابك وكله على أمل تنضم صح ممكن تنضم بعد شهر بس برضه يمكن تضم بعد 6 اشهر ويمكن تنضم بعد سنة هذي علمها عند الله ... حرام تضيع فرصة بيدك وتغامر عشان تتذاكى على النظام مع العلم مثل ماقلت الفرصة متساوية في القبول

    يظل هذا رأيي وانت ابخص
    كلامك منطقي جدا
    وهذا اللي افكر فيه شي مضمون ولا شي مدري عنه
    لكن ابي اصحاب الخبره واللي مروو بنفس التجربه يفيدونا اكثر
    7 "
  8. مجرد ماتجيب لها قبول غير مشروط يعني نهائي من جامعه معترف فيها يحق لها تنضم للبعثه

    فحاول تجيب لها قبول بدري خلال فترة دراستها

    زوجي قاعد يدرس على حساب الدوله وبعد فتره راح يحاول يختبر احد اختبارات القدرات ويقدم ع الجامعات

    وهذا حسب كلام المشرف

    دعواتك
    7 "
  9. المشاركة الأصلية كتبت بواسطة معلوماتيه
    مجرد ماتجيب لها قبول غير مشروط يعني نهائي من جامعه معترف فيها يحق لها تنضم للبعثه

    فحاول تجيب لها قبول بدري خلال فترة دراستها

    زوجي قاعد يدرس على حساب الدوله وبعد فتره راح يحاول يختبر احد اختبارات القدرات ويقدم ع الجامعات

    وهذا حسب كلام المشرف

    دعواتك

    تقولي قبول غير مشروط ، يعني لابد تكون حاصله على درجة التوفل .
    طيب هي بتدرس في المعهد كيف تقدر تجيب التوفل الا بعد الانتهاء من مرحلة اللغة وانا ابيها تلتحق بالبعثة خلال اللغه .
    اللي اقصده اذا جبت قبول مشروط هل تقدر تلتحق بالبعثه وهي تدرس بالمعهد .
    والله يوفقك وينور دربك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.