LinkBack URL
About LinkBacks
المطلوب منك انك اول ماتوصل لندن تروح عند الكونتر حق التذاكر يقص لك التذكره التاليه وامورك كلها تمام بس اهم شيء تسويها اول ماتوصل بنسبه للعفش تلقائي ينقلونه
7 " 
استفسار وش المطلوب مني اذا كانت الرحلة ترانزيت ؟؟
استفسار وش المطلوب مني اذا كانت الرحلة ترانزيت ؟؟
تنبيه: هذا الموضوع قديم. تم طرحه قبل 4678 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- وعليكم السلام7 "
تاخذ عفشك والتختيمات بتكون بواشنطن قبل ماتدخل المطار لاتشيل هم
بس اهم شي اذا جيت بتطلع من امريكا مر مكتب الامقريشن يختمون لك خروج
موفق -
7 " - يعطيكم العافيه ...7 "
إذا أحد عنده تعليقاا ثانيه ياليت يطرحها ..
يعني أنزل من الطيارة في لندن واروح اقص تذكره لرحلتي لواشنطن واجلس انتظر ... بدون ماأروح آخذ عفشي ... - والله يخوي انا كانت رحلتي من الرياض الى واشنطن الى سينسيناتي وقعد بواشنطن يوم يمكن علشان كذا اخذت عفشي والبرجعة من سينسيناتي الى المانيا بس للاسف ماكان معي عفش بس انت اسئل بالمطار كلها كلمتين احفظها ومورك بتمشي وانشاءالله الاعضاء يفيدونك اي سؤال تحت امرك7 "
- اول ماتنزل اسئلهم وورهم التكت احتياط7 "
- انا رحلتي ترانزيت من الرياض - الدوحة7 "
الدوحة - واشنطن
اذا انت ترانزيت كل الرحلات بالباردنق باس اللي تاخذه من مطار الملك خالد
وعفشك ماتشوفه الا بواشنطن يعني لاتاكل هم
واول محطة وصول لك مطار لندن بتحصل شاشات شوفلك اقرب شاشة وبتحصل رقم رحلتك والبوابة ومتى بتقلع على توقيتهم انتبه تغلط وتشوف الساعة عندك تختلف...
بعدين اتجه للبوابة تحصل البوردنق الخاص فيك جاهز
هذي مطارات واشنطن رحلتك لاي واحد منهم.. اذا الاول اقدر افيدك باللي تبي لكن الثاني مالي علم فيه
واشنطن (IAD), الولايات المتحدة الأمريكية - مطار واشنطن دالاس الدوليواشنطن(WAS), الولايات المتحدة الأمريكية - واشنطن
بشرحلك الحين ^_^ مدرس
الاول هو بفرجينيا - اول ماتوصل مافيه شي اسمه تفتيش من بعد وفاة اسامة بن لادن خلاص تدخل بالطابور مع الكل
بعد ماتخلص تاخذ شنطك وافراج مع البوابة بتحصل مصري وانت طالع بجنبه لوحة الملحقية...
طبعاً لاسمح الله ماحصلت المصري كاشخ قدامك عادي لاتخاف وخذ الامور سهالة بس اكيد 100% بتحصله لان انا جيت على القطرية ولقيته..
اللي تسويه اذا ماحصلته..
تطلع برى لاتاخذ تاكسي ابد ابد ابد !!!
تنتظر بيجيك شتل باللغة السعودية باص المهم شكله حلو وصغير.. لكن اقراء هو يتبع لاي فندق
فنادق الملحقية :
دبل ثري
كمفورت ان
هوليدي ان
الشيراتون
طبعاً اخر اثنين جديدة باسوق الملحقية
الشيراتون +هوليدي ان لهم باصات خاصة
كمفورت ان دبل ثري ماشفت لهم شيء ونا رحت لهوليدي ان وخلفه بالتمام كمفورت ان يعني لو يوصلك الشتل للهوليدي ان روح على رجولك او بتكسي اذا معاك عفش مثلي
خلف الفندق تماما تحصل كمفورت ان ... استوعبت معاي بس ^_^
نصيحة نصيحة نصيحة .... ببلاش المرة هذي
احجز رحلتك الداخلية اللي من واشنطن من السعودية هنا سعرها غالي لان عمو TAX بيلعب فيك
وثاني شيء لك ميزة تعتبر رحلتك ترانزيت :
يعني توصل واشنطن بعدها بيومين تسافر
يعني تحجز بالفندق ليلتين والثالثة تسافر احسب حسابك كذا ..
دام معاك حجز لجميع الرحلات من السعودية تعتبر ترانزيت ولا ياخذون على الوزن الزايد شيء...
عندك خطوط دلتا نفس باص ابو ريالين عندنا ابد ..
عندك امريكا اكسبرس حلوة لكن غالية ..
عندك اليونايتد لكن ماجربته
وفيه خطوط كثيرة
لكن انا طلعت باابوريالين وش اسوي مافيه رحلات لولايتي الا هو ..
المهم وفيه طريقة ثاني انك تحجز بنفسك عن طريق الموقع وتسدد بفيزا
http://www.mbt3th.us/vb/forum8/thread284504.html
ماقصر اخونا اياد وين مارحت احصله .. @_@
بعدين وانت جاي لاتنسى اوراقك عشان ماتتمرمط وتشوف ان المبتعثين ياكلونها اذا ماكانو جاهزين بالاوراق المطلوبة...
حتى الابلكيشن عبه واطبعه وجيب نسختين ونسخة فاضية تعرف بالسعودية ببلاش وطابعة بالبيت اطبع ماتشتهي به نفسك..
لان يوم يستقبلوك يعطونك ابلكيشن وتعبيه بيدك ويوم تروح ولايتك ترسلك المشرفة اهلابك عزيزي الدارس على حسابه هل تفضلت وعبيت الابلكيشن الحين بتروح تدور طابعة وتدور سكان وتحوس
فيه حل لاتورطت تروح فيدكس وتطبع وكل شيء ويعطيك نسخة على سيدي هدية لكن بتدفع 30 دولار ليه تقريبا 90 ريال
بالسعودية 5 ريال او بالبيت وتكون جاهزززز مثلي لاني عطيتهم ابلكيشن مطبوع وخويي مكتوب بخط اليد ارسلت له المشرفة اعد التعبئة طباعة
ونا ارسلت لي ملفك مكتمل ...يعني هنا الفرق...
اتمنى لك التوفيق وبس توصل مطار دالاس عطنا خبر ...سدحت لك قصتي لان اي شخص اقولها له ولا ابيه يتورط خاصتاً البنات الله يعينهم
واي شيء بدك اياهـ مالك الا الله ثم اناكان بتوصل دالاس ..IAD
واحذر من شيئين اذا محد يستقبلك.. الاول المصريين اصحاب التكاسي واللي يجون ويعرضون شرايح الجوال... اسلم تحذر
اذا عندك لغة اوكيه ماعندك برسلك رقمي واللي يرضيك يوصلك .. Welcome to America - ماقصروا الاخوان افادوك والله يوصلك بالسلامة ..7 "
بس حبيت انبهك لشغلة البوردينق انك تقدر تقصة كله حق لندن وحق واشنطن من السعودية
يعني تاخذ معك 2 بوردينق وانت طالع من الرياض واحد لرحلة لندن والثاني لرحلة واشنطن
والعفش قوله ابي استلمة باخر وجهه عشان تتأكد وتتطمن
واذا وصلت لنددن بس عليك انك تشيك على رقم رحلتك ولاتنسى تضبط ساعتك على توقيتهم لانه يختلف وبعدها دور البوابة وانتظر رحلتك ..
بالسلامة .. - هو اصلن ماراح يستلم ولا يشوف شنط الين يوصل واشنطن7 "
July 5th, 2011, 02:43 AM
السلام عليكم ..سؤال بخصوص الترانزيت ..
خط الرحلة :
الرياض - لندن
لندن - واشنطن
أنا أول مره أسافر ترانزيت وأول مره أسافر لدوله غير عربية يعني مدري وش المطلوب ووش اسوي في الترانزيت ..
اذا نزلت في لندن وين أروح آخذ عفشي ولا هم ينقلوه لطيارة الثانيه ؟؟ لأن الترانزيت ساعتين فقط ..
وبعدين فيه شي أروح له يحتاج تختيم ؟؟
أبيكم توضحون الله لايهينكم كل شي أسويه . . اذا كانت الرحلة ترانزيت لمدة ساعتين خويكم عليمي لاتلوموني :/