دردشه عن التخصص (رايك يهمنا )
السلام عليكم
مسائكم \ صباحكم ورد وجوري
كيف الدراسه معكم إن شاء الله تمام التمام
موضوعي اليوم راح يكون عن التخصصات
ومثل ما أنتم عارفين التخصص اللي ندرسه بالجامعه الآن هو تقريبا راح يحدد مستقبل حياتنا القادمه بشكل كامل
فــ ودي ندردش شوي عن التخصصات
دايما لما يدور بيني وبين المبتعثين حوار عن التخصص
أكثر شي نركز عليه ( الوظيفه )
وتلقى الاغلبيه مختاره التخصص الفلاني عشان مستقبله الوظيفي ؟
أنت أو أنتي تشوفون هالشي صح ولا غلط ؟
عندي مجموعة محاور راح اطرحها على شكل أسئله وأتمنى من الجميع المشاركه :
وش تخصصك ؟
ليش أخترته ؟
هل كان حلم الطفوله او تغير توجهك مع الوقت ؟
عندك خلفية عن وظيفتك المستقبليه بناءا على هالتخصص ؟
هل حصل أنك درست تخصص وماعجبك وغيرته ؟ ليش ؟
تخصصك الحالي هل أنت مقتنع فيه إقتناع تام ؟ ليش ؟
هل فكرت بالمردود المادي لما أخترت هالتخصص ؟
من وجهة نظرك ماهي أفضل ثلاث تخصصات ؟
تخصص ودك تدرسه لكن ظروف معينه منعتك منه ؟
أختار :
تخصص تحبه وترغبه لكن ماله مستقبل ؟
تخصص ما ترغبه لكن مستقبله مضمون ؟
وإذا عندكم اي نقاط أخرى بكون أكثر من سعيد لرؤيتها
باب الأستفسارات عن التخصص مطروح أيضا
باقي المساحة لكم
رد: دردشه عن التخصص (رايك يهمنا )
رد: دردشه عن التخصص (رايك يهمنا )
موضوع رائع ...
وش تخصصك ؟
تخصصي ان شاء الله تسويق
ليش أخترته ؟
الوزارة هم اللي اختاروه لي لأني كنت بكالوريوس علم اجتماع
هل كان حلم الطفوله او تغير توجهك مع الوقت ؟
لا ولكنه مطلوب في سوق العمل
عندك خلفية عن وظيفتك المستقبليه بناءا على هالتخصص ؟
بصراحه عندي خلفيه جدا بسيطه وأتمنى أن أعرف عنه أكثر لأني أحسه ممتع
هل حصل أنك درست تخصص وماعجبك وغيرته ؟ ليش ؟
تخصصك الحالي هل أنت مقتنع فيه إقتناع تام ؟ ليش ؟
مقفتنعه فيه لكن مو اقتناع تام لأني أجد نفسي في تخصص آخر ( تغذيه) وان شاء الله راح أحول عليه اذا وافقت الملحقيه
هل فكرت بالمردود المادي لما أخترت هالتخصص ؟
لا مبدأي كبنت ( أني أدرس شي يفيدني في حياتي أول هدف قبل المردود المادي ) ...وجهة نظر
من وجهة نظرك ماهي أفضل ثلاث تخصصات ؟
اذا كان أفضل التخصصات من ناحية انها مطلوبه في سوق العمل:
1/ أغلب تخصصات البزنس - موارد بشريه
2/ علوم الكمبيوتر
3/ الهندسه
رد: دردشه عن التخصص (رايك يهمنا )
رد: دردشه عن التخصص (رايك يهمنا )
اول شي يعطيك العافيه عالموضوع ..
وش تخصصك ؟
باقي ما رحت :( بس لو رحت مفكره ادرس اداره بشريه ..
ليش أخترته ؟
حلمي اتوظف في وظيفه اداريه
هل كان حلم الطفوله او تغير توجهك مع الوقت ؟
بصراحه لا .. تغير او تبخر مع الوقت
عندك خلفية عن وظيفتك المستقبليه بناءا على هالتخصص ؟
اممم يعني .. مو ذاك الزود ..
هل حصل أنك درست تخصص وماعجبك وغيرته ؟ ليش ؟
درست سنتين في كلية الاداب بس الدراسه فيها اصلا ما عجبتني .. ، كل شي فيها جوها مو جو دراسه بقوه ينطبق عليها : « حظك نصيبك » ..
تخصصك الحالي هل أنت مقتنع فيه إقتناع تام ؟ ليش ؟
مقتنعه بقوه اني لو الله سهل اموري انشاء الله ادرس هالمجال لانه من المجالات القويه و اللي احس اني راح احقق شيء من ذاتي لو درسته ..
هل فكرت بالمردود المادي لما أخترت هالتخصص ؟
حاليا لا .. الحمدلله انا متزوجه و زوجي مو مقصر علي بشي و هو بيدرسني علي حسابه لاني راغبه بهالشي ،، و مستقبلا افكر بالوظيفه اولا و بعدين الماده ..
من وجهة نظرك ماهي أفضل ثلاث تخصصات ؟
طب | هندسه | اداره
تخصص ودك تدرسه لكن ظروف معينه منعتك منه ؟
صحافه و اعلام :( ..
أختار :
تخصص تحبه وترغبه لكن ماله مستقبل ؟
دراستي الجميله اللي ماكملتها في كلية الاداب :) لغه انجليزيه .. لو بستفيد منها كان استفادت منها خالتي قبل ٥ سنوات
مره ثانيه اشكر صاحب الموضوع و يعطيك العافيه
بالتوفيق للجميع ..
رد: دردشه عن التخصص (رايك يهمنا )
رد: دردشه عن التخصص (رايك يهمنا )
حسستني انك مذيع
موضوعي اليوم راح يكون عن التخصصات
ومحاور وحركات
والله كان ودي ادرس علوم سياسية ... بس الزمن خاني
والمردود المادي جدا لاختيار التخصص
