رد: إلـى بـعـض الـبـنـات ,, آخـر زمـن .. شـين وقوي عين !!
اقتباس:
المشاركة الأصلية كتبت بواسطة JORY KSA
أحسن النيه أخوي جزاك الله خير ..هذا يعتبر من القذف سواء" مباشر أوغير مباشر بس هذا اللي ظهر لي .. وأكيد كل المبتعثات بنت نااس وعيله وأكيد عندهم حدود ومبادئ بنات العوايل حدود أبدا"ما يتجاوزها مهما أختلفت البيئات.
يعطيك العافية أختي على حسن ظنك ..
لكن للأسف , ظنك وظني خابوا .. " إنه فيه حدود ما يتجاوزوها مهما اختلف البيئات "
أختي وش رأيك إذا قلت لك إنه شوف عيني أكثر من واحدة راكبين لحالهم مع بعض الشباب !!
و أكثر من مرة ..
ما أقول لك : يقولون .. أقول لك شوف عيني .
لكن .. أتمنى من كل قلبي إنه فيه حدود معينة تحاسب عليها الملحقية , واللي يتجاوزها يتعرض لإلغاء البعثة .
ومع احترامي للرأي الآخر ..
لكن : لا يجي أحد يقول لي وش دخلنا فيهم ؟
اللي دخلنا الله يسلمه أكثر من حاجة أساسية ..
إحنا : 1- مسلمين .
2- عرب .
3- سعوديين .
وكل كلمة تجمعنا مع هالأشكال , إذا شوهوها .. فهم ما رايح يشوهون صورتهم الخاصة ؛ لأن الأمريكان ما يعرفون فلانة بنت فلان آل فلان ..
هم فقط يعرفون إنه هذولا المسلمين اللي مسوين فيها مبادئ ؟!!
وهذا رايح يشوه صورتي , وصورتك , و صورة كل مسلم أو عربي أو سعودي ..
وأنا أتمنى إنه لنا يد نوقف هالأشكال عند حدها ؛ لأنه ما أرضى أحد يشوه صورة ديني أو وطني .
لا .. و مصيبة المصائب , لما تشوف أخوها معها !!
أقسم بالله تستحي تقول " ثور " .
لأن الثور يغار ..
ألقاكم على خير ,,
رد: إلـى بـعـض الـبـنـات ,, آخـر زمـن .. شـين وقوي عين !!
عندي فقط رد بسيط الحجاب فخر الفتاه المسلمه ورمز ثقافه الاسلام ولمن يسالني الغرب عنه اقول بكل فخر هذا الحجاب يخليني فخوره بديني..
رد: إلـى بـعـض الـبـنـات ,, آخـر زمـن .. شـين وقوي عين !!
بشكل عام المجتمع السعودي يحتقر من ليس له مبادئ او كالمغفل يفعل مايفعل الامريكان ..
بنفس الوقت المجتمع السعودي ييعتز ويفخر بالبنت المحافظه على دينها ومبادئها حتى لو فوق سطح القمر ..
الحياة مبادء وليست مظاهر يا بنت الـ ( Open mind ) !
الكلام ينطبق على الجنسين
رد: إلـى بـعـض الـبـنـات ,, آخـر زمـن .. شـين وقوي عين !!
اقتباس:
المشاركة الأصلية كتبت بواسطة بعثورهـ
يابابا ؟؟
احنا وين عايشين .. مستحيل اصدق ان في بنت سعوديه
تطلع من سياره تركب سياره .. سلامات
ليش بنت ... !!
بنت تركت اهلها رايحه تدرس .. اد تبي الخراب .. جلست بسعوديه
لان ماشالله الخراب تارس السعوديه ترس
والله كلامك مو منطق ابد
وياما بنات تحجبو ولبسو نقاب .. وجواتهم مافي اي قيم لدين
وبنات نزعو الحجاب .. وتكون اقرب منك لربها
انت انت منو عشان تتهم بنات الناس .. ببشع التهم
انا ما.. ابرر لهم لكن
التمس لاخيك المسلم سبعين ... عدر
انت عارف .. هي ليش قلت لها يا ارهابيه ؟؟
موضوع يرفع الضغط ..
بدل ماتتهم بنات الناس .. بدون اي برهان
افتح كتابك وقراء كم كلمه تفيدك
قذف المحصنات من السبع الموبقات
كلمه تنزل ابن ادم لسفل جهنم .. اللهم اجرنا
أولا : شكرا يا ماما على الرد ,,
ثانيا : بالنسبة إنك " ما تصدقين إنه فيه بنت سعودية تركب مع شباب .."
فهذا شيء راجع لك .. وأرجع وأقول مرة ثانية :
أنا شفت هالموقف بنفسي , وبعيني اللي رايح تتكلم عني يوم القيامة .
و أنا ما أحتاج أحلف لك ؛ لأن مع احترامي .. ما يهمني تصدقين أو لا .
لأنه : 1- ما لي أي مصلحة من إني أختلق قصة من عندي .
2- لأني مسؤول عن كلامي , ومستعد لو يجي وفد من المحلقية , و أوقفهم على شيء من اللي قاعد أشوفه .
ثالثا : بالنسبة لكلامك : " وياما بنات تحجبو ولبسو نقاب .. وجواتهم مافي اي قيم لدين
وبنات نزعو الحجاب .. وتكون اقرب منك لربها ".
- شيء أكيد , وما فيه شك >> لكن مو هذا موضوعنا .
>> لكن للفائدة : اللي قريبة لربها , قربها يخليها تتبع أوامره و تتجنب نواهية .
مو زي بعض الهنود اللي عندنا بالسعودية .. تقول له : " ليش ما تصلي ؟ " يقول : " إيمان داخل قلب !! "
- : " انت انت منو عشان تتهم بنات الناس .. ببشع التهم :
أنا مسلم عاقل بالغ .. غيور على دينه و وطنه اللي قاعد تشوههم حثالة مجتمعنا .
أما الاتهام .. فهو ما رأت عيني .
واللي تبغى تكابر , شيء راجع لها .. لكن كوني بصفي لو 5 دقايق , واعتبري الموضوع هذا واقع ..
وش ردة فعلك ؟
رابعا : " التمس لاخيك المسلم سبعين ... عدر "
(( عـدر ؟؟ )) الحين عرفت ليش تدافعين .
خامسا : " انت عارف .. هي ليش قلت لها يا ارهابيه ؟؟ "
إي نعم .. أعرف الموضوع كاملا , ومن أقرب الأشخاص إلى من اتهمت بالإرهاب !!
- : " انا ما.. ابرر لهم لكن "
كل هذا .. وما بررتي ؟؟!!!
كيف أجل لو هي أنتي اللي قاعد أتكلم عنها ؟!!!!!! وش بتسوين أجل ؟!
سادسا : " موضوع يرفع الضغط .. "
(قَدْ عَلِمَ كُلُّ أُنَاسٍ مَشْرَبَهُمْ) , ( قل هل يستوي الذين يعلمون والذين لا يعلمون ) ..
وكما قيل : فالطيور على أشباهها تقع .
سابعا : " قذف المحصنات من السبع الموبقات
كلمه تنزل ابن ادم لسفل جهنم .. اللهم اجرنا "
الله يجزاك خير .. أنا استشهدت بما رأت عيني , ولم أقذف بهتانًا و زورًا .. ولم أذكر أسماء أشخاص .
لكن طرحت الموضوع للتشاور مع (( الغيورين والغيورات )) على الدين والوطن .
الله يأجرنا وإياك أختي ..
والله من وراء القصد ,,
رد: إلـى بـعـض الـبـنـات ,, آخـر زمـن .. شـين وقوي عين !!
^^^^
صح لسـانك يا قيــمي والله كـلامك وأخلاقك عـسل ، الله يوفقــنا واياك لكل خــير
واعدرنـا على التقــصير
هههههههه
رد: إلـى بـعـض الـبـنـات ,, آخـر زمـن .. شـين وقوي عين !!
اقتباس:
المشاركة الأصلية كتبت بواسطة نثر عطره ورحل
^^^^
صح لسـانك يا قيــمي والله كـلامك وأخلاقك عـسل ، الله يوفقــنا واياك لكل خــير
واعدرنـا على التقــصير
هههههههه
ههههههههه .. تسلم يا الغالي ,,
معدور , معدور .. !!
تحياتي ,
رد: إلـى بـعـض الـبـنـات ,, آخـر زمـن .. شـين وقوي عين !!
اقتباس:
رابعا : " التمس لاخيك المسلم سبعين ... عدر "
(( عـدر ؟؟ )) الحين عرفت ليش تدافعين .
الحين .. عقلك الصغير
ماقدر يستخرج فائده من الحديث .. غير هذا الامر
بصراحه بذلت مجهود اهنيك ...
اول شيء .. كان ردي عليك بجهاز الايفون .. وحرف الذال معلق عندي
ربنا بعالي سماه اراد ذالك .. ليظهر للجميع من أي اشباه الرجال انت
وثاني امر .. ايها الرجل الغيور المسلم
يبدون انك تفتقد الى اساس الاسلام واسمى مميزاته
انهو لا فرق بين اعجمي وعربي الا بتقوى
فقد يكون العجمي لا ينطق الاحرف كما تنطقها .. الا ان ابواب السموات جميعها تفتح لها
بصراحه انت انسان غيور ع الدين .. جامد
انت لو كان فيك خير ..
من سكات قلت نصيحه للبنت .ز وكسبت اللاجر وبرأة الذمه
مو تجي تشهر ببنات الناس
ومن جهتي ..
باقي ع سفري
انا بنت قبايل وحمايل .. ومحتاج واحد زيك يشهد لي
وكلامك علي .. من الطيور ع اشكالها .... الخ
هذا / موكل ربي ياخذ حقي منك
حسبي الله ونعم الوكيل
رد: إلـى بـعـض الـبـنـات ,, آخـر زمـن .. شـين وقوي عين !!
مرحبا مرة ثانية .. أخت بعثورهـ
أشكرك على اهتمامك بالموضوع , وهذا إن دلّ على شيء .. فإنما يدل على أنه وجدى صدى لدى العقول الكبيرة ..
وهذا فخر للعقول الصغيرة أن تجد القبول لدى العقول الكبيرة من أمثالك ..
بالنسبة لـكلامك : " عقلك الصغير ما قدر يستخرج فائدة غير هالأمر"
في البداية أحمد ربي على أن أعطاني العقل .. حتى لو كان صغير , على الأقل أحسن ممن لا عقل له !
أيضًا .. أنتي عقلك كبير , ليش ركزتي على هذي بس ؟!
- " أول شيء .. كان ردي عليك بجهاز الآيفون .. وحرف الذال كان معلق "
- شكرا على توضيح اللبس .
- " ربنا بعالي سماه أراد ذلك "
- أستغفر الله العظيم .. تعلمين الغيب ؟ تتعلين على الله ؟!!
وتعرفين الحكمة من ذلك أيضًا ؟!!
يا سماء لا تطيحين علينا ..
سامحها يا ربّ .
- " يبدو أنك تفتقد إلى أساس الإسلام واسمى مميزاته "
- سبحان الله ! أشققتِ عن قلبي ؟!!
وووووووين اللي يرمون المحصنات ؟!!
وأنتي هنا قاعدة ترمين الناس هنا ؟!!
الفرق بيني وبينك .. أنني أتحدث عما أرى , وأنتي تتحدثي عن الغيبيات !!
ليتبين للجميع من يقذف , ومن يتحدث عن واقع .
- " أنا بنت قبايل وحمايل .. ومحتاجة واحد زيك يشهد لي "
<< شباب .. أحد تكلم بهالموضوع ؟!! على العموم ,, والنعم بالجميع .
- " وكلامك علي .. الطيور على أشباهها تقع "
- أنا قلت : أنتي مثلهم ؟!!
أنا استشهدت ببعض الآيات وبمثال .. ولا قلت أنتي أو غيرك .
بس حتى الأعمى , يشوف كيف كنتي جاية على وجهك , وتدافعين عن هالفئة , وكأني متكلم عنك , لا .. وبالاسم بعد !
- " موكلة ربي يأخذ حقي منك .. حسبي الله ونعم الوكيل "
- وأنا أقول : الله يسامحك دنيا وآخرة , ويهدينا للصواب أجمعين .
تحياتي للغيورين الجامدين مثلي (:
رد: إلـى بـعـض الـبـنـات ,, آخـر زمـن .. شـين وقوي عين !!
شاكره ترحيبك ..
متعوده .. ابسط وعيد واوضح لطالباتي بفصل حتى يفهمن الدرس
فعودتي واجبه ..
لازم من العقول الكبيره .. التقلص لدقائق لتتعامل مع الاقل
اما اعراض الناس " فهذي تحتاج لعقول انضج وتملك الكثير من الحكمه "
لكبر عقلك .. ناقشتك فيها
لا تكفى .. من رديت علي وانا افكر كيف اغير الفكره الي اخذتها عني .. الحمدالله بس
لا تفسر الكلام ع كيفك .. ولا تدخل بمواضيع تفوق عقلك
لو لم يرد .. ربي ان تكشف حقيقتك .. لما تعطل الجهاز .. هذا ظني بربي فأرادة ربي ومشيئته .. دائما تكون بالخير
لا تجلب الشر ابدا / وايضا المضحك اول مره ارد بجهازي بالعاده استخدمه لتصفح فقط
لولا اردة الله لما خلقت لولا ارادة الله لمااتيت ..
اقتباس:
الحين عرفت ليش تدافعين .
هذا مو كلامك .. ترتب عليه كلامي . مع ثلاث اسطر يبدو ان القراءه صعبت عليك
اقتباس:
يبدون انك تفتقد الى اساس الاسلام واسمى مميزاته
انهو لا فرق بين اعجمي وعربي الا بتقوى
فقد يكون العجمي لا ينطق الاحرف كما تنطقها .. الا ان ابواب السموات جميعها تفتح لها
بصراحه انت انسان غيور ع الدين .. جامد
المصدر: http://www.mbt3th.us/vb/forum8/threa...#ixzz1RHfldUui
حفاظاً على حقوق الكاتب نرجو عدم حذف المصدر مبتعث
ان صعب عليك الفهم استعن بهندي تقي لربه يمكن يفيدك
^^^^ الكلام مترتب ع نفس الجمله ..
اقتباس:
- " وكلامك علي .. الطيور على أشباهها تقع "
- أنا قلت : أنتي مثلهم ؟!!
أنا استشهدت ببعض الآيات وبمثال .. ولا قلت أنتي أو غيرك .
بس حتى الأعمى , يشوف كيف كنتي جاية على وجهك , وتدافعين عن هالفئة , وكأني متكلم عنك , لا .. وبالاسم بعد !
المصدر: http://www.mbt3th.us/vb/forum8/threa...#ixzz1RHgnkzyK
حفاظاً على حقوق الكاتب نرجو عدم حذف المصدر مبتعث
هههههههههههه .. بصراحه اول مره اشوف رجل بالغ عاقل << مع التحفظ
يناقض نفسه ... بعد جمله واحد
الان تقول انك لا تتهمني وبعد جمله تقول الاعمى يعرف ؟؟؟ !!!
لماذا العجب ؟؟
انت اتيت كرجل عاقل غيور .. تكتب وتشهر بفتيات غافلات خلف ستار النصيحه
انا فتاة عاقل غيوره ع بلدي وسمعتها اتيت ادافع عنهن
لماذا العجب
هن مسلمات سترهم الله لماذا تاتي وتكشف ذالك الستر ؟؟
قلن ماقلنه بساعة غضب ؟؟ فعلن مافعلنه .. بلحظة طيش
بدل نصحهن اتيت .. لتشهر بهن
انا هنا يتوقف حبري فهو ثمين لن اهدره لأجلك
فلتنعم بالموضوع .. وتذكر ان الله يمهل ولا يهمل
اليوم انت تكتب .. بكره رجل اخر يكتب .. ولاهم بطل الموضوع
رد: إلـى بـعـض الـبـنـات ,, آخـر زمـن .. شـين وقوي عين !!
لست هنا لأدافع عن حواء
فكل شخص مسؤول عن نفسه
وعن سمعته
وله رب يحاسبه
.
.
انا هنــــا
لكي اوجه كلامي الى الشخص
البالغ جدددددا ً !!!!
[خربز ب حليب]
أأحسست برجولتك بعدما صفعت المرأة
مسبقا
[مبرووووك ] !!!
عليك روجلتك
.
.
.
