إلـى بـعـض الـبـنـات ,, آخـر زمـن .. شـين وقوي عين !!

موضوع رائع بكل ما فيه,,
والعينات اللي ذكرت إن شاء الله إنها ما هي فيه,
مع ان فيه بعض البنات في المعهد قالبينها قنقنه وضحك وفله واستهبال,,
وخاصة بنات الغربيه,,
تحياتي

سبحان الله !
أصبح النهي عن المنكر بس للي راكب جمس الهيئة ؟
يا ناس اصحوا على أنفسكم .. حنا مسلمين , نسينا قول ربنا عزوجل :
( والمؤمنون والمؤمنات بعضهم أولياء بعض يأمرون بالمعروف وينهون عن المنكر ويقيمون الصلاة ويؤتون الزكاة ويطيعون الله ورسوله أولئك سيرحمهم الله إن الله عزيز حكيم ( 71 ) )

QUOTE=ideal;2870004] الحجاب مو قصه اني احجب شعري فقط الحجاب اني احجب جوارحي عن كل مالايرضي الله[/QUOTE]
وأنتي صادقة أختي .. أكيد إن الحجاب مو قصة إنك تحجبين شعرك بس .. أيضا تحجبين جوارحك عن كل ما لا يرضي الله .
>>> ومن حجبت جوراحها عن كل ما لا يرضي الله .. فبالتأكيد ستحجب شعرها أيضًا .
أشكرك على مرورك ,

إن الأمة الإسلامية إنما نالت الخيريةكونها تأمر بالمعروف وتنهى عن المنكر مع إيمانها بالله عز وجل، قال تعالى:﴿كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ﴾
وعلق سبحانه الفلاح للمؤمنين إذا كانوا قائمين بهذه المهمة العظيمة فقال: ﴿وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَئِكَ هُمُ الْمُفْلِحُونَ﴾
وهذا يدل على أنه لا تفلح الأمة ولا تنجح إذا ضيعت هذا الواجب ، وبين سبحانه أنه من صفات المؤمنين والمؤمنات الرئيسية « الأمر بالمعروف والنهي عن المنكر فقال: ﴿وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللّهَ وَرَسُولَهُ أُوْلَئِكَ سَيَرْحَمُهُمُ اللّهُ إِنَّ اللّهَ عَزِيزٌ حَكِيمٌ﴾
ويفهم من هذا أن الإيمان الواجب لا يحصل إلا لمن هذه صفته، ويفهم منه أيضاً أن الرحمة لا تحصل إلا لمن قام بهذه الأمور جميعاً، وتدل الآية الكريمة على أن واجب الحسبة والدعوة ليس خاصاً بل هو عام للرجال والنساء كل حسب قدرته وعلمه.

خســــــــــــــارة موضوع قيم و مهم يطرح للتشاور والاستفادة ثم سريعا ما تنقلب الموازين ويبدأ التشابك بين الأعضاء وينسى الموضوع الأساسي

للأسف هذا ما الأحظه في بعض المواضيع

بالنسبة لتعليقي على الموضوع ارى انه ليس تدخل بالخصوصيات ومن هذا الكلام بالعكس موضوع يخص ديننا و عقيدتنا و موضوع الحجاب اصبح موضوع متشعب نحن الفتيات نحتاجه بشدة لنتدارك وضعنا هناك بالخارج وكيف نواجه من يقابلنا بالنكران ونعزز اهميته في نفوسنا ونبصر اراء من حولنا بذالك

مشكوووور أخوي على الطرح و غيرتك الواضحه للدين و الأمة لا حرمك ربي الأجر

جزاك الله خير اخوي على غيرتك وكل غيور على دينه وشرفه وقيمه وبنات وطنه
يارب ترأف بحالنا والله حال بعض المبتعثات يرثى له عسى الله يصلحهن ويهديهن
فعلا انا ارى ماترى من التهاون والاستهتار ... وفعلا خاصة موضوع الحجاب البنطلون يكاد يتمزق من ضيقه والبلوزه شاطحة يادوب تغطي اسفل الظهر والاكمام حاير والعطر يفوح من اخر الممر والحجاب يغطي طرف الشعر والخصل المصبوغة ياسلام سلم تظهر من مقدمة الرأس.. وفعلا يتمهزئون باللي متسترة ومحتشمة بالله اي مبدأ اي ثقافة اي عقيدة تعتز فيها هذي النوعيات .. مايمثلون المسلمين كما ينبغي ان يمثلوه بالاحتشام والرفعة والحياء ولا يمثلون الوطن بالصورة الصحيحية لان هذا المظهر لايمثل ثقافتنا ابدا.. بالله حجاب يرسم مفاتن الجسم وشفاف ولونه فاتح وش يبي من حجاب؟؟؟؟!!!!! قطعة شيفون تغطي طرف الشعر. صار اسمه حجاب ... والمصيبة اذا جت الوحدة كعالمة دين تفتي انه هذا من الحجاب الاسلامي ..تمسك الفتاة بحجابها دليل على اعتزازها وفخرها بدينها وثقتها بنفسها .. خاصة ان امريكا تعودت على اشكال المحجبات ومن كثرة العرب ماباقي الا تصير دوله اسلامية .. والبعض هداهن الله يتحججن انو مانبغى نلفت الانتباه بالحجاب..
فتحت الموضوع اخوي والحديث يطوول والله يهدي الجميع ويثبتنا يارب والغربه امتحان للمؤمن.

وجهة نظرك واحترمها اخوي
بس هي ماوقفت الاخلاق على محجبة ولا متغطية ولا كاشفة الاخلاق ترجع للشخص نفسه كان متفصخ او محتشم ياما شفنا محجبات ومتغطيات وكاشفات يضرب فيهم المثل بكل شي وياما شفنا من كل الفئات اللي ذكرتها ادنى ماخلق ربي فالحجاب والغطاء والكشف ليس مقياس لكل شي (ويضل اللي يسوونة بينهم وبين ربهم وانت عليك النصح)
وفكرتك وصلت لناس بس ممكن توصلها بدون تجريح (وقذف).

ريبورت للإداره يتفاهموا معك أترفع عن الرد على مثل هذا الرد

أشكرك أخي على ردك الراقي ,
بالنسبة للأخلاق .. فأنا قلت هالكلام بردود سابقة , إنه أكيد الأخلاق مو واقفة على أيّ كان .
وبنفس الوقت .. ذكرت ملاحظة أحب الجميع ينتبه لها : " ألا وهي , إنه لا نجلس نبرر للغلط , ونقول إن اللي كاشفة , ولابسة ضيق .. ممكن محجبة جوارحها عن كل ما لا يرضي الله !! ".
هالكلام .. بالعربي : مجرد تبرير للخطأ لا غير .
<< طبعا شكليا الكلام مقبول , ولكن مثل ما قلت قبل , إنه اللي محجبة جوارحها عن كل ما لا يرضي الله , رايح تتحجب أو تتنقب .
لأنه من الآخر , ومثل ما قلت في افتتاحية الموضوع : " النقاب والحجاب فيهم خلاف , ولكن عدم الحجاب أصلا هذا ما فيه خلاف "
_ أيضا : المضحك المبكي .. ما نشاهده من البعض : حجاب من فوق , و بنطلون سكيني من تحت !!!!!!!! <<<< بدووووون تعليق !
_ أيضا : مسألة أزعجنا الكثير حولها " اللي يقول: وش دخلكم , واللي يقول: بينهم وبين ربهم , واللي يقول : أهلهم أدرى بهم , واللي يقول : بدون شرشحة !! و قذف !!! و تشهير !!!!
إخواااااااااااني وأخوااااااااااتي :
الكلام هذا للمسلمين فقط >>> :
1- الأمر بالمعروف , والنهي عن المنكر واجب , و ماهوب بس على رجال الهيئة !! ترانا كلنا مشمولين بالآية 71 من سورة التوبة :
( المؤمنون والمؤمنات بعضهم أولياء بعض يأمرون بالمعروف وينهون عن المنكر ويقيمون الصلاة ويؤتون الزكاة ويطيعون الله ورسوله أولئك سيرحمهم الله إن الله عزيز حكيم ( 71 ) )
2- ( لا غيبة لمجهول ) , وهذا يعني بالعربي : إنك ما شهرت بأحد .
3- أمر مهم للغاية : هذا المنتدى لجميع المبتعثين , و لجميع قضاياهم .
أتعجب من اللي يقول : وش فيكم على البنات ؟!! أو : كل واحد يصلح نفسه أول ..!!
ترى هذي كلها حيل من الشيطان , ليوقع البغضاء بيننا بحجة إنه ما فيه أحد له دخل فيني ..!!
أكيد أنت رايح تسوي اللي تبغى تسويه , و ما فيه أحد بيمنعك إلا إذا رب العالمين أراد أنه يمنعك .. ولكن ليس من حقك أن تقول عن ( النهي عن المنكر ) إنه : لقافة , أو : تدخل في شؤون الغير !!
- النهي عن المنكر أحد ركائز الدين الإسلامي , وهو يعم جميع المسلمين .. بدووووووون استثناء , أما اللي يقول : أنا مو مسلم <<< فلا تثريب عليه .
ملاحظة أخيرة : مثل ما قلت , المنتدى للجميع , ولسنا ضد فئة معينة . نحن ضد الخطأ , والخطأ فقط.
ولو أراد أحد الإخوان الحديث عن أخطاء بعض الشباب .. الله يقويه ويجزاه خير , و نحن نعينه .
وإذا كان شيء من هالأخطاء فيني , فأنا رايح تكون ردة فعلي أحد شيئين :
1- إما أقرأ , وأدعي للشخص اللي كتب الموضوع , و أسكت .
2- أو أكتب العبارة التالية : " صدقت يا أخوي , إحنا مقصرين والله .. دعواتك لنا بأن يعصمنا الله من الوقوع في مثل هذا الخطأ مرة ثانية ".
<<< مستحيل أقول : أنت وش دخلك ؟ أنت طالع نفسك أول .. أنت ليش ((( تشهر ))) بعيال الناس !!
أتمنى من بعض ((( المغلفة عقولهم ))) أن يلاحظوا فرق التعامل , وعدم تبرير الخطأ .

- أتمنى من اللي ما اقتنع بالحوار , يجي , ويقول رأيه .. لا يهرب , ويفتح مواضيع ثانية , ويشتغل سبّ . من له حجة فليطرحها .

دمتم بود ,

اذا هدفك من طرح الموضوع النصيحه ليش مانصحت البنات والشباب مو البنات اللي عندهم اخطاء بس والا مسوين نفسكم اوصياء على البنات كل شوي جاي واحد وحاط موضوع وينقد انت رايح تدرس مو تراقب بنات الناس كل وحده عندها اهل مسؤلين عنها

كلام مكرر , و تم الرد عليه أكثر من مرة .

اللي بعده ..