الصليــــــــــــــــــب في بيوتنا

خلاص يا طلاب جامعات الصليب

اقطعو الجلادة حقت الكتب او جدلو كتبكم

انتو ليه هالصليب مسويلكم أزمة

ياخي الشغلة شغلة معتقد وخلوا عنكم التشدد في كل شي

انت الحين وانا وهو وهي عارفين ديننا زين ومو معناته انه لمن اشوف صليب يعني انا مقر ان عيسى صلب لا ياخي الحمد لله عارفين وبعدين هذا دينهم خلهم وتقولي في الكتاب فيه صليب طيب ياخي ايش المشكلة يعني هل هذا اثبات للنصرانية وان عيسى صلب؟؟

زي مرة قريت خبر في جريدة سبق يقولك فيه سوق الخضار في الطائف واحد انتبه ان العمدان اللي ماسكة السقف عشان لا يطيح فوق روسهم واللي يحميهم من الشمس أنه صليب

والخبر ايش الصلبان تملئ سوق الخصار بالطائف والعياذ بالله

طيب ياخي هذي هندسة الأعمدة مصممة بحيث انها تتحمل السقف بأقل عدد أعمدة ممكن وتجيني انت مو عاجبك العمود لان شكله صليب

ياخي صليب وطيب وبعدين؟ شكل شكل شكل شكل بالنسبة لنا

يا جماعة الخير ليش شابين على الرجال ترا الوضع ما يحمل الرجال يقولكم صليب اللي يبي يقتدي بالرسول يطمسه من بيته ما قال لكم اطمسوه من لوحة الجامعة قال لكم من بيته...... وعلى راي اللي يقول حنا ما نعتقد به ,,,,, الرسول لما طمس الصليب طمسه مو بعشان ما يعتقد به ؟؟؟

كل ما في الموضوع ان الرجال يقول لكم الصليب حاولوا تبعدوووووووووووه عن بيوتكم لا اكثر والا اقل ,,,,,, كحرية شخصية اني ما احط ببيتي صليب مثل ما الامريكي مستحيل يحط ببيته سجادة عليها صورة الكعبة

وانتم رحتو بعيد ثقافة وقيمة دينية ومسويلك الصليب أزمة وما أدري ايش .................................. عجبي يا حبكم لكثرة القرقر

صحيح كلامه الرسول طمسه وهو مايتعتقد به ...
وهو قالكم نصيحه اللي يبي يمشي فيها اهلا وسهلا
وبعدين هو ركز على البيت مو الجامعه
ومثل ماقال احد الاخوان جلد الكتاب اللي عليه الصليب
وحتى لو تركته ماااعتقد عليك شي .....

جزاك الله خــير يا صاحـب الموضوع

التذكـير مطلوب بين الإخوان

قال أحد السلف : اذا سمعت قال الله او قال رسوله ،، فأرخ ِ لهـا سمعك .

اللهم صل وسلم على عبدك ونبيك محمد

اتذكر دكتور امريكي قال عن السعوديين ان اكثرهم ما يقرأون

انا اعتقد انه مخطئ في جزئية

في ناس لو قرت ما فهمت

بتلاحظون ان موضوعي من جزئين

الجزء الاول الاشياء الي عليها صليب و في بيوتنا

بما اننا ندرس في جامعات دول تدين اغلبها بالنصرانية فليس بالغريب ان نجد صلبان و رموز مسيحية تستخدم كرموز للجامعة في مطبوعاتها
من الجامعات جامعة كامبردج و اعتقد ان الكثير لاحظ رمز الصليب المستخدم كشعار للجامعة

الجزء الثاني حديث الرسول صلى الله عليه وسلم

احب اذكر الجميع بالحديث في صحيح البخاري عن عائشة رضى الله عنها ان النبي صلى الله عليه وسلم لم يكن يترك في بيته شيئا فيه تصاليب إلا نقضه

الاخ TGT انت ما شاء الله عليك تركت الموضوع و رحت بعيد

ارجع اقرأ الموضوع مرة ثانية

و احب اذكرك ان هذا هدي النبي صلى الله عليه وسلم و هو قدوتنا في كل شي

للاسف ردك يبين قدرت تفكيرك المحدودة
تفكيرك ينحصر في شيئين
اما يمين او يسار
صح او خطأ
معه او عليه
للاسف ما اعرف كيف بتدرس في الجامعة و تفكيرك كذا لأن الناس الي مثل تفكيرك بيفشل في الجامعة و في الحياة

فأذا كان عند واحد وثيقة او كتاب عليه صليب يقوم يقطعه او يجلده ، فرضاً يبي يبيعه من بيشتريه او بيقدم على وظيفة

الحل بسيط حط لزق على علامة الصليب و انتهى الموضوع اذا بغيت تبيع الكتاب او تقدم اوراقك كل الي عليك تشيل اللزق

اخي انت نصحت وماعليك من احد

وبالنسبة للاخ TGT هذا لاتاخذ على كلامه معروف بردودة السيئة وسؤ اخلاقة بين المبتعثين لاتشيل على ردة

وجزاك الله خير على النصيحة