إخواني وش رايكم على الامراتية او السعودية بسرعة الله يخليكم

ياخي ما تعرف انجليزي ليش تروح ؟؟؟؟

^^^^

مهب شغلك

قصد الأخ نواف انه ما يمنع انك تحاول تتعلم جمل بسيطة تساعدك في سفرك

في مواقع في الانترنت كثير وفيه في مكتبة جرير كتب بسيطة (للسفر) و (للمحادثة البسيطة جدا)

استغرب الصراحة نسبة كبيرة جدا جدا من المبتعثين الواحد ما يكلف على نفسه يتعلم كلمه قبل لا يسافر! يقولك في المعهد بأعلم طيب احنا ما نقول احفظ 1000 كلمة قبل لا تروح احنا نقول بس كم جملة تعرف تتفاهم فيها مع الناس حتى لو ما تنطقها صح بس بيفهمونك الكتب اللي أتكلم عنها تلقى الكلام بالعربي مكتوب و بالإنجلزي الترجمة ومكتوب بالعربي كيف تنطق الكلام بالإنجليزي يعني يا سلام

-----------------

بالنسبة لسؤال صاحب الموضوع:

مين قالك السعودية مافيها ترفيه؟
ومين قالك الرحلة توصل الصباح؟

أول شي اذا هاذي اول سفرة لك انصحك رح على السعودية ان لقيت حجز وبعدين السعودية تروح لواشنطن دايركت تركب من السعودية وتنزل هناك وبما انه ما عندك لغة حاليا ما انصحك توقف في مطارات وانت ما تعرف تتفاهم مع الناس في أي مشكلة أو شي

السعودية فيها شاشة لكل راكب وتركب من الرياض أو جدة ما تنزل الا في واشنطن 12 ساعة

نصيحتي لك الآن سافر على السعودية وبعدين ان شاء الله بترجع لسعودية اكثر من مرة واركب اللي تبي على الأقل تكون أخذت فكرة عن إجراءات السفر والعفش والترانزيت

أخوي .. الواحد يشتري الراحه .. وليس الوناسه ..

نصيحه لك اطلع على الخطوط السعوديه .. انا رحلتي نفس التوقيت 21 \ 7

ياخوي انت جاوبت نفسك بنفسك يعني مادام ان الاماراتية بتعبك ومامعك لغة انجليزية وراح اتوهق وش لك فيها توكل على السعودية أريحلك لأنه ماراح ترتاح في الأماراتية بالرغم من وسائل الترفيه لأنه راح تحاتي وصولك لنيويورك وبتتعب نفسيا وماراح تستفيد من وسائل الترفيه وهي كله كم ساعة وراح توصل فأهم شي الراحة النفسية واذا على السعودية قضها نوم ولاسوالف مع الي جنبك وماراح تحس بالوقت انا هذا رايي لو اني مكانك فالراحة النفسية عندي أهم اولوياتي بعدين تجي الأشياء الثانية وبالتوفيق فيما تختار.

حياك حبيبي

كذا الردود ولا بلاش

أنا الحين عديت من السنة التحضيرية في جامعة القصيم ولله الحمد لكن طموحي اكبر

أنا الحين ويمديني ارفع السماعة واحجز فندق باللغة الانجليزية ويمديني ادخل المطعم واطلب باللغة الانجليزية

يعني تقدر تقول معي لغة لكن مو حق الحوار الطويل

بالنسبة للخطوط السعودية

والله من مواضيعكم تقول انها خطوط مملة ولا فيها ترفيه والمراتب صغيرة

أنا رحلتي عليها بـ ١٤ سبتمبر راح توصل لواشنطن ٢:٣٠ صباحا على حسب المكتوب بالجدول

أنا حجزت على السعودية وعطيتهم دراهم ،لكن جت فكرة التغيير على حسب ما سمعت من الاعضاء والفرق بسيط بينها وبين الامراتية 500 ريال تقريبا

حبيبي والله سلامتك

الخطوط السعودية هي الافضل وصيانتها مضمونة والضامن الله

والله ما أتخيل فيه راحة على الخطوط السعودية من ناحية جو الطائرة

الله يسهل الامور اخوي

بالتوفيق للجميع