يرحم امكم ساعدوني مشكلتي مع (( الإيتــوني )) ثلاث شهور في السعوديه !!

السلم عليكم

ياخوان يرحم امكم ساعدوني وافيدوني محتآآآآآآآآآآآآآآآر ومتردد

انا ياخوان عندي فيزه مدتها 5 سنوات سافرت امريكا ودرست 9 شهور حتى جاء ذاك اليوم المشؤوم !!

قدمت على جامعتين يوم كنت في امريكا وجالست
انتظر القبول حتى يوصلني ولله الحمد وصلني القبول ورحت للمعهد الي كنت ادرس فيه وسويت نقل الى المعهد الجديد الي وصلني القبول منه وبعد 4 ساعات يوصلني القبول الثاني من جامعه افضل واقوى من الجامعه الي جاني قبول منها دقيت على الجامعه الي سويت لها نقل وانا مادرست فيها واعتذرت منهم وطلبت منهم انهم ينقلوني الى الجامعه الجديده قالوا اوكي بنصدر لك
I -120
جديد وبنرسله لك الى عنوانك في السعوديه لكن انت تحتاج تصدر فيــزه جديده !!!
فعلاً وصلني الإيتوني الجديد ولكن الفيــزه تعقدت انجنيت تعبت من السفاره الامريكيه رحت اسوي مقابله مع سفاره الامريكيه في الرياض ورفضوني بعد صبر شهرين وانا الحين مقدم مره ثانيه وموعدي بعد اسبوعين ســؤالي ياخوان هل اقدر ارجع لأمريكا بالفيزه الي معاي والإيتوني الجديد الي معاي ولا لا !!!
لإني ماني ناقص وجع وهم سفاره الامريكيه مره ثانيه
صار لي في السعوديه 3 شهر تقريباً
المعهد يقولي لازم تصدر فيزه جديده !!

ابي رايكم لإن السفاره الامريكيه عقدتني

الله يعينك ياصديقي
والله من وجهت نظري اذا المعهد قالك لازم فيزا جديده يعني مابتدخل الا بالفيزا الجديده
لان اتوقع اول ماتوصل يشيكون على الاي توني والفيزا هل انت جاي على نفس رقم الاي توني ولا جاي على اي توني ثاني
والله اعلم
الله يسهل عليك وعلينا كلنا تعبنا من الفيزا اللي اقلقتنا

موفق

اخوي ..
كل جامعه او معهد فيها موظف اميقريشن هو اللي يوضح لك الوضع كــامل ... ماحد بيفيدك بعد الله غيره ..

موفق اخوي.