هل السعودي غبي اجتماعيا ؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!
شغااااااااااااااااالاااااااااااااااااااااااااااااا اااااااااااااااااااااااااااااااااااات سعودياااااااااااااااااااااااااااااات في قطر والكويت
برخصة عمل !! وبراتب وحقوق وعقد!!

مع احترامي للبعض ولكن للاسف اتفق مع اخوي ساطي كرار في نقطة ان السعودي يحتقر الاجنبي
وهذي تولدت كثقافة عند البعض
بجيب مثال شركات جابت عمال من باكستان على عقود مهندسين ولما وصلوا وقعوهم على عقود سائقين شاحنات,,,,, وما تبغاهم يحقدون
ياخي لو تروح الموقف (الكدادين) وشوف تعامل الكداد السعودي مع الاجنبي يعني ما يضلمه لكن تحصله يعطيه محش والاجنبي مو عارف اش قال او بالاصح يسوي نفسه ما فهم ما يبغى يسوي مشاكل
يعني احنا نبغى نغير ثقافة سيئة


واتمنى انه مانشكك في احد هذا الكلام موجه للاخ ابراهيم بسواله للاخ ساطي كرار انت سعودي
انا حقيقة شاكر لك مساعدتك لاخونا مبتعث بوسطن
ولكن اتمنى اننا ما نشكك باحد هذي مجرد وجهات نظر
تحياتي للجميع

ساطي ... لاتزعل من سؤالي

أنا مستغرب من تهجمك على السعوديين فقط ... شوف وانا خوك السعودي إنسان عفوي .. إنسان طيب وعلى نياته .. ولكن ليس غبي .. هذا اللي أقصدة

ولا يجي في خاطرك ... ترى كونك تنتقد "عادي" حتى لو كنت سعودي .. ولكن إحنا فعلاً شعب طيب وعلى نياته .. ما عدى شريطية المعارض هههههه

تحياتي لك ولمن يقرأ الآن

اخي ابراهيم طيب وعلى نياتة وماهو غبي (عموما) هاذا انا ما اتكلم عنة
انا اللي اتكلم عنة الغباء الاجتماعي من حيث احتقار شعوب اخرى ومن حيث احساس السعودي انه في موقع المحسود والمحقود علية
والطامة العظمى انك بتلقى دول كثييييير تستحق الحسد اكثر مننا بل يستحقوا ان نحسدهم نحن على مايتمتعوا فية من نعم وخيرات والعجيب ان ما حد يحقد عليهم لا وفوق كذا يشكروهم وعندك الامرات مثال على كذا
وفي النهاية تحية لك

يا اخي الكريم انا والله العظيم ما اتهمك انا اقول لك تعمم ومهما قالوا لك الناس انت لك عيون تشوف بها ولا اشكك في وطنيتك الا من كلامك اللي يجلب الريبة في بعض النفوس وانت وصفتني بعدم الفهم لأني ما اقتنعت بكلامك اللي تبي تصور لنا شي من وجهة نظرك وتوصف لنا شيئ من وجهة نظرك انه ظاهرة في بلدنا عشان كم اجنبي ذكرها لك
يا اخي الكريم كيف عرفت اننا يحتقر العمالة ... يعني وش معنى الإحتقار في وجهة نظرك يعني مثلا ودك اننا نعزمهم برا ونكشت معهم ولا نروح احنا واياهم كوفي شوب والا ايش بالضبط
انت تقول كفوف وشلاليت وحسستني اننا الشعب الكولمبي مو السعودي .. طيب وش رايك ان الشغالة اللي عندنا الحين كانت تشتغل في الكويت والعراق .. وهذا شي طبيعي هي عاملة وتبحث عن المادة وقد يكون اننا مجتمع محافظ ولا نجعل الخادمات ياخذون حريتهم مثل بعض الدول لأن بعض الدول مثل الكويت التي ذهبت لها 6 مرات بعض البيوت يخلون الخادمة تسنع لهم امور البيت يعني تجيب حتى المقاضي لهم ولا يعني اننا مكروهين

اتمنى اعادة النظر في ردودك لكي ترى بنفسك لأنك هناك بعض وجهات النظر لاتقال مهما كانت صحيحة لأنها ليست شجاعة بل اهانة للطرف الأخر فما بالك بوجهة نظر لا ترى بالعين المجردة

ختاما بعطيك مثال نتونس فيه انا واياك وجميع من يقرأه : عام 1994 وفي بطولة كأس العالم في الولايات المتحدة الأمريكية (لاحظ البلد التي نتصور انها بلد الحرية) طلع اللاعب الأرجتيني ماردونا خلال اقامة البطولة في الأعلام وذكر انه امريكا المفروض ماتستضيف كأس العالم لأن الشعب مو راعي كورة والأجواء سيئة والبطولة فاشلة .. في نفس اليوم مدري اليوم الثاني نشبوا فيه الأمريكان قضية منشطات ووقفوه عن اللعب ودخلوه السجن .. معك ان اللاعب كان راعي منشطات بس بطلها لكن بذمتك تتوقع ليش وقفوه .

عموما انا ماودي اسهب في الموضوع لأنه ممكن يجرني للمحضور .. اخير اقول لك المعذرة منك وتقبل ودي

آخر رد

ارسل لي او ضع في المنتدى نتيجة الدراسة العلمية اللي انت سويتها اننا شعب نحتقر العمالة والكل يكرهنا عشان يصير نقاشنا حضاري

اول شي انت لو تلاحظ انا قلت اني شفت بنفسي بل قلتلك اني انا شخصيا كنت اضرب العمالة واشتمهم لاني كنت تابع لثقافة( ارفع راسك انت سعودي غيرك ينقص وانت تزودي)
هاذي لحااااالها توضح لك مدى الغباء الاجتماعي للسعودي
ثانيا انا ما اتهمتك بعدم الفهم عموما ( انا اتهمتك بعدم فهم كلامي) وشتاااان ما بين الاثنين
بالنسبة لسؤالك ايش معنى الاحتقار في وجهة نظري هو احساس الشخص بان العمالة هي اقل منة انسانية نظرا لحاجتها المادية وتترجم هذة الفكرة في عدة تصرفات ومشاعر
مثل الاعتداء بالضرب على العامل مثل الاعتداء بالالفاظ الخارجة على العامل مثل التحرش الجنسي ببنات وزوجات الاجانب ومن المشاعر احساس السعودي انة قطعة ذهب في كومة حديد لا لشيء سوا انة سعودي الجنسية ويترجم هاذا الشعور باحساس السعودي انه محل حسد وحقد من جميع الامم الاخرى
شوف اي احد يقول ان احتقار السعودي للاجانب شي بسييييط ولا يلاحظ الا بالعين المجردة >>> وكل هالهياط
اقلة حرااام عليك ولو انت صادق صح وهاذا اللي تشوفة قدامك كل يوم اتمنى انكك تحلف وتقسم بالله على كلامك
ومن جهتي اقسم بالله العظيم ان الشعب السعودي يحتقر العمالة الاجنبية من الدكتوور الى الزبال وهاذا الاحتقار ثقافة عامة للشعب السعودي وليس سلوك فردي
اما بالنسبة لقصة امريكا مالها داعي في موضوعنا ذا لا من بعيد ولا من قريب وهي تدل على ان امريكا بلد لايطبق الحرية
عزيزي انا اتكلم عن المجتمع وليس عن الانظمة مثالك بامريكا خاطئ

ولا تهرب من المواجهه وبالنسبة للدراسة اللي انا مسويها بسيييييييييييييييطه
ننزل موضوع يشارك فية الاعضاء هل السعودي يحتقر العمالة وكل واحد يجاوب بضميرة واللي يشوفة قدام عينة وهو مسؤول امام الله عن
كلامه اذا كان صحيح او نفاق

نعم اخ ساطي اتفق معك ان السعودي يحتقر العماله الاجنبيه وحتى الاطباء العرب بس يحترم الاجانب الغربيين سواء موظفين في الشركات الكبرى او اللي يحاضرون في مؤتمرات علميه لدرجة ان مؤتمر علمي يحضره امريكي واحد كانت اللغة الانجليزيه هي لغة المؤتمر ووضع جهاز الترجمه لجميع الحضور وكان الاولى وضع جهاز الترجمه للاجنبي الوحيد هذا يدل على الاحترام المفرط والانهزاميه امام الغربيين لكن الاحتقار ظاهره واللي يقول غير كذا فهو في مدينه فاضله فليخبرني اين عشان اغير مكان اقامتي

والكره اسبابه عديده لعل منها
المعامله السيئه واهمها تأخير الرواتب العمل لاكثر من 8 ساعات لايوجد مساحه للحريه خصوصا لدى العامله المنزليه ومضيق عليها لدرجه غير انسانيه ( ممنوع التلفزيون والجوال والاختلاط مع احد من جنسها بدعوى انها قد يسؤء سلوكها ) ولن اذكر الضرب او الاعتداء اللفظي لان هذا قد لايكون ظاهره
الاتكال على العماله الاجنبيه في كل العمل بدرجه تشعرهم بالدونيه وانهم هنا من اجل خدمتنا والصحيح انهم هنا من اجل عجزنا عن انهاء مهامنا
لا احد من السعوديين يرتضي ان يمتهن المهن اللي يمتهنونها بما فيهم شخصي بينما نجد ان كل بلاد العالم بما فيهم الدول العظمى لاوجود للعماله فالزبال والخياط والطاهي كلهم من نفس البلد وهذه فروق طبيعيه لكن عندنا اللي تعب وسهر وناضل من اجل ان يرتقي وعكسه عندنا سواسيه

بالنسبه للاعلام الامريكي وتكريسه لتلميع الشخصيه الامريكيه قصدت بها السينما الامريكيه وليس الخطاب السياسي الاعلامي المضلل

توي اشوف موضوعك بخصوص الاستطلاع بس لغة الحوار للاسف متشنجه اكتفي برأيي هنا

اخوي كــلام كــليم ,,

مــساك مــحبه ....

بعض الامور تراها العين المجردة ياغالي وماتحتاج دراسة ...

1) ماقد سمعت بخادمة تضربها عمتها بدون سبب ؟ " تخيل لو الخادمة سعودية ولك الجواب "
2) ماقد سمعت بــ ( ابدوي ) يضرب راعي الغنم السوداني ^_^ " تخيل لو ان الراعي سعودي هل سيضربه ؟ "
3) ماقد سمعت بطلاب كلية معلمين هددوا دكتورهم المصري بالضرب ان لم ينجحهم ؟
4) ماقد سمعت ان احد المسؤلين منع عمل الاجانب في تحفيظ القران بالمساجد..
5) ماقد سمعت كفيل ساحب على عامله 8 شهور بدون راتب ؟
5) ماقد سمعت ان بلدية محافظة الطائف ماصرفت راتب موظفيها لمدة اربعه اشهر ثم تظاهروا عند البلدية حتى صرفوا لهم ؟
7) ماقد رايت بعينك طول حياتك كفيل يضرب عامله امام سعوديين لم يتدخل احد لمنعه ؟
8) ماقد شفت رجل امن بمطار الملك عبدالعزيز يشوت شنطة هندي برجوله " اقسم بمن رفع السماوات والارض ان هذا المشهد شفته اكثر من مرة " .
9) ماقد شفت خادمة تشتكي من اعتداء جنسي من كفيلها ويتم حله بتسفيرها فقط !!!!!!!
10) ماقد سمعت سعودي يقول القبيلة الفلانيه اصلهم من الدولة الفلانيه وبلهجة استحقار ؟
11) ماقد رايت في احد الدوائر الحكومية شباك للسعوديين وشباك للاجانب ؟
12) ماقد رايت سعودي يسقط على اجنبي في احد صفوف التنظيم في اي دائره حكوميه؟


مــاقــول لك هــذا كــل الشعب السعودي .
ولكن هــذه امــثله لا تقول لي انك ماسمعت او قريت في الصحف او وقفت عليها بنفسك ..
ولو قلنــا ان هذه النسبه ضئله هل ترى ان تجاهلها او نكران وجودها هو الصحيح ؟ ام ترى ان الاعتراف بوجودها ومحاولة تصحيحها بما نستطيع هو الاصح ؟


اخيرا انت في امريكا :
1) عمر رجل امن شات بقدمه شنطتك في المطار ؟
2) عمرك راجعت دائرة حكومية وقال لك هذا شباك الاجانب ؟
3) عمرك شفت امريكي يستحقرك لانك مانت امريكي وتظاهر بانه شعب الله المختار ؟



نكران وجود الخطاء هو قمة الخطاء ...

الاخطاء موجودة ولو كانت قليله ولكن لايصح تجاهلها ..

لك مودتي وتـــاكد انني اكتب هنا لغيرتي على وطني .. لا للتشمت على شعب انا ابنه وما يعيب احد ابنائه يعيبه ..

بالامس قرينا موضوع بالمنتدى احد اخواننا تم فصله من المعهد ... صدقني حزنا عليه واحنا مانعرفه ... بالتاكيد ان هذا كان لخطاء منه ... ولكن حزنا لانه اخ لنا والا نتمنى مايكدر خاطره ويحزنه ولم نخوض معه بالاسباب لاننا نعلم ان لايحبذ هذا بذلك الوقت ...

محبة اخوك وتقديره واسف للإطاله ..

موضوع رائع

تشكر عليه