هل امر على واشنطن او مايحتاج؟ ساعدوني قبل مااحجز
السلام عليكم ورحمة الله وبركاته
يااخوان انا مبتعث عن طريق جامعة الملك سعود وبعد كم يوم بروح احدد مسار سير رحلتي
فهل لازم امر واشنطن وافتح ملف او افتح من مدينتي اراسلهم بفدكس مدينتي روشستر في نيويورك
علموني على يستاهل الموضوع امر على واشنطن وتعب نقل العفش وزحمة الملحقيه او اروح ديرتي على طول واراسلهم
وشكرا لكم
رد: هل امر على واشنطن او مايحتاج؟ ساعدوني قبل مااحجز
سمعت إن الطلاب الى راحوا واشنطن ماستفدوا الملحقية طلبت منهم يفتحون ملف عن طريق البوابة و يرسلون بيناتهم عن طريق النت و يمديك أنت في روشستر ترسل المتطلبات على هيئة صيغة pdf على موقع الوزارة . في ميزه ثانية إذا نزلت روشستر يمديك تعرف أقرب بنك وأكثر إنتشار في مدينة تفتح عنده حساب وتسوي شيك ملغى و ترسله مع الأوراق . وأنا أخوك لا تنسى تجيب سجل التطعيم باللغة الإنجليزية و تاريخ حق التطعمات يكون بالميلادي هذا إذا ماسويت ال Immunization record
بس لاتعتمد على كلامي بالتوفيق
رد: هل امر على واشنطن او مايحتاج؟ ساعدوني قبل مااحجز
الموضوع قديم ولكن للاستفاده للطلاب الجدد
ياحبيبي ولا تمر عليها لاتسوي مثلي وتغلط ... لاتحجززززززززززز على واشنطن نهائيا روح لديرتكمباشره ولما تنزل بالمطار ان شاء الله يعطونك I-94 وتسوي له سكان ومع اوراقك الباقيه ياطويل العمر وتخش ع موقع الوزاره وتروح لفتح طالب مبتعث جديد بالكثير 3 ايام عمل ويجيك رقمك بالملحقيه وتظبط امورك ان اء الله انا ماعرف وين تقع الملحقيه ولا رحت لها ولا ابي اروح لها ان شاء الله من ديرتك تقدر تسوي كل شي
رد: هل امر على واشنطن او مايحتاج؟ ساعدوني قبل مااحجز
مايحتاج اخوي على مدينتك على طول افضل
رد: هل امر على واشنطن او مايحتاج؟ ساعدوني قبل مااحجز
على حسب ماقريت وسمعت فمايحتاج يالغالي : ) ،
كل اللي عليك تجهز كامل أوراقك على " فلاش " ومن باب الاحتياط تحفظ كل ملفاتك ومستنداتك على " Hotmail " على أساس لا قدر الله ضاع منك الفلاش ،
إضافة لتوضيح الأخوان والأخت الكريمة ،
الله يوفقك ان شاءالله وتوصل بالسلامــة ^/^
رد: هل امر على واشنطن او مايحتاج؟ ساعدوني قبل مااحجز
هل رفع الملف للمحلقية يكون بصيغه pdf حتى صور الجواز وكم حجم الرفع للملف الواحد
رد: هل امر على واشنطن او مايحتاج؟ ساعدوني قبل مااحجز
عادي بي دف اف او جي بي جي
كلها مقبولة
والحجم انا سمعت ان الملحقية رفعوة لـ ٢٠٠٠ كيلو بايت
بالتوفيق ان شاء الله
رد: هل امر على واشنطن او مايحتاج؟ ساعدوني قبل مااحجز
تكفون ساعدوني ابي الاوراق المطلوب ارسلها بالايميل للملحقية . انا بسافر بعد خمس ايام .وابي الاوراق ضروري
رد: هل امر على واشنطن او مايحتاج؟ ساعدوني قبل مااحجز
موضوع قديم مدري ليش النقاش فيه ؟
^^ مافي اوراق بالايميل .. لما تفتح ملف كل شي تعبيه من النت
رد: هل امر على واشنطن او مايحتاج؟ ساعدوني قبل مااحجز
ما يحتاج تنزل واشنطن خساير من غير فايده وغثاثه مطار واشنطن تكفي
غير أن الملحقيه ترفع ضغطك على الفاضي
لو تسويها من جامعتك أفضل كل اللي يبي لها سكان لكل شيء وخلصنا