تكفووووووون عندي كم استفسار ياليت تجاوبون عليها ولكم مني احلى دعوه ^_^
السلام عليكم
ياخوان انا دخلت جامعة الملك سعود السنة التحضيرية لاكن للاسف ماخصصوني في القسم الي ابيه
فقلت مالها إلا اروح لامريكا فعندي كم استفسار ياليت تجاوبوني عليها وبدعليكم من كل قلبي :)
اولاً : ابي اسجل في معهد يكون تبع جامعة في ولاية حلوه ولنأخذ مثلاً اوريقون
كم بيكلفني وكم يبيلي ادرس فيها عشان اجتازه وادخل الجامعه طبعاً انا ابي المعهد وسكن مع عايلة
ثانياً وش تنصحوني باي معهد ولا باي جامعة
ثالثاً كيف الانظمام للبعثه يعني هل يبيلي انتظر اكثر من 6 شهور عشان انظم
لاني ناوي اجي وبعدها اقدم على الانظمام
استفسار اخير ادري طولت عليكم لاكن تحملوني
لو جيت وابي احول على برنامج الملك عبدالله كيف الطريقه
يعني وين اروح ووش الاوراق الي يبونها مني
تكفون ياشباب جاوبو والله لوني ماني محتاج اسئل ماسئلت
بالتوفيق للجميع وخاصه للي بيجاوبون على استفساراتي >> يسمع باسلوب الاغراء :D
رد: تكفووووووون عندي كم استفسار ياليت تجاوبون عليها ولكم مني احلى دعوه ^_^
هلا اخوي
بنسبه للإنضمام للبعثه النص واضح وصريح (( خلص فتره اللغه ودخل الجامعه وبدء الدراسه الإكادميه )) ونضمك للبعثه هذا كلام المشرفين والمسؤولين في الملحقيه السعوديه
هناك استثناءات 1- واسطه 2- امر اركاب 3- مكرمه ملكيه
بنسبه لإمر الاركاب = هو ورقه تاخذها من وزاره التعليم العالي في الرياض حي الغدير بموجبها تحصل على تذكره سفر مجانيه الى امريكا واول ماتوصل امريكا تقدم اوراقك الجامعه والمعهد ووالخ + امر الاركاب الى المسؤولين في الملحقيه وبالكثير شهر ويضمونك للبعثه بموجب امر الاركاب الي معاك ومسسستحيل تاخذ امر اركآآآآآآآآآآآآب الا بوآآآسطه ولا توفيق من الله
بنسبه لمكرمه الملكيه فأنت وحظك لكن في الغالب ماتصير الا مره في السنه !! غير كذا مسسستحيل تنضم للبعثه ولاتصدق كلام المطبلين الي جوا بالصدفه قبل المكرمه بأسبوع وانضموا بعدها قالوا للطلاب تعالوا امريكا وعلى طول تنضمون للبعثه !!
بنسبه للتكلفه الماديه للدراسه تختلف من ولايه الى ولايه وتختلف من شخص الى شخص لكن بشكل عام الولايات الرخيصه دائما تحصلها في شمال امريكا مثل (( أوهايو + مشقن + أوكلاهما + منيسوتا ))
بنسبه للمعاهد القويه انشاء الله الاخوان يفيدونك لكن احذرك ابتعد عن معاهد els اتمنى تدعي لي بكره عندي لقاء مع سفاره الامريكيه ادع لي ربي يسر اموري
رد: تكفووووووون عندي كم استفسار ياليت تجاوبون عليها ولكم مني احلى دعوه ^_^
اخوي رجيتك يارب الف شكر لك والله يعطيك العافيه ويوفقك في دنياك واخرتك
اتمنى من البقية يجاوبون على الاستفسارات ^_^