الشغاله

انا طالعه قريب ان شاء الله وابغى اسأل فيه مشكله اخذ شغالتي معاي

ولا فيها مشاكل انا ماابغى ادخل اولادي للحضانه عندي طفلين اقل من سن الدراسه

بالتوفيق لك اختي لكن نصيحه لاتجيبي شغالتك معك ...
ممكن تمشي الامور كلها تمام التمام ومعك شغالتك ... لكن لو حصل اي مشكله منها راح تندمي على كل شي لأن النظام هنا يختلف جذري عن عندنا
هنا فيه احتماليه كبيره ان الشغاله تهرب منك وعاد شوفي لك حل ... وهنا النظام يعطيها الحق انها تسكن في غرفه خاصه فيها ومحد يتدخل بخصوصياتها ... وهذا اكيد شي بيكلفك كثير
والنظام كمان راح يتحكم بـ راتبها وهذا من حقها في امريكا ... وهنا لها حد اقصى بالعمل بس 8 ساعات باليوم والباقي تطلع وتروح وتجي ولا لك علاقه فيها
وكمان النظام يسمح لها تسكن لحالها برا وتجي عندك فقط ساعات معينه باليوم... هذا من غير إحتمالية أنها تزعل منكم وتشتكي عليك وتدخلكم في دوامه انتم أغنياء عنها
ولا على بالك صعبه الطالب يدفع 170 دولار بالشهر على شغاله من السعوديه وتطبخ له وتغسل وتكوي وتنظف وتسوي كل شي !!!

ماشاءالله أخ عبدالله ابن سليمان كلامك لايعلى عليه وعارف القانون الأمريكي صح 
ذس از أميركا  أرض الحقوق والحريات

سلامي واحترامي

والله أنا ما اايد خروج الخدامة في بلاد فيها حرية مطلقة

أمريكا بلاد العدل والقانون ، والقوانين هناك تجعل الناس سواسية مثل أسنان المشط ،،، لذلك لو أخذتي خدامتك معاك بتسبب لك مشكلة كبيرة ،،،

وكلام عبدالله ابن سليمان لا غبار عليه ،،،

الله يجزاكم خير ماقصرتو بردودكم

على كذا ماقد احد اخذ شغالته

مشكلتي اني في مرحلة دكتوراه وجد ماحيكون لاطفالي وقت

والحضانه مكلفة صراحه

الله يسهلها علي وجميع الاخوه المبتعثين

أختي انتبهي من قضية الشغاله ...

خطرها كبير ...لازم لها يوم اجازه وعدد ساعات معينة للعمل وتصاحب الي تبي وتطلع وقت ماتبي واذا رفضت العمل يكون من حقها ...وقد يعتبرون تواجدها عندك احتجاز وكونك ماسكه جوازها يعتبر احتجاز بالقوة ..زي قضية حميدان التركي

ولها راتب معين حسب القانون الامريكي إذا اشتكت عليكم ممكن توديكم في داهيه تدفعون لها الفرق و تعويضات ...( أقل شي تدفعين لها 7 دولارات بالساعه)

الافضل ما تودينها معك ...

حاولي تلقين معهد دراسته نهاريه و ليليه بحيث انك تداومين النهار وزوجك بالليل تتناوبون على الحضانه او تشوفين لك وحده من الي يمسكون العيال بالبيت باسعار رخيصة ...