هذا ما حدث لي في القنصليه بالظهران صباح هذا اليوم ... شي غريب فعلا

بسم الله الرحمن الرحيم

السلام عليكم ورحمة الله وبركاته


اخوني واخواتي

طبعا كالعاده مثل باقي الاخوان ماجاني نوم في الليل نمت لي ساعتين وجلست لا ارادي

رحت القنصليه الساعه السادسه و النصف جيت بدخل قال وين قلت له عندي موعد الساعه 8 قال تعال بعد الساعه 7

وجينا 7 و 10 دقائق ويوم جات الساعه 7 ونصف بدأنا ندخل فردا فردا .....

ومثل ما انتو عارفين الاجرائات الروتينيه من تفتيش و تدقيق .....

دخلت قسم التأشيرات ....

واخذت لي رقم

في البدايه رحت الى واحد يرتب الاوراق و بعدها رحت الى وحده من اصل لبناني واخذت بصماتي

وبعدين يا طويل العمر رحت الى واحد امريكي للمقابله

وسألني وين سافرت قبل كذا وقلت له

وبعدها قال لي تعرف احد في امريكا قلت له نعم اخوي يدرس هناك

وبعدها قال لي من راح يصرف عليك قلت له عمي ...

قال عطني الشهاده البنكيه وكشف الحساب

وبعدها قال وهو مبتسم فيزتك مقبوله .... انا عاد تشققت من الفرح

بعدين قال تأخذ شهر او شهرين

وبعدها قال اذا تحتاج الجواز بأمكانك انك تاخذه ونطلبه منك اذا جينا نعطيك الفيزه

قلت انا استوت الله يسترك


قلت له لا ما احتاج الجواز خله عندك ما راح اسافر ابدا

قال لي اوكي

بعدين قال روح سوي ظرف في فديكس

والعجيب في الامر حتى ما سألني عن i20 ولا اخذ مني اي ورقه على الاطلاق حتى الصور الشخصيه

ممكن احد يفسر لي ما حدث؟




توقعاتكم كم تحتاج الفيزه من وقت حتى تطلع؟


الله يجعل مافي صالح انشاء الله

وعليكم السسلام والرحمه

أخوي أولا ألف مبروك لقبول فيزتك وكل شي تتكلم عنه مسجل عنده بالسيستم من صور شخصيه وغيرها وبالنسبه انه قال لك فيزتك بعد شهرين اكيد يعني دراستك تبدأ بعد ثلاث شهور 

سلامي واحترامي

طيب ممكن احد يفسر لي

يوم يقول لي اذا تبي تاخذ الجواز مافي مشكله؟

بس الكلام لو اخذته مثلا هم راح يطلبونه مني بعدين عن طريق الاميل؟


تكفون جاوبوني والله محتاس؟

بيض الله وجهك
طمنتني

على البركــه الف مبروك حبيبي
تستاهل ..

اخوي سفير الف الف مبرووك..ان شاالله امورك تمام..

انا ابي اسألك يالغالي..انت اخذت موعدك متى..انا ابي اقدم على اللي بالظهران وما ادري عندهم زحمه ولا لا...
وهل في طريقه اعرف فيها المواعيد قبل لا اسجل ؟؟

مووفق,,, :)

يا الغالي لازم يكون عنزك رقم السيفس علشان تحجز

واي استفسار تحت امرك

اقتباس:

---

المشاركة الأصلية كتبت بواسطة سفير الشرقية

يا الغالي لازم يكون عنزك رقم السيفس علشان تحجز

واي استفسار تحت امرك

---

انا ادري طال عمرك..بس انت يوم جيت تحجز..متى اقرب موعد شفته..

بعد تقريبا ٢١ يوم

بس الي في الرياض اسرع يقولون وكلها واحد

اولا الف الف مبروووك يالغالي وعقبال شهادة التخرج يارب

انا سويت مقابلتي بالقنصليه بجده واديتهم كل شئ وقالتلي الموظفه الامريكيه انت مقبول لدينا ولا كن انتظر اجرائات المكتب لاصدار الفيزا طبعا الي انا استغربت منه انها ادتني الجواز وادتني معه ورقه زرقاه ومكتوب فيها عنوان القنصليه وفيها ارقام اراجع فيها واشوف اذا التاشيره صدرت قالتلي اول ما تصدر التاشيره ارسلها الى عنوان القنصليه وادتني اسمها كمان فانا والله العظيم عايش في قلق اولا ليه ما اخذت الجواز وخلته معها علما ان موعد دراستي في رمضان وانا اجريت المقابله يوم الخميس 16/6/2011 وموعد دراستي 29/8/2011 اغسطس تكفون ريحوني وطمنوني الله يخليكم