سويت مقابلة اليوم لكن ما عطاني النتيجة الموظف !!
السلام عليكم ورحمة الله يا اخوان ،،،
ساعدوني بارك الله فيكم ،،،
رحت اليوم الصباح للسفارة كان موعدي الساعة 8 ، وحطيت جوالي ودخلت وبصمت وقابلت موظف أمريكي ،،
سألني هل سبق لك وسافرت لأمريكا ، ووين كنت السنوات الخمس الماضية ، وطلب مني الاي توني والضمان المالي ،،
الاجابات كانت اني ما سافرت لأمريكا واني تخرجت من الثانوي والتحقت بمعهد وصار لي اربع سنوات شغال بشركة كبيرة عرفها الموظف مباشرة
الضمان المالي كان من عمي ، وسألني قال لي ليش من عمك ليش مو من والدك قلت له عمي مقتدر أكبر من والدي وبعدين هو عمي
سألني بعدها هل بتقدم على منحه ، قلت له بحاول بس ماراح اعتمد عليها
وريته صورة شهادة الدبلوم واثبات الوظيفة واني شغال من 2007 ، وبعدها طلب مني التوجه لمكتب فيديكس وما عطاني أي نتيجة
رحت لمكتب فيدكس وطلبوا مني اعبي بياناتي وأعطيهم الصفحة الاولى من النموذج !!!!
علمونا يا أخوان وش السالفة ، هل تم رفض الطلب والا ايش النتيجة بارك الله فيكم
رد: سويت مقابلة اليوم لكن ما عطاني النتيجة الموظف !!
وانا مثلك اليوم مقآبلتي الظاهر اني شآيفك صح ؟ هههههههههه
لآ بإذن الله فيزتك مقبوله < مثل ما قالت لي الصينيه :$
بمآ إنهم اخذوآ الجواز ودفعت للفيدكس بإذن الله مقبوله
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة البروفيسور الهلالي
وانا مثلك اليوم مقآبلتي الظاهر اني شآيفك صح ؟ هههههههههه
لآ بإذن الله فيزتك مقبوله < مثل ما قالت لي الصينيه :$
بمآ إنهم اخذوآ الجواز ودفعت للفيدكس بإذن الله مقبوله
الموظف ما قال لي ولا كلمة ،،، قال لي روح للفيدكس بس !!!!
وان كانك انت راعي سياتل فاني شايفك اليوم
رد: سويت مقابلة اليوم لكن ما عطاني النتيجة الموظف !!
اخوي دام اخذو جوازك اعتبر الفيزا بجيبك من الحين
انا واحد من الناس ماقالي النتيجه وانتضرت الفيزا ٢٢ يوم وبعدها وصلتني ام خمس < موب شوزل اقصد خمس سنوات هع
هدي اعصابك وباذن لله راح تجيك الفيزا
موفق خير
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة المهــند
الموظف ما قال لي ولا كلمة ،،، قال لي روح للفيدكس بس !!!!
وان كانك انت راعي سياتل فاني شايفك اليوم
:P لآ رآعي مآريلآند .. موفقين يآرب
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة مآيهاب
اخوي دام اخذو جوازك اعتبر الفيزا بجيبك من الحين
انا واحد من الناس ماقالي النتيجه وانتضرت الفيزا ٢٢ يوم وبعدها وصلتني ام خمس < موب شوزل اقصد خمس سنوات هع
هدي اعصابك وباذن لله راح تجيك الفيزا
موفق خير
والله اني خايف وخصوصا ان عمي الي معطيين الضمان برضوا معطي ضمان لولد عمتي ،، خايف من هالنقطة
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة البروفيسور الهلالي
:P لآ رآعي مآريلآند .. موفقين يآرب
يارب ياكريم يسمع منك ،، أجل آوب انت خوينا ،،،
موفق يارب
رد: سويت مقابلة اليوم لكن ما عطاني النتيجة الموظف !!
ماعليك وانا اخوك .,
انا سوا لي مثلك وآخرتها قال روح الفيدكس ., هالكلام يوم السبت ., وجاء يوم الخميس رساله من الفيدكس ودقيت عليهم قلت مرسلين رساله قالو ايه جاء جوازك والفيزه
يعني 5 ايام ..
يعني ان شاء الله مامن الا الخير ..
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة تركـي الشمري
ماعليك وانا اخوك .,
انا سوا لي مثلك وآخرتها قال روح الفيدكس ., هالكلام يوم السبت ., وجاء يوم الخميس رساله من الفيدكس ودقيت عليهم قلت مرسلين رساله قالو ايه جاء جوازك والفيزه
يعني 5 ايام ..
يعني ان شاء الله مامن الا الخير ..
الله يجزاك بالجنه ، لكن السؤال الي يسدح نفسه هو كيف اعرف اني مرفوض مثلا ، يعني ممكن انتظر وفي النهاية يرسلون لي الجواز بختم الرفض ؟ هل كذا طريقة الرفض أو كيف يتم الختم على الجواز بالرفض ؟
رد: سويت مقابلة اليوم لكن ما عطاني النتيجة الموظف !!
اقتباس:
المشاركة الأصلية كتبت بواسطة البروفيسور الهلالي
:P لآ رآعي مآريلآند .. موفقين يآرب
اووه معي يعني :p
عالعموم انا ماقالي عالمدة اللي بتجي فيها الفيزا ..
قالي فيزتك مقبوله وبس ..
وان شاء الله تجي باسرع وقت ..