عرض للطباعة
السلام عليكم ورحمه الله وبركاته
بمناسبه قرب شهر رمضان احب اقولكم
رمضان كريم
هذا اول رمضان لي في امريكا
واتوقع اول يوم راح يكون كله دموع
الدمعه الاولى على الاهل
والثانيه على لمه الاهل ع الفطور
والثالثه على صوت الاذان والمدافع
والرابعه على السمبوسه
ياليت الاعضاء اللي صاموا العام في امريكا يشاركونا بمواقفهم المبكيه والمضحكه
وعليكم السلام ورحمة الله وبركاته
وعليك ان شالله والله يجعلنا من عتقائه ان شالله http://www.u3u2.com/vb/images/smilies/s4.gif
مع اني اشوف اغلب تقويم المعاهد في امريكا يعطلون قبل رمضان بيوم اويومين مثل معهدي
او تاخذ 15 يوم هنا وبعده تبدا العطله وماترجع الا بعد العيد ب7 ايام
شي اكيد راح تفقدين كل شي بس الله يصبر ويعوض http://www.u3u2.com/vb/images/smilies/200.gif
بس الحمدلله انامعهدي بيخلص 28 من الشهر هذا وبعده ان شالله رجعتي للسعوديه
بس يالله رمضان الجاي بتصومينه عند اهلك >>>يحاول يهونها عليك http://www.u3u2.com/vb/images/smilies/k1.gifhttp://www.u3u2.com/vb/images/smilies/k1.gif
تحياتي ◕‿◕
اانا بدايةابتعاثي باذن الله راح يكون في اوائل شهر رمضان يعني رمضان كلة راح يكون فية دمووع ..
اقتباس:
المشاركة الأصلية كتبت بواسطة Braveheart &&&&
حـــيـــاك الله اختي ..
رغم اني متهاوش معك في موضوع لكن ماعليه رمضان لنــا كلنـــا مو لك لوحدكــ ^_^
اولا رمضان مبارك على الجميع ...
ثانيا: لرمضان روحانية خاصه في الدول الإسلاميه ماراح نعيشها في دول اخرى ..
لكن باذن الله ان الله يكتب لنــا الاجر اضعاف مضاعفه ..
رمضان العام كان الاول لي هنا وكان غير طبعا ..
صحيح اننا افتقدنـــا لمة الاهل والفطور السعودي .... ولكن عشنــا لمة الاخوان المغتربين اللي يعيشون معنا صبرنا وحزننا وهمنا وتشارك الهم يخفف منه ..
عموما كان رمضان مريح وبالعكس حسيت ان رمضان هنا افضل :
بالسعودية سفرة الطعام تكفي لـ 20 شخص واللي عليها 4 وهذا تغيير لمفهوم الصيام .
هنا الصايم يفطر على شي بسيط.
بالسعودية المسلسلات الرمضانية تشغل حيز كبير من وقت الصائم .
هنا ماللمسلسلات وجود ..
عموما الله يوفقكم جميع ...
وللمعلومية :
للي يبغى شوربة الشايب مادري وش اسمها والله لكن اضنها شوفان ..
تروها تباع في البقالات الامريكية لكن باسم اخر ونفس الشكل الشايب موجود على الكرتووون يعني لاتتعبون تدورونها ببقالات عربيه او توصون من السعودية وهي موجودة هنا ..
رمضان كريم
انا راح اسافر لامريكا بنهاية شعبان ومكذب عليك اني مشوشه مدري ابكي من الغربه ولا لما يتغير علي جو رمضان
وابكتب بدون قيود وبعفويه تامه لما اتكلم او اكتب عن الغربه تطيح دموعي بدون ما احس
لما اناظر بيتنا وكل زواياه لما اشوف البنات ونظرات الوداع تعودنا نجتمع كلنا بهالوقت بالذات ونحط قطة فلوس ونشتري اغراض السمبوسه واصابع الدجاج ونبتدي نلف ونعصر الليمون ماشوفهم جابو طاري !!
اما رمضان!!
ماراح انسى دقة الباب بصحن من الجيران الساعه 6 ودعاء الساعه 8و لمة الساعه 10 دعاء السحر من بنت عمي الساعه 2وكبسة بنت عمتي الساعه 3<<<<بارده بالطبخ مع انها بقدر الضغط!!! وشاهي مرة عمي وحكمها النادره
ياربي تصبرني وتسليني بذكرك
اسعى وبقوه اني اكون قد مسؤولية القرار الي اتخذته عشان لما اذكر كل ماتنازلت عنه اكون مطمئنه ان ماقمت به يستحق العناء وبعض التنازلات
اخوي Son his father شكرا على تسامحك :biggrin2:مع الأخت السياتلية هههههه بس ماقلت لي الحين الشايب في المنتج الأمريكي صابغ الشعر والا نفسه شعره ابيض:biggrin2: .. على فكرة وش اسم المنتج في امريكا
نرجع لأختنا الكريمة السياتلية Braveheart &&&& كاتب الموضوع واقول لها ياذي السمبوسة اللي مسوية لنا زحمة:biggrin2: ياحظ البقالات اللي جنبكم عز الله بتكسب مدري ليش احسك دب ... لاتنسي المعصوب مدري الفوندو:biggrin2: اللي تحبينه
وبخصوص معهدنا للأسف ما عنده اجازة وبندرس كل رمضان والله يبلغنا اياه واياكم ويعيينا على صيامه وقيامه
ووقت الصيام بسياتل 18 ساعة وان شاء الله اعظ للأجر العائلة اللي عندي صاك عليهم مايسون خنزير من جيتهم ماسوو الا مرتين عاد لما قلت لأبو العائلة طبعا هو الطباخ.. قلت ترا الشهر الجاي بكون صايم طلع مايعرف اي شي عن الصيام وشرحت له كيف بيكون الجدول هم عشاهم 7 والفطور تقريبا في رمضان 9 وقلت له اسمع اهم شي عندي الشوربة قال ابشر احسن مافي رمضان اننا بنفتك من خشتك وبناكل خنزيرعلى كيفنا:biggrin2: ونبي نطلع حرتنا في الخنزير .. قلت له لا اوصيك دق فيه لين يطلع من عيونك خشمك جعلك حريمته:mad:
والله اني ضايق لأني بتذكر امي الله يخليها لي ويخلي لكم والديكم وبعد بنفقد الروحانية والذهاب الى مكة لأخذ العمرة
اقتباس:
المشاركة الأصلية كتبت بواسطة مشاعري ما تغيرت
بصراحه هونتها علي كثيررررر
اقتباس:
المشاركة الأصلية كتبت بواسطة Son his father
بصراحه انا وياك في هالمنتدى مالنا حل
صايرين توم وجيري
صح انك احيانا ترفع ضغطي
بس كلمه حق تنقال
انت مهضوم >>باللبناني
دمك شربات >> بالمصري
وثقيل طينه >> بالسعودي
اقتباس:
المشاركة الأصلية كتبت بواسطة كلام كليم
شفت السمبوسه اللي مسويه زحمه
ترى ماقدر اكل اكثر من وحده
وانا والله نحيفه واكلي قليل
وهالشي مسبب لي مرض في الدم
ولو اتعرض لعمليه جراحيه
احتمال يصير لي نزيف لا قدرالله
لكن الحمد لله لي سنه متحسنه حالتي
وبالنسبه لعائلتك انا لو اني منهم يسوون باربكيو خنزير ويقهرونك بريحته :p