حوار نقاش : ليش طلاب كندا مكافئاتهم [ 10143 ريال ] وطلاب امريكا مكافئاتهم [ 6924 ريال ]

الي المستقبل :
الله يسعدك انا ساكن 1700 و صاحبي ساكن بـ 900 بس !! وين الغلا ؟ كل السعوديين ساكنين عند البحر في سانتا مونيكا و عند البحر الإيجارات نار علي غرفة صغيرة و حمام . ياخي انا ما اشوف مواضيع الاختلاف و المضاربات بخصوص الراتب غير بالمنتديات غير كذا و بالواقع ماني شايف شي حتي اصحابي الي معي محد اشتكى منهم .. مع احترامي انا بس ادخل المنتدى احس بإحباط

Oska :
الله يسعدك انت تتكلم عن دوله ياعزيزي ، لما تتكلم عن خزينة دولة و امر ملكي بالصرف علي طلاب فهي بتكون صرفية مهولة ، الباوند البريطاني = 5.60 ريال و الدولار 3.75 ريال و الدولار الكندي = 4 ريال .. وين فرق العملة الي انت حاسبة الله يحفظك ؟ صاحبي ماشاء الله علية من البطرة اشتري سيارة و جالس يعدلها و الثاني ساكن بفندق ماريوت بـ 1000 دولار بالشهر .. و هذولي الاثنين بكندا .

جداري مظلوم :
ياريت تشرح شوي وين الغلا و في ايش و فضلا بالأرقام و تكون بالدولار علشان اشوف قد ايش الفرق ^^^ اقرأ الي فوق تعرف كيف عايشين

صح إنه فيه ناس مرره مظلومين
بس نسبتهم قليلييين

فلادلفيا وجدت تعارض غني أبي اطلع لها من أغلى المدن وما أدري إيش وما تحصل عوائل بـ 1300$ وما أدري من هالكلام بالرغم إني على حسابي راح أخرج
في حين أخوياي واحد ساكن بألف دولار جنب معهد ELS بخمس دقايق الفرق والأكل حلااال تطبخ لهم , الثاني في معهد ELP ساكن بـ 450$ بالشهر بدون أكل بس إيجار ويقول لي مصاريفي في الشهر حول 800$ بالله مو نعععمه ؟
في حين أعرف واحد معاهم ساكن مع عائله بـ 1300$ أقول له ليش يقول حقين طلعات وما أدري شو ومن هالكلام

طيب تعرفون بوسطن كلكم صح ؟ كيف إنها غاليه وترتيبها على أمريكا الخامسه أتوقع
قبل لا يحولون ولد عمي وخويي من بوسطن لفلادلفيا كانوا أربعه أخوياء ساكنين مع بعض بشقه كبيييره وثلاث غرف وصالتين وحمامين الله يكرمكم كان يكلفهم الإيجار مع النت مع كل شيء يعني يخص السكن 340$ بالشهر وصرفياتهم الشهر اللي عزروا فيه واشتروا آيفونات وما أدري إيش وشاشه 34 بوصه وبلاس 3 وأشرطه له صرفوا حول 900$ ,, كم باقي معاهم ؟ حول 900$ بالله مو نعمه ؟!
في حين قبل لا يتفقون يسكنون بعض كان كل واحد يبي يسكن لحااله كان يكلف كل واحد السكن 1100$ بالشهر ,, وأضيف شيء جلسوا شهر بعد مستاجرين كلايزلر 2009

والله لو إنه الطلاب يتعاونون وكل واحد يشوف له رجال طيب مو زيه بل احسن منه ويتعاونون على كل شيء والله يبقى معاهم الشيء الكثييير ,, زي اثنين عيال خاله اعرفهم كانوا ساكنين في هاريسبيرج في بنسلفينيا وتراها مو رخيصه
بس تعاونوا ومو مقصرين على أنفسهم بشيء خلال سنتين ونص من ابتعاثهم طلعوا فلوس المهر وتكاليف الزواج وزوجوا وشوفوا زوجاتهم معاهم هالحين ومبتعثات على حساب الحكومه بعد
والله السالفه سهله جداً جداً جداً بس يبيلها تفكير وثقه بين شخصين

لا احد يجي يقول لا تعمم ,, أنا عارف إنه فيه ناس والله تأخذ من أهاليها .. بس لو واحد شاف له احد احسن منه وسكن معاه بالله ايش راح يكون حالهم ؟؟!

على العموم اتمنى لكم التوفيق وتتيسر اموركم

يا حبيبي مو كل واحد يحب يسوي قروب
الناس اشكال واجناس وطبايع تختلف
أنا قلتها كفكره يا رجل
إنت غير ملزوم تعمل بها بس أنا قلت لو , ولو تندرج تحتها معاني جمه
يعني أنا عرضت أحد الحلول اللي تمشي أمور الناس , ربما لا تعجبك وربما أحد سيعمل بها ,, أيضاً ربما يندرج تحتها معانٍ جمه
أنا لو يعرضون علي طلاب اننا نسوي قروووب
انا عن نفسي ما أوافق :
رأيك يا حبيبي ورغبتك وإنت حر فيها أكيييد
عدة اسباب :
1) أنا طالع برا ودي افتك من شيء اسمه عربي .
طالع برى تبي تفتك من شيء اسمه عربي ؟؟!
شوف أنا أفهم كلامك هذا بأحد احتمالين
إما ان تقصد كبشر وتكون مخطأ بقصدك ..,
وإما أن تقصد كـ لغه , فحاابب أقول لك تقدر تتكلمون انجليزي سوا ومكالمتك لأهلك يومياً أو شبه يومي تكفيك إنك ما تنسى اللغه << فيه ناس ساكنين مع بعض ويتكلمون إنجليزي أغلب وقتهم (ما قلت ما يتكلمون عربي أبد)
2) لجة وصجة ويروح ابتعاثنا على البلايستيشن .
أقل واحد تجده مبتعث عمره لا يقل عن 18 سنه
يعني الكل فاهم وواعي ,, هل يعقل لمن أسكن مع أحد خلاص أفلها وأسحب على الدراسه ؟؟
بالعكس أسكن مع أحد نفس تخصصي ونتعاون لو صار فيه إشكال بشيء يخص الماده (كما سنفعل أنا وأصدقائي بعد سنةِ اللغه)
3) اذا كان الواحد بيسوي قروب يسكن عند عائلة افضل له .
لو تعووود إلى مواضيع المنتدى تقريباً قبل 7 شهور تجد إنه فيه ناس السنه الثانيه بالجامعه وساكنين مع عائله ,, منهم بنت أخبر ردها
اتوقع انه فيه سلبيات كثير، لكن هذا الي احصره الان .*

ى قل

الابتعاث فيه نوعاً من السلبيه واستغلها البعض , من ذهاب للبارات وووو ... الخ ,, بس الغالبيه ما قد ذهبوا لبارات هل يعقل أن نقول الابتعاث سلبي ؟؟!

لو نشغل عقولنا شوي ونتعاون ,, وما ننسى الهدف من ذهابنا للخارج والله نكون ملووك ,, خاصه اللي في مدن غااليه والله إني اتضايق لمن أعرف احد ما تكفيه المكافأة بالرغم لاني مبتعث زيهم ولا هي تخصني بس تحز بالخاطر

بالتوفيق ...,

يعني الواحد لازم يسكن مع قروب حتى يدبر نفسه
يعني أنا مستحيل استفيد من المكافئة الا لما اسوي قروب !!!
اخوي الناس غصب يسوو قروبات ، واذا ما سوو قروب ضاقت عليهم الدنيا بما رحبت !! …خير انشاء الله
يا الحبيب مين قال لك غصب ؟!
يعني الكل قرأ ردودي ما أحد قال إني قلت غصب
أنا قلت هذا حل لو إنه ما زودوا المكافآت ,, زي ما فيه أحد في نيويورك وغيرها بأمريكا مظلومين بالبعثه , فيه ناس في أونتاريو بكندا وسيدني بأستراليا ومانشستر في بريطانيا
هل يعقل الدوله تزيد لكل هؤلاء ؟؟! يا الحبيب تراك تتكلم عن 120 ألف مبتعث ومبتعثه مو بـ 20 ألف , السالفه مو هات وخذ وانتهت المشكله يبيلها حسابات
بعدين تبون شيء , انسوا إنه يقسمون أمريكا أقسااام غالي ورخيص ومتوسط كذا ما تجي بالعقل ..
أنا عن نفسي ما ابي قروبات ابي اكون مع عائلة او اسكن لوحدي … والمكافئة ما تكفيني وش اسوي ؟
طيب لمن تكون حالتك الماديه كأغلب الشعب متوسطه والمكافأه ما زادوها ,, بتجي تقول إلا أسكن مع عائله ما يخصني .., يا خي انت اللي فكر بعقل قبل لا تقول لنا فكروا بعقل
اروح اطلب يد الناس يساعدوني ، او أظغط على نفسي من ناحية مالية وأكون قلقان ولا اركز في ادراستي !!!!!!!!
مو على شان كذا قلت لمن ما يزودون مكافآت سووا هالحركه ,, قالوا يا زيد إيش حادك على المر قال الأمر منه ,, يعني إنت ما تبي هالحركه برااحتك بس لو ما زودوا المكافأه إيش راح تسوي ؟؟!
الواحد لازم يفكر في غيره مو نفسه فقط
يا خي لا تقيولنا شيء ما قلناه
وقلتها وقبل وهالحين أقولها من جديد والله ثم والله ثم والله لما أجد موضوع إنه شخص في نيويورك او واشنطن أو أونتاريو أو سدني أو اليابان هالأماكن الغااليه المكافأه ما تكفيه والله إنها تحز في خاطري

تبي الصراحه انا تفاجأت من أسلوبك هذا وإنك ما تقرأ الردود صح في حين ما أح اعترض على ردي للحين غيرك ما أدري ليش بالرغم إنك للحين ما خرجت وعرفت سياتل زيين


لكن أبي أوضح لك شيء قبل أربع شهور قدمت أوراقي على معهد جامعة سياتل وكنت رايح لها لكن حصل لي ظرف ما وهونت وبعدين غيرت على فلادلفيا
بالله إيش هي سياتل وغلاها اللي تشكي منه ؟؟! وأذكرك لمن تروح هناك راح تلقى سكن أقل من 1200$ اللي مختاره انت هالحين ويكون أفضل

وأتمنى لك دراسه ممتعه بعيده عن الضغوطات

بالتوفيق ...,