سؤال حول اختلاف اسم في الشهادة والجواز

نعم يؤثر ولديك طريقتين لحل الاشكال:
الاول: إذا كان جوازك قديم وحاب تجدده أو حتى لو باقي فيه سنتين فأنا افضل تجديده في هذه الحالة روح جدده واطلب تعديل اللقب بما يتوافق مع الشهادة.
الثاني: تروح انت بنفسك غلى شؤوون الاختبارات في منطقتك وتطلب منهم تعديل الشهادة و حسن السيره والسلوك بما يتوافق مع الجواز و تنتهي المشكلة

تحياتي وبالتوفيق

أنا نويت إني ما أشارك في هالمنتدى لكن حأجاوبك عالسريع.

بالنسبة لسؤالك فيه نوعين من الأجوبة اللي حتسمعها من الناس:

1- رد من ناس نقدر نقول حريصة (لكن ليس مبني على أي تجربة أو خبرة): وهو أنه ما ينفع ومصيبة وعلامة من علامات الساعة الصغرى وجود (مسافة)

2- رد من ناس راحوا أمريكا وتعاملوا مع مختلف الأجناس والألوان من البشر و (التقنيات): أول كلمة راح تسمعها ( روق بالك) و التعقيد اللي تحسبه في أمريكا ترا ما حولك أحد وحتى إن تطور الوضع كلمة من هنا وكلمة من هناك وتنحل الأمور

بالنسبة للشهادة ترا والله ما يطالعون فيها، صح مستند لكن مجرد مسافة مو مشكلة يعني ما راح يجيبون القلم السحري عشان يكتشفون الشهادة اللي نص العلامات اللي فيها توحيد و تفسير مزورة ولا لأ ولا راح يرفعون الشهادة في الهوا عشان يشوفون العلامة المائية، وحالة ثانية لو اسمك فيه اختلاف مثلا a بدل e أو i بدل y ترا (عادي) وتقدر تقولهم ببساطة اسمي ينكتب بطريقتين و(تسلك الأمور) لاحظ معي (تسلك) لأننا قاعدين نتكلم عن شهادة والغرض من الشهادة اثبات درجاتك

لكن لمن نجي نتكلم عن جواز وفيزا وتذاكر سفر هنا أقولك انتبه لا تدخل نفس في مشاكل انت في غنى عنها، اسمك لازم يكون مطابق ، ليه لأننا هنا محنا قاعدين نتعامل مع الحبايب اللي في الجامعة لا انت هنا تتعامل مع TSA والشغلة شغلة أمن

--------------------------------------
ملاحظة أخيرة: تبغى تروح تغير اسمك في الشهادة الله يستر عليك محد ماسكك موعشان اني مثلا ماني متأكد من كلامي أو يمكن يطلع غلط لا إن شاء الله ما عمري نكبت أحد لكن حبيت بس أوضح لك الواقع وبس

نفس المشكله الي حصلت معي بس انا كان القب بشهاده غير عن الجواز يعني الاسبلينق مو مسافه ..~
و شرط ان تكون الشهاده مطابقه للجواز >> كلام موظفات الوزاره
والحل انك تروح من الصبح للرئاسه العامه وتطلب تعديل او بدل فاقد ويتعدل الاسم وامورك تصير تمام
او تجدد جوازك مثل ما قالوا بس الشهاده اسهل ما يبالها شي

الله يوفقك ويسهل امورك

مشكورين يا أخواني على سرعة تجاوبكم معي وشكرا ً لكم
وباخذ على كلام الأخ TGT لان قريت كثير مثل كلامه
وشكرا مرة اخرى للجميع

عفوا اخوي بس إلي يقول لك مسافة ما تفرق تراه يتكلم على ضربة حظ أنا اعطيك إلي صار لي بالضبط :
طبعا السالفة سالفة مسافة زي ما قلت يعني الموضوع مشى سهالات في البداية ويوم خلصت اللغة وجيت احول للجامعة طلع اسمي مو موجود بالسيستم اصلا عندهم بالجامعة بالرغم من كوني ادرس في نفس معهد اللغة حقهم. وبعد الاخذ و الرد تأخرت حول يومين علشان يلغى الرقم القديم و يعتمد الرقم الجديد وهذا بعد محاولات معاهم انهم يخلصوني بسرعة علشان يمديني اخذ اجازة اقضيها بالسعودية و مثلك عارف بعد سنة غربة منت ناقص تتأخر يومين علشان سالفة تقدرر تتفاداها من الحين تحياتي

ايش دخل المسافة طيب ماني شايف في ردك أي شي يدل أنه المشكلة من المسافة اللي في اسمك؟

-اذا اسمك ما طلع في السستم مشكلة الجامعة يعني تبحثين معهم عن السبب والمتسبب

- اذا الاسم يبغاله تعديل تروحين ادارة خدمات الطلاب وتطلعين جوازك وتقولين يا الحبيبة بالله المسافة لو سمحتي على الطاير شيليها وتوقعين على ورقة و سلام عليكم مو لازم رقم ايدي جديد ولا شي يعني لا تقنعيني انه عشان مسافة في اسمك ((((اللي في الشهادة الثنوية المترجمة اللي في الدرج المغبر)))) حلفوا يمين ما تدخلين الجامعة عشان التزوير وبعد حب خشوم و عشا قالوا تم!

-ومرة ثانية زي ما قلت في ردي اللي فوق ( كلمة من هنا وكلمة من هناك)وينحل الموضوع واحس انك مبالغتها في سالفة اليومين، عاد لا تقولين لنا رحتي لهم يوم الاثنين الساعة 4 ونص العصر وقالولك كلمي واحد ثاني بكرة الصبح الساعة 8 لأنه الحين خلص الدوام وحسبتيها علينا يومين!

-------------

ياريت بس تربطين لنا بين مشكلتك اللي في الجامعة والمسافة اللي في اسمك ووين كانت الغلط اللي باسمك بالضبط؟ هل كان في الشهادة الثانوية زي ما سأل راعي الموضوع و انا وضحت له في ردي ولا كان الغلط في مكان ثاني؟ عشان نكون واضحين بس في سالفة ضربة الحظ

طيب انا شهادة الثانوية اسم الوالد IBRAHEEM وفي الجواز IBRAHIM اروح اغير الشهادة صح ولا لا؟

أضن اني ما كتبت المشكلة إلى وهي معروفة يعني ما يحتاج كل شوي نقول المسافة إلي ابتلينا بها لكن كرمال عيونك أقول لك إن اسمي مسجل بالمعهد بمسافة لكن بالجواز الاسم بدون والخطأ مو خطأي الخطأ من قبل مكتب القبول لذلك هذا الاخلاف أوجد لي رقمين بنفس الجامعة ما ي}دي إلى اتهامك بالتزوير في أحدهما وهذي كما تعرف مصيبه لو ابتليت بها بس المعهد حل الموضوع وقال ان الخطأ من قبلهم هم لذلك احتاجوا اعادة تدقيق المستندات و مطابقتها مع الشهادات لتأكي أن المقبول بالجامعه هوه أنا مو غيري وهذي الاجراءات تأخذ قرابة الاسبوع نضاما بس بعد مراجعتي لهم و وصل الامر الى استعطافهم لكي يتم استعجال الامر كوني عندي رحلة مغادرة بعد اربعة ايام إلي من بينها الويك ايند أنهوا الموضوع بيومين فأنا أقول أخونا دام عنده وقت وقبل ما يبدأ التقديم يضبط اموره ويمشي مرتاح البال مو ناقص تجيه مشكله منيه ولا مناك وينحاس بعدين وسالفته ما تاخذ أكثر من يوم لحله ليش يحط نفسه في احتمالات هوه غني عنها تحياتي لك وأتمنى الصورة وضحت

أول شي معليش كنت أحسبك أنثى (نور) =مؤنث

المهم

انت رديت على نفسك بنفسك المشكلة من مكتب القبول مو الشهادة

كلامي جدا واضح ومفصل بالنسبة لموضوع الشهادة اللي تهم صاحب الموضوع

وحتى انت سالفتك واضحة وضوح الشمس مقدم انت على الجامعة ( عارفين مو انت المكتب بس المكتب وسيطك) باسم مختلف فالمشكلة مشكلتك مو الجامعة يعني الزبدة لمن تقدم على الجامعة الاسم يخش الكمبيوتر اتمنى تفتح عقلك معي الكمبيوتر تفرق معاه المسافة وعشان كذا اسمك ما طلع مطابق.........

الزبدة مالي خلق افسر واحلل مشكلتك اللي صارت لك

كلامي اللي في ردي اللي فوق الحمد لله ماله دخل بمشكلتك وبس هذا اللي يهم الرجال