افكار تأتــيني تـطالبـني بألـغاء بعثـتي....

( ( من طلب العلا سهر الليالي ))

اذ تبي تكون افضل واحسن .. لازم تقسى ع نفسك شوي
ياخوي الفرصه الي معاك .. يتمناها الف ولد والف بنت
واذ ع عمرك .. اعرف واحد كمل دراسته ليلي من متوسط لين الثانوي
وهو اكبر من عمرك .. والحين هو مبتعث ومعه عياله وعمره حدود 35 سنه ..
اذ بعد الجامعات مو لقين وظايف .. قلي شنو الشركه الي بتقبلك .. وشنو المرتب ؟؟
تاكد اخي ان سبحانه لايضيع تعب عبده وهو احن عليك من امك وابيك
هالهواجس كلها .. بسبب قروب السفر والي زادها معاك انه بشهر رمضان
صلي ركعتين وستخير وربي بيخيرك من عنده ..
موفق ........ برعاية الله

تعليقاً على موضوعك ياصاحب الموضوع

انا في بدايه فتره ابتعاثي كنت افكر بنفس التفكير الي انت تفكر فيه ويمكن اكثر خصوصاً اول شهرين الى ثلاث شهور من فتره غربتي
احياناً تكون همتي فوق عاليه واحياناً تكون همتي تحت نازله وكانت الهواجيس والأفكار تلعب فيني يسار ويمين والشيطان يوسوس لي خصوصاً قبل لا انام كل يوم
ا فكر وافكر وافكر وافكر كيف راح يكون مستقبلي ! هل تخصصي مرغوب ! هل راح انجح وكمل في الجامعه ! هل اذا رجعت راح يكون عمري مناسب للوظيفه !
بصرآحه كنت تعبان مره وكانت الافكار هذي تجيني كل يوم وعشان اختصر عليك الموضوع وقولك كيف راحت هالأفكار السلبيه من مخيلتي وكيف قدرت اتخلص منها !!
بـــــالـــــــــــــــــــــــــــــــــــــــصــ ــــــــــــــــــــــــــــــــــــــــــــــــــ ــــــلآه والأذكــــــــــــــــــــــــــــــــــــــــــــ ــــــــــــــــــــــــــــــــــــار والـــــــــــــــــــــــــــــــــــــــــــــــ ــــــــــــورد اليومي
الي كنت اعاني منه هو وسواس شيطان رجيم تمكن مني عشاني عطيته مجال لإني ماكنت احافظ على صلاه في وقتها كنت اصليها مره وحده وجمعها مره وحده ماكنت قريب من الله سبحانه وتعالى ماكنت اقرأ اذكار الصباح والمساء ماكنت محصن نفسي حتى تمكن الشيطان مني
ولكن ولله الحمد والشكر بعد جلست مصارحه مع نفسي عرفت السبب عرفت ليش هالوسواس وهالأفكار السلبيه الي كانت تجيني حتى سيطرت علي كانت بسبب بعدي عن الله سبحانه وتعالى وتقصري في اداء فروضه وواجباته وبعد هالمصارحه قررت اني احافظ على صلاتي وماخليها مهما كانت الأسباب والأحداث
وماخفيك قمت بنفس الوقت واللحظه وصليت صلاه لذتها الى الآن في قلبي
من بعد ماخلصت من صلاتي ولله الحمد قمت ونمت كالعاده لكن الي فرق معاي
(( ر آحت الافكار السلبيه والهواجيس الي كنت افكر فيها من اول ركعه سجدت فيها لله))
من بعدها عطيت الله سبحانه وتعالى وعد ووعدت نفسي المسكينه !!
اني احافظ على جميع صلاواتي وفروضي في وقتها وصليها في اي مكان اي كان وفي اي زمان في وقتها ولله الحمد الآن انا في تحسن كبير كبير كبير جداً خصوصاً في نفسيتي وفي صحتي والأهم الافكار السلبيه والوساويس الي كنت افكر فيه اختفت تماماً من بعد مدوامتي على الصلاه كنت كل يوم اقرأ اذكار الصباح والمساء وايه الكرسي وذكر الله دائماً على لساني لدرجه اني احياناً وانا امشي رايح للبقاله او للنادي كنت اذكر الله وسبح وصلي على الرسول عليه الصلاه وسلام ولله دون قصد لكني تعودت عليها حتى انه بعض الشباب كان يحسبني اني اتصنع الشيء هذا !! كنت احياناً اذكر الله واحنا نمشي واصلي على رسول عليه صلاه وسلام فكانوا يستغربون لإن ملآمح الإلتزام مو باينه علي مسآكين ايه وربي مسآكين مايدرون ولا يشعرون بالذه الي انا حاس فيها وانا وانا وانا وانا مهما سويت من ذنب ومن معصيبه ماراح انسى ذكر الله ولا صلاه على النبي عليه صلاه وسلام لإن الله غفور رحيم ويغفر لعبده ويرحمه
الحمد و الحمد والحمد حالتي الآن تحسنت كثير جداً والوسواس والافكار السلبيه راحت مني بتات البته ولله الحمد هذا كله كان من عمل الشيطان الي لقى فيني بيئه مناسبه لبث افكاره الجهنميه وسوستي ولعب في نفسيتي لإني كنت موفر له البيئه المناسبه حتى طردته اشد طرده بصلاتي واذكاري اضف الى ذالك انفتحت لي ابواب الخير انضميت للبعثه ورزقت بفلوس وارتاحت نفسيتي الحمد لله على كل حال ربي ادم علي هذه النعمه ولا تحرمني ايها وصدقني اخوي انت والي يقرون الآن
انا ماكتبت هالكلام هذا الا عشان تستفيدون وتدعون لي وصدقوني الكلام هذا صحيحه واشعر بنتايجه الآن
وبستشهد لك بالآيه الكريمه هذي مع تفسيرها

جمع لك مكافئتين كذا وابدأ بها تجاره والغ البعثه ماتدري وش بيصير فالمستقبل

شكلك تمزح اي مكافئة اللي تجمعها وتبدأ مكافئة
حاول تساعد الشباب بأنك تجيب قبولات لهم في معهدك وجامعتك وتنسق مع مكتب الطلاب الدوليين وطلعلك كم قرش
ع العموم هذي من الفرص النادرة اللي ممكن تتيح لك اياها اي دوله ... فتعوذ من ابليس ... او يمكن ولايتك ممله عشان كذا تبغى الفكه

ع العموم انت خايف اذا دخلت الجامعه ما تعرف تتكلم معاهم يعني اجل كيف خلصت اللغه

أهلين اخوي بالله الخيره انصحك تبعد عن الناس المهبطين مادام عندك طموح انك تخرج من امريكا وبعدين تخصصك مطلوب من الشركات الكبرى واذا على عمرك لسى صغير صدقين انها فرصه انك تكمل دراستك برا والله ان السعودين محسودين من الدول المجاوره في برنامج الملك عبدالله شد حيلك والله يوفقك ويسعد دنيا واخره وخل عنك الوسواس اخ ناصح ومحب لك وتقبل مروري

انا عمري 25 سنة وطالع اكمل بكالوريس وبرجع وعمري تقريبا 29

وانا اخوك الشهادة للمستقبل ولا تعتد انك بتجني ثمارها مباشرة ،، ممكن تتوظف بوظيفتك الحالية ما فيه مشكلة لكن مستقبلك بيظل محدود بعكس لما تكون معاك شهادة من برا ،، مستقبلك بيكون أقوى وبتكون مهيأ انك تمسك مناصب كثيرة

انا ضيعت على نفسي فرص كثيرة جدا بحجة ان ما معاي بكالوريس !!!! وانا الآن خربت أبوها واستقلت من عملي وبطلع ادرس من برا مع امي متأكد اني لما اجي ماراح احصل زي راتبي الحالي ،، لكن وانا اخوك انظر للمدى البعيد بتشوف الفايدة

السلام عليكم ،

جبتـها ع الجـرح يا يالله الخـــيره ،، وعلى قول أحد الإخوان شيطانك وشيطاني بينهـم قرابة

الحـاصل ،، إني ما بعد رحــت لامريكـا ان شاء الله بعد شهـرين

مع العـلم إني على رأس عمل في شركة بترو كيميكال ،، راتـبي 8000 الاساسي ، بدل سكن 40.000 سنوي

وتـوني مستـقر وتزوجــت ما صارلي سنة ،،، عمري 27

مع هذا بعد شهـر من الان وانا اخوك راح أقدم استقالتــــي واروح لامـريكا للدراسة ..

انا توظفت وشفت الفـارق بين ابو شهادة والثاني وخصوصا انك تـبي تدرس هندسة ميكانيـكا ،، عز الطـلب والله وانا اخوك

بالنسـبة للأهـل والأصحــاب صحيح فراقهم صعـب وما تصدق لو اقولك اني تركــت الجامعة على شانهم

والان اندب حضي ليــل نهـار خصوصا اني كنت متوفق بالدراسة ،، لكن هل يفيدونــك ؟؟

والله بعد الله ما يفــيدك الا شهادك معك شهادة ترقى فــوق باذن الله وعشان هالشىء راح اترك وظيفتي الجمـيلة

استـعن بالله ولا تعجــز

تكفى ما ودي تحس بالشعور اللي حسـيته بعد سنين من تركي للجامعة هنـا بالسعودية فما بالك بامريكا

الشاعــر البدوي يقول ،، حث المطايا وشرقها وغربها ** واطحن بها في واسع الفيد غربالي
ان المنايا اذا مدت مخالبهــا ** تدرك لو كنت في جو السما العالي

الدنـيا تشريق وتغريب وتكسب خــبرة ،، حتى لو فشلت صدقني بتكسب خبرة في حيـاتك على الاقل تنقلها لعيالك

من ناحية الدراسة ،، كثــير من الاخوان يقولون هالشىء ، ان الدراسة في أمريكا اسهل من دراستك هنا بالجامعات السعودية

أنت خش اول تــرم وما تدري كيف السنين يمروا قوام ،، على قولتهم

السنــين تمشي ،، ورعان الحـارة الحين مهندسين ما شا ءالله عليهم

وش ناقــصك ، النفس مهما كان تموت وما لحقت هواها واللي تــبي

أهم شىء ودي أوصله لك أن شعــور الندم والله مريــر ويمكن يخليك بعد ما تنكسل البعثة وتجلس عند أهلك وتتوظف وظيفة

وما تشوف نفسك فيها ولا ترتقي بك ،، من شدة الندم اظن راح تسعى وتحاول انك تترك وظيفتك وتروح تدرس على حسابك بره

املا بالالحاق بالبعثة .

اسـال أحد اصدقائك اللي يصعب عليك فرقاه ،، قله يا فلان جتك بعثة لامريكا وش تسوي تروح ؟؟ أغلبهم يطيرون

هذولا اللي انت تفكر فيهم ويدخـل عليك الشيطان من جهتهم ،، مافيهم خـير اذا ما شجعوك

المسألة وما فيهـا تبيلها حظ أو واحد عانى وجرب .. وانا ما كان معي حظ لكن عانيت وجربت وطلع قلبي الحيـن

بالنسـبة لعمرك أنسب عمر ما شاء الله تبارك الله ، منت اللي صغـير بالعمر المتقبل اكثر من غيره للطيش واللعب والشهوات

ولا انت اللي متأخر حــيل تعدى الثلاثينات .

لا تشيل هـم وظيفة ورزق ، فهو مكتوب ،،، سبحان اللي يرزق الداب العمـى

لكن المسألة احسن ما فيه انك تتعــلم ياخـي

معلش على التـأخــير انا اكتب واحاول اقنع نفسي قبلك ببطلان هذه الأفكار

وفق الله الجمــيع

اقول يالله الخيرة الرجال عطاك العلم الوكاد ان عقب هالرد مارحت جيتك وذبيتك في القليب << ماعنده أسلوبك

رد نثر عطره ورحل اعطانا دفعه قويه الى الامام الله يلهمنا عزيمته وثباته ويوفقه ويسهل اموره
ان اتتك الافكار تطالبك قل((اللهم اني اعوذ بك من همزات الشياطين واعوذ بك ربي ان يحضرون))

هي ليست افكار انما همسات شياطين
كررها وستنتقل من دائرة الهواجس المحيطه بك الى تطلعات ايجابيه وذهن صاف

كفوووووووووو ونعم الرد

مابعد هالرد شي خلاص والله يوفقك وماتدري وش الخيره به
لكن ارجع لامريكا وكمل دراستك وربي يوفقك واهم شي الصلاة بوقته
والله يوفقك وين مارحت
اخوك قمران
ودي واحترامي