بعد الانتهاء من معانات الاجراءات تطلع لي مشكلة الاحوال
مرحبيتين كبار للكل ..
انا اكتشفت مشكلة جديدة .. الله يعين بس
اكتشفت ان بطاقة الاحوال مو موجودة الشريحة الصغيرة اللي تكون بالخلف مدري من متى طايحة
السوال اللي مخوفني هل هالشي ممكن يكون سلبي ؟؟ او يسبب لي مشاكل بالمطار او في امريكا
ماودي اطلع بطاقة جديدة لاني تعبت من الاجراءات والانتظار ولان ورحلتي باقي عليها 3 اسابيع
ياليت اللي عنده خبرة يعلمني
وسلامتك
رد: بعد الانتهاء من معانات الاجراءات تطلع لي مشكلة الاحوال
قبل لا تسافر تحط بطاقة أحوالك في دولابك اللي في غرفتك وتشوفها مرة ثانية لمن ترجع السعودية في إجازة إن شاء الله
أتمنى جوابي واضح
رد: بعد الانتهاء من معانات الاجراءات تطلع لي مشكلة الاحوال
من جد الله يعينك روح الاحوال واسألهم ولا تتظر احد يجاوبك لان دا شى رسمى وان شاء الله يارب تتسهل معاك
رد: بعد الانتهاء من معانات الاجراءات تطلع لي مشكلة الاحوال
حطها في البيت ..
ولاتشوفها الا لما ترجع .. السعودية زي الي رد الي فوق
رد: بعد الانتهاء من معانات الاجراءات تطلع لي مشكلة الاحوال
اخوي بطاقة الأحوال وشتبي فيها مالها لزمة خذ صورة منها بس ماراح تحتاجة الا في الملحقية لاجيت تفتح ملف يطلبون صورة منك الاصلية ماراح تفيدك ابدا وأزيدك من الشعر بيت قانونيا ممنوع تسافر خارج المملكة وبطاقة الاحوال معك
لاتصير مثلي أخذتها معي يوم كنت في بريطانيا وماحتجته نهائيا حتى الصورة الي طلبوها الملحقية طبعته من أيميلي وبعد سبوعين ضاعت المحفظة والبطاقة فيها يوم رجعت السعودية بغيت اتوهق من حضي اني كنت اعرف مدير الاحوال المدنية قالي اياني وياك تقول انك ضيعتها برا عليها مسائلة قانونية والحمدالله رقعته على اساس اني ضيعته في السعودية
من الأخير لاتاخذها معك والله يسهل عليك.
رد: بعد الانتهاء من معانات الاجراءات تطلع لي مشكلة الاحوال
مشكورين كلكم
الله يطمن قلبكم مثل ما طمنتو قلبي
والله يقدم اللي فيه الخير ويسهل لنا امورنا