تكفوون ادخلو باقي اقل من شهر

السلام عليكم ورحمة الله وبركاته

اول شي اتمنى من كل اللي يدخل يترك تعليق مهما كان بسيط

يا اخوان انا مبتعث الى ميامي معهد اللغة في جامعة فلوريدا الدولية (English Language Institute
Florida International University)

وتاريخ بداية الدوام 22-8 ولازم اكون متواجد قبلها بمدة كافية

عندي كم سوال ابيكم تجاوبون عليها لو ما عليكم امر لان ما بقى شي وانا ميح مو عارف اي شي عن المدينة

الجامعة ارسلو يوم الجمعة انهم راح يجهزون الاي تونتي الاسبوع الجاي ( اللي هو الاسبوع هذا) وراح يرسلونها للمكتب الثقافي والمكتب يرسلها لوزارة التعليم العالي وانا استلمها منهم

كم مدة تجهيز الاي تونتي ومتى توصلني للكويت؟

اذا وصلت الاي تونتي هل صحيح ان الفيزا تطلع باقل من اسبوع؟

كم اسعار اجارات السكن في ميامي مع عائلة او شقة ؟ وايهم افضل؟

بالنسبة للشقة هل يوجد في ميامي شقق موثثة وكم لازم يكون مدة العقد؟

ضروري اشتري سيارة في اول الايام او تمشي المواصلات؟

كم يكفيني شهريا تقريبا؟

اذا كانت الشقق غير موثثة كم تقريبا تاثيث شقة غرفة وحدة او ستوديو؟

هل المنطقة اللي فيها الجامعة امنه او اسكن بمنطقة ثانية؟

هل ميامي عموما امان واي ساعة لازم اكون بالبيت؟

اذا لا سمح الله ما امداني اوصل امريكا قبل موعد الدراسة وتاخرت كم يوم هل يحقلي اني ادخل امريكا وادرس في المعهد؟

وبالختام ارجو من اي واحد عنده اي معلومة مهما كانت بسيطة لا يبخل علي لاني فعلا محتاجها ما بقى شي عالسفر وانا ما سويت الفيزا ولا حجزت تذكرة ولا سكن ولا شي.


ومشكورين مقدما

كل الاسئله ماعندي اجابه لها
الا : ماتقدر تدخل ب I-20 منتهي حتى لو الفرق يوم واحد ماراح تقدر تدخل فيه
بالتوفيق

شوف .. ميامي ..فيه الخير وفيها الشر

ماعليك .

الاسكان عند العوائل تحصل من 600 الى 900 + التأمين

الشقق بعد من 1200 ألى 1800 .

عاد مدري فيه مقاطعات بفلوريدا غاليه .. والظاهر اغلاها ميامي

الاي تويني ..يجهز في اسبوع وبالكثير اسبوعين

اذا جاك الاي تويني ابد قدم على الفيزا ..

مثلاً لاسمح الله ان الفيزا تأخرت عليك
ومر يوم 22 /8
عادي تكلم المعهد يجددونه لك بنفس رقم السيفيس

بس ماتقدر تدخل امريكا بعد يوم من بداية الدراسه

بس

وبالتوفيق ان شاء الله
وان شاء الله اكون افدتك

الله يعطيكم العافية بس السكن غااااالي تتوقع ما احصل ارخص؟