الأعضاء الإشتراك و التسجيل

الملتقيات
ADs

عديت شروط البعثات ... بإيش تنصحووني ؟

عديت شروط البعثات ... بإيش تنصحووني ؟


NOTICE

تنبيه: هذا الموضوع قديم. تم طرحه قبل 2348 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Dr.will
    Dr.will

    مبتعث مستجد Freshman Member

    Dr.will نورو

    Dr.will , أنثى. مبتعث مستجد Freshman Member. من السعودية , مبتعث فى نورو , تخصصى شيء سيفيد المجتمع ! , بجامعة لازالت تنتظرني
    • لازالت تنتظرني
    • شيء سيفيد المجتمع !
    • أنثى
    • مدينة الأحلام, حيثُ أحلامي
    • السعودية
    • Oct 2009
    المزيدl

    July 11th, 2011, 06:29 PM

    السلام عليكم ورحمة الله وبركاته

    انا طالبة سعودية متخرجة السنه ودوبي اليوم اخذت نتيجة القدرات والتحصلي والحمدلله اني عديت شروطهم على الحفة يعني
    81 وفي المدرسة فوق السبعة والتسعين

    انا الحين تقريباً ضمنت القبول بدون تقديم على الله في البرنامج

    بس مازال في شي جدا محيرني وشاغلي بالي وسارق مني النوم

    انا ودي على طب بس ابي شهادة قوية ومحرمي مايرضى الا بالأفضل ويبيني اروح امرريكا يقول حرام الغربة على جامعه يمكن جامعات السعودية أفضل منها ؟

    فهل انتو تنصحوني اروح دولة اوروبيه وجامعه عادية وادرس طب مباشرة ولا اروح امريكا وادرس بكلريوس علوم طبية
    ثم ادخل طب ؟ ماعندي مشكلة بالوقت اللي بيضيع ماهوب مهم عندي قد ما تكون شهادتي قوية ووظيفة مضمونة ان شاءالله

    فأنا داخله على الله ثم عليكم ابي استشيركم و ماخاب من استشار انتو في امريكا مجربين العيشه والحياة هناك
    وتعرفون اكيد أحد دخل علوم طبيه عشان يصير دكتور ابي اعرف هل القبول مضمون تقريباً ولا عادي تضيع علي
    السنين اللي درستها ولا انقبل طب في امريكا ؟؟؟؟

    يارب تكونو فاهمين سؤالي وتفرجون همي بردكم لأني ماقليت حل الا اكتب لكم بعد الإكتئابات اللي كانت تجيني ومحاتاتي لنتيجة التحصيلي بس الحمدلله الحمدلله ^_____^
  2. انا انصحك تغيير الدوله ،، لدوله غير أمريكا ،، بحكم قبولات الطب أنها صعبه نوعا ما في الحصول على القبول بها للأمريكان أنفسهم ،،
    عندك المانيا وبلجيكا ونيوزيلندا ،، وغيرها دول كثير سهل قبول الطب بها ،،
    بالتوفيق لك ،،
    7 "
  3. حياك أختي أول شي مبروووووك تفوقك؛؛؛

    دراسة الطب في أمريكا معقدة والقبول فيها مو سهل. بالبداية لازم يكون معاك بكالوريوس أحياء أو علوم صحية وهذا يآخذ منك 4 سنوات تقريبا. بعد كذا فيه اختبار القبول حق الطب لازم تعدينه عشان تبدين المرحلة الثانية وهي دراسة الطب وهاذي يبي لها 4 سنوات أخرى. هذا غير التدريب واللغة.. فممكن تآخذين 10 سنوات عشان تآخذين الشهادة. وغالب الأطباء السعوديين اللي يجون هنا بأمريكا يآخذون زمالة ويمشون.

    فنصيحتي لك هي إنك يا تدرسين بأحد الدول الأوربية أو تآخذين البكالوريوس من السعودية وتجين هنا لأمريكا تآخذين الزمالة..

    بالتوفيق؛؛
    7 "
  4. اختي نصيحه من اخ اذا تبغين قبول طب من جامعه قويه جدا عندك استراليا في جامعه قويه جدا ممكن تقبلك بدون سنه تحضيريه بس شدي حييلك في الايلس وشروطهم 7 في الايلس و 97% ثانوي

    والله امس ارسلو لي هذي الشروط على الاميل

    البعثات اعتقد استراليا هذي السنه متاحه
    بتوفيق
    7 "
  5. والله نصيحه اخويه ونصحت اكثر من واحد سواء بنت او ولد
    دام ان درجاتك مرتفعه انصحك تدرسي با السعوديه طب او احد فروع الطب واذا خلصتي بكالوريوس تخصصي في امريكا
    اذا تفكري جامعات اقوى ومدري ايش اقولك ان البكالوريوس ما يفرق مثل الدكتوراة والماجستير يعني في السعوديه او امريكا هو واحد بس تفرق اللغه اللي ممكن تتقنيها في السعوديه والله اصحابي درجاتهم في القدرات والتحصيلي والثانويه فوق +90 والحين هم في جامعه الملك سعود او الدمام طب واذا خلصو بكالوريوس بكملو في امريكا
    حتى امريكا صار الكل يدرس فيها حتى المتخرج من الثانويه ومعدله نازل وما نقبل في جامعات السعوديه يطلع على حسابه ويدرس
    للاسف انا كنت مثلك ودرجاتي نفس درجاتك او يمكن احسن بس للاسف غرتني البعثه والحين والله ندمان قد شعر راسي
    خاصه اني انقبلت طب في السعوديه وفضلت امريكا عليها وللحين بعد ماسافرت بسبب الفيزا اللي طولت خمس شهور
    اذا بتسالي اسالي شخص مر بحالتك مو اي شخص يقدر يفيدك
    والله يكتب اللي فيه الخير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.