عيوب برنامج الابتعاث

دكتور ركان كيف اجزمت ان الهرف الاساسي ليس للعلم وليش؟ عشان السياحه!!!

حلوه ليس العلم لا عشان يمشوونا بامريكا ؟؟ والله عالم
وبعدين لايمنع ان يكون للأبتعاث اهداف ثانويه كنشر الاسلام في العالم الغربي ..من عيوبه عدم تواصل المشرف الاكاديمي المفروض لكل 10 طلاب مشرف اكاديمي مو لكك 500 طالب والله لونه مين مايلحق وبعدين ضغف الرقابه على الطلاب لدرجه بعضهم مدمن مخدرات والملحقيه ترسل له فلوس كل شهر يشتري المخدرات بفلوس الدوله ؟ ؟؟
..

محب الرسول .... لو كان هدفه الاساسي العلم ... كان مو كل من هب ودب ابتعث وتكون التخصصات تفيد الدوله مو تخصص ديكور وفنون ....الخ مع احترامي للمبتعثين للتخصصات هاذي ^_×
NORTHy ..... ايه هذا برنامج للترفيه عن المواطنيين بالسياحه في امريكا خخخخخ ....... اما عن نشر الاسلام فيوجد نسبه كبيره جدا جدا يشوهون صورة الاسلام مو ينشرونه واتوقع انك انت جبت مثال على الكلام هذا ^_×

^^^^^^
طبعا هذا رايئ لا يجي واحد يهاجمني بجميع الاسلحه اللفظيه واني ارتكبت الخيانه العظمى للدوله خخخخخ يعني اللي مااعجبه رايئ يستريح ومو ضروري يقتنع ^_^

حلو راكان انت تقول نن هناك هداف ثانويه كنشر الاسلام اشلون نشر الاسلام وهو مدمن مخدرات وووو كما تقول

بعدي ننشر الاسلام اشوف كثير من المبتعثين خصوصا البكالوريوس يعجب بعداتهم ويقول احنا متخلفين كيف هذا رح ينشر الاسلام

وعليكم السلام ورحمة الله وبركاته

للاسف البرنامج عيوبه كثيرة
من بدايه التقديييييييييييييييييم لين ماتسافر ما قد شفت مبتعث مرتاح صراحه من جروبنا المرحلة السادسه !!
- الملتقى هو اول عيب وخرابيطه وزحمته وعدم النظام ؟؟ غيرا نو مافي مكان تصلي فيه !! ووقته غلط والزحمة والحالة وكل كلمة والثانية تراك رايح بفلوسنا ام الاذلال يحسسونك !! ماكأنه نستاهلها لاننا نطمح للدراسة او لان معدلنا عالي ونستحقها لا يبينون انها مذلة للاسف طووول الوقت مابعرف ليه؟؟
غير المحاضرا ت التحفة يعني لو بقول استفدت استفدت 5% بس لان التعامل مرة سيء غير ان المحاضرات ما تأهلك للسفر ابدا
اشياء واجد عرفتها بالصدفه مع ان الاولى مو نعمل تجارب ببعض المفروض فيه ترتيب فيه تنسيق وهم وقالها احد المحاضرين اللي ماشفته تكلم الا عن شعر ومواقف طريفه كنه جاي يسولف بالملتقى مش يلقي محاضرة تفيد المبتعث المهموم ومسوي ان انا اضحك المبتعث هدف !! المهم كان يقول احنا بهالكرسي وبهالراتب ناخذه لان حنا نخدمكم !! بس طلع كلام خرابيط للجرايد والصج لا احد يخدمك ولا شي انت تخدم نفسك بنفسك ولو توهقت هم مش مسوؤلين؟؟
يعني ما حكوا عن توصيات للدراسات العليا ماحكوا عن تخصص الا بسؤال يقبلونا تخصص معين بعد هالمده تجي بنت تسئل يقوم يقول لها شتان بين تخصصك هذا واللي انقبلتي شوفي لك تسويق او خلاص تتركي البعثة ؟؟؟ سلامات توك متكلم ؟؟وممنوع تغير التخصص فيه ماحكوا ان ممكن التأشيرة تتأخر كانوا كل كلمة والثانية لازم بشهر ابريل الكل مسافر وتخويف وتهويل ليه ما ادري !! ما عملونا اشياء مرة مهمة كلها عرفتها من هالمنتدى بجد بين لنا حقائق كثير وسهل امورنا كثير
غير ان لازم تجي الرياض وكلمتهم عن السفارة كله كذب انك ماتروحين الا الرياض للسفارة خير دافعين لنا التذاكر مثلا ؟؟ قال اللي يقدر يروح امريكا يقدر يروح الرياض مش كفايه اروح اجيب الاي تونتي كل مرة من الرياض؟؟ تعال للاستبيان اللي نبدي فيه رأينا بالملتقى بنت كتبت انتقادات بالملتقى وتعامل الموظفات طلعوا اسمها من رقم الطلب حقها وشرشحوها ههههههه وش تبون تبون استبيان نفاق ؟؟ ام التناقض ؟؟ ويوووه اشياء كثيرررررررررررر بس هذا بالمختصر ههههه

- مرحلة انتظار الاي تونتي للمبتعثة وللمرافق !! ترشحت اسمائنا برمضان وماجا القبول الا بجمادى أول 8 شهور ايووون عارفه قليلة وطبعا مش مع المرافق لاااا هم يدبروا القبول للمبتعثه بس المرافق يجيب له قروش لحاله وشهادة بنكية لحاله ويراسل لحاله وكل شي لحاله يعني كأنو رايح ع حسابه !! شي غريب ها وتظل تنتظر قبولك وقبول المرافق يوووه اقل شي شهر
بعدين وزارتنا الجميلة ترسل تعالي خذي قبولك وممكن يكون لوحده وممكن معاه المرافق انتي وواسطتك كح اقصد انتي وحظك ووين الرياض؟؟والتذاكر والسيارة بقروشك لحالك !! يعني ما في اختراع اسمه صندوق بريد او سكنر وبريد الكتروني لانك تحتاج الاصل فقط لاصدار قرار الابتعاث السفارة تمشي معها نسخة ولا جاهم اختراع اسمه فيديكس طبعا اسطوانتهم لما تقولون لهم كذا من طلب العلا سهر الليالي !!تبين بعثة لازم تتشرشحين وتنذلين وتجين بنفسك الوزارة بس عشان تاخذين القبول ويحددون لك 5 ايام بس مشغول مالقيت حجز ما همنا المهم تجي حتى لو تجي مشي !!5 ايام تكفيك للوصول ولا يفوتكم الرسالة تجي متأخرة يعني يحددوا تاريخ انتهى يعني يكون من السبت الى الاربعاء تلقى الرسالة جايه الاثنين هههههههه يعني قدامك يومين من وقت الرسالة !!

- السفارة طبعا لوحدك تقدم ولوحدك تدفع ولوحدك تحجز موعد ولوحدك تدفع ولوحدك لوحدك لوحدك !! بالعربي منت مبتعث لانو كل شي ع راسك تقديم معقققققققققققققققد ومافي خصوصيه للطالب المبتعث ابدا كليونة بالتعامل لا طبعا حالنا حال اي احد جاي ياخذ التأشيرة والتعامل خايس لأبعد درجة وتيجي للموعد وقروش فيديكس وانت تدفعها من فين وهم خلوك تستقيل مو مهم ولا بعد يبون تسافر للرياض !!
طبعا مافي اي وسيلة تقدر تتابع حاله تأشيرتك وفين وهل هي مقبولة او لا بالعربي متعلق تكلمهم ترسل لهم ايميلات مافيه اسلوووب زفر مرة طبعا طلاب كثير تعدوا ال 100 يوم وبعضهم ال100 يوم وسياستهم نطلع تأشيرة واحد منهم اما المبتعثه او المرافق والثاني نعلقه فوق المية يوووم ليه ؟؟ ماتدري،، مقبولة او مرفوضة ؟؟ ماتدري ،، وتظل تنتظر وتنهم ويقرب موعد الدراسة وتتوتر المفروض تسافر تجهز نفسك للسفر او تجهز نفسك لمستشفى شهار والجنون ؟؟ تجهز نفسك للدراسة واللغة وتدخل دورات وتستفيد او تستسلم للقلق وتجهز كل شي وعقب تخسر التذاكر لان الست التاشيرة ما بعد تنطبع ولا تقدر تسافر الجواز معلق عندهم !! لين ما ينتهي الاي تونتي وتجلس تراسل المعهد بنفسك ها يعني يقولون انك مبتعث !!
غير ان ما في تواصل ابدااااااا مع الطالب وشؤونه واسئلته متعلق ومهموم ومو عارف شي عن اجراءات طلبات اشياء مهمة ابدا ابدا

- تجديد الاي تونتي بعد ما انتهى بسبب التأشيرة طبعا ملاااحق على المبتعث والمرافق تتوقع التجديد سهل مرة مجرد ابعثوا لي باي تونتي نفسه لكن بتاريخ مختلف تطلع السالفة وراها معاملة وموافقة مدير الابتعاث وتعجييييييييييز وتلعن نفسك انك قدمت بهالبعثه اللي طلعت من عينك طبعا المعهد رااافض والملحقية رافضة تجدد لك ليه ؟؟ لازم توافق الوزارة والوزارة ترسل ترسل صافطينك طبعا ما يردون او رد بعيد عن السؤال تقول ما في حل الا تلفون طبعا مايردون عليك او يرمون السماعه بعد طلعه الروح يردون وبرأيهم الحل التحويل لاي دولة ثانية وانسي موضوع امريكا لانهم اخروا لك التأشيرة طيب المرافق طلعت له وخلاص كل اموري ع امريكا كيف اغير ؟؟ اجل تروح عليك البعثة هذا اسلوب اكلم فيه الطالب المبتعث؟؟بعد التي والتي طيب خلاص ترسلين لنا ع الايميل خطاب ليه تبين تأجلين حتى لو بسبب الفيزا لازم خطاب ولازم تعبي هالنماذج هذه !! بعدين ترسلينهم لنا بعدين نرفعها لمدير الابتعاث بعدين نعطيك رقم معاملة وتتابعين اقل شي اسبوع ؟؟؟ طبعا انا حالي كله استفهامات واستغراب السالفه تراها سهلة بس ليه يعقدون مادري؟؟طيب ظلينا ننتظر رد معالي المدير يوافق او لا وتمت الموافقة هههههه ويرسلون بالجوال تمت الموافقه على التأجيل تعالي وخذي الخطاب وترسليه للملحقية طبعا بأمريكا ومن ثم للمعهد موافقة لك انتي بس المرافق غلبان ههههههه يقولون لي وللمرافق لكن اكتشف انه بس لي صارت حالتي كل يوم اكلمهم فاضية وعادي اللي ضيع سنة من عمره ع الفاضي ومتعلق ينتظر هالبعثه بينتظر اسابيع صابه احباط وكره من جد واكلمهم يرسلونه لي ولو نسخة صعب اجي الرياض ووقت دراسه لحالي محد فاضي لي واتشرشح من مطار لوزارة !! وتذاكر وحوسة طبعا رافضين ولما اطلب يقولون كلمتهم المعتادة من طلب العلا سهر الليالي لازم تجين بنفسك وتاخذينه يد بيد وبعد التي والتي ومكالمات وازعاج وترجي ويقولون ماراح تقبل الملحقية الا بالأصل اقول لهم انا ابي نسخه لاني معاملتي معهم على الايميل وش بيفيدني الخطاب الاصلي ارسلوه طبعا كله لالالا ليما اخيرا ارسلوه لي ومن جد لو كنت عندهم لشققته طبعا الخطاب كان على الاي تونتي حقي بس كذا خط خرابيش بالازرق موافق الدراسه بتاريخ كذا كذا بسسسسسسسسسسسسسسسسسسسسسسسسسسسسس وبخط ميالي طبعا مدري حسيتها مسودة مش خطاب!! هذا اللي بصرف عليه فوق الالف ريال عشان اجي وآخذه وبعد مايطبعون قبولي برجع الرياض واخذ القبول وبعدين ارجع الرياض واخذ حق المرافق مسخره ولا لا؟؟ من طلب العلا انذل بالليالي ولسا ماخلصنا مع الخطاب جابوا قبول لي انا بس المرافق غلباااااااااااان اكلم الملحقية يقولون لازم موافقه الوزارة اكلم الوزارة يقولون لي انتي كلمي المعهد ويوصلونه لك ب75 دولار
طيب مو مشكلة قاعدين على بنك ولا السما تمطر فلووس ولا عندكم رقم حسابنا وتعطونا بس يلا من طلب العلا سهر الليالي وموافقين ندفع 75 دولار المهم الاي تونتي يوصل
وظليييييييييييت ياطويلين العمر من انتهاء قبولي لين ماجابوه شهر ونص ولا يفوتكم على ماوصل التاريخ الاول انتهى والتاريخ الثاني باقي عليه كم اسبوع وينتهي وتكلمني الوزارة ونعيد سالفة التذاكر والمواصلات وايام اختبارات وما معي احد وارررررررروح واطق مشواار وبعدين يعطوني بس قبولي وين قبول المرافق ؟؟؟ ماندري عنه راسلي المعهد ويرسله لك بفيديكس
واجي واراسل المعهد قام طلب شهاده بنكية جديده واجددها بمبلغ وقدره قال النموذج مش واضح عبي لي جديد واعبي جديد بعدين طلب توقيع بخط اكبر ونطبع ونوقع ونعمل سكان طبعا بين طلب وطلب مدة اسبوع مش سريعين بالرد لا هم ولا الملحقية ام الاذلال على مايردون بعدين يقول ماقدر اسوي لك شي لازم الملحقيه توافق
ولازال الفلم مستمر ليومكم بكمل ال3 شهور عشان يجددون للمرافق وانا وللان انتظر !!
مع العلم ان الملحقية يردون ع الايميل ما يشوفوا انك ترسل نسخه للمشرف العود لكن لو ترسل له لحاله ما يرد لو تطلع رووحك ما يرد يطنشك او ع المزاج او مثل ماقال البعض يحذفها قبل ما يفتحها ورد مايفيد بشي
ولازالوا يطلبوا اعبي نماذج وموافقه من الوزارة وتوقيع ومدري ايش

بعد هالفلم الطويل فلم الرعب برايكم اكمل ولا انسحب
احس نفسي بجهاااااااد ومن جد لو ادري البعثة كذا كان ماقدمت وطبعا ترشيحنا من شهر رمضان وتقديمنا من شهر رجب كل طلباتهم نفذناها والحين بكمل السنة وانا ما استفدت الا القلق والتوتر والبكاء والطموح اللي كان فيني مااااااااات كرهت البعثه كرهت الدراسة
واخلص من شي يجي شي!!
وكلن يرميني ع الثاني من جد الطالب مسكين لو دريت هيك كنت رحت ع حسابي وعقب انضميت بس تفائلت واجد وبعنا كل اغراضنا واستقلنا وهذا احنا من سنة هههه نقول بنسافر بهالتاريخ ومايتم بسبب الفوضة وعدم النظام وقلة العمل والاخلاص والفساد الاداري اللي حاصل بالملحقية والوزارة للاسف يخافون من المشرف مايخافون من رب العباد
وهذا كوووم وانك تجي الملحقية بالزي السعودي والملتقى بالزي السعودي والشماغ او ماندخلك نفس الشي الملحقية الهيئة عند الباب اللي لابس برمودا ولا شعره مطوله ولو شويه يحلقونه هههههههههه يهتموا بالقشور ويتركون المضمون !!

طبعا هذا من تجربتي انا شخصيا
بعد السفر فيه عيوب والمنتدى مكفي وموفي غير صاحباتي اللي يكلموني وهم ببلاد الغربة !!
احنا ببلدنا وكذا الله يستر بالغربه حتى البعض تراجع وخاف

تحياتي لك ياساطي كرار قلبت مواجعي
ادعوا لي واللي عنده واسطه يكلمني

وش حدك على الابتعاث طالما ان كله عيبوب

بعدين مافيه شي يجي وانت مرتاحه

الابتعاث ليس للعلم فقط انا معاك 100% يطلعون الناس بكثرة عشان يرجعون هنا منفتحين شوي ويمديهم يطبقون الانظمه الي مو قادرين يطبقونها مثل سواقه المراه

لكل شي سلبيات واجابيات

وانتم دايم تركزون ع السلبيات وتنسون الاجابيات

لا تنسون ان في دول كثيره تحسد المواطن السعودي على هالبرنامج

وابسط مثال الطلاب الدوليين الي معكم وشوفو حالتكم وحالتهم وقارنو بينها

وحتى لو ان الملحقيه فيها اخطاء كثيره ما نسب هالبرنامج ونقول عليه كله على بعضه عيوب ومشاكل

دائم ننسى الحسنات ونركز السيئات

888888

888

مايهاب ولا يهمك راح افتح موضوع ثاني واكتب مزايا برنامج الابتعاث

واتحداك لو تطلع الايجابيات اكثر من السلبيات

محتاج تعديل وتطويررررررر برنامج الابتعاث وكثيرررررررر
وانا ما احب اطلع عن محور الموضوع الموضوع مكتوب عيوب برامج الابتعاث عيوب فقط
فشي طبيعي ما حناقض نفسي واكتب مزايا !!
اكيد بكتب العيوب بس

يارب السنوات الجايه يكون اعدل من اللي راحت ويستفيدوا من هالعيوب ويتلاشوها


واتمنا يركزون ع العمر والله حرام هالسنة اللي ضاعت عشان بس اجراءات تخلص بشهر شهرين حتى ما تعدي ال6 شهور؟؟؟!!
ولو حطينا العدد الهائل عذر ليه مانزيد عدد الموظفين !!