عيوب برنامج الابتعاث

ماتراجع في كلامي , جنسيات متدنيه لان مايخدم ولد البلد إلا ولد البلد وماتخدم بنت البلد إلا بنت البلد ! ,
حتى في برنآإمج الابتعاث يجيبون جنسيات ثانية ؟ ليش مايصير مشرف سعودي ؟ !!
ماحد مخربنآإ غير الاجانب ,, في مسك وظايف تخص البلد ومواطنيه ,

واقرب مثال , يجيبون عامل نظافة , هنآإ , والشعب مليان بعظهم ماعنده وظيفة , وشوف الامريكي مايرضآإ توصخ شارعه وهم عمال نظآإفه ,, مابغا اخرج بقوة عن مسار الموضوع , لكن هذآإ , الي حاصل شباب البلد فيهم الخير وفي كلمة حق تنقال " البركة في الشباب"

نقطة حساسه ونتمنى من المسئولين تحسينهآإ , كفايه ماوصلنآإ وزيادة الشيء عن حده , مصيبه في بعض الاخوان قريت لهم في بعض الردود ان حارمه المشرف من جنسية غير سعودية , من مصروفه وبسبب غير واضح ؟ ولمآ يرسل له رساله يتجاهل ويحذف الرسالة ,, ؟ هذآ تصرف؟

اكبر عيب بالابتعاث

ان كل من جاء افتى من عنده

زي اللي جالس يقولونه بعض الشباب حالياً

احس بعض الشباب الله يهداه لاجاء يكبت

يطق له زقاره ومعاها شاهي ويحك جبهته

ويخش بخياله الواسع

وبعدين يبدأ يكتب

شكرا

^ سبحان الله , ’

اسمح لي ..
كنت قادر بالموضوع الاول طرح الاهداف اولا ثم مناقشتها وتحليلها سواء كانت اجابيه او سلبيه
وانت اضعت الهدف .. من طرح الموضوع
لن يستفيد الكثير .. كان الاجدر احتواء كل ماهو متعلق بالبرنامج بموضوع واحد لتعم الفائده .. بدل من تشتيت القارىء
............


انت كبرت الموضوع .. بتكثير شعائبه << خطأك الوحيد
وانا ماقلت ان الموضوع مو كبير .. كانت اقوى صفعه لي بعلمي ان 85% سياحه << وهالامر تناقشته بالموضوع السابق
الا ان غيرك يرا انه لا ضرر من ذالك وغيرك يعلم بصعوبت الامر ويتجاهل ..
وسبب ذكري لثلاث النقاط السابقه << هو انه لا تستطيع تغيير عقول البشر
ولم اقصد ان اهاجمك بأي شيء ..
تستطيع ان .. تقول لي من ستغيره 180 درجه ...؟؟؟
اقرب حوار دار بينك انت وقلم طموح ... هل تغير شيء ؟؟
نحن بعالم لا يستطيع ان يقول لقد اخطأت وانت ع حق
من سيتغير ؟؟
لقد وصل الجهل باحد الاعضاء .. بأنه جعل ام المؤمنين صفيه رضي الله عنها يهوديه !!!
وعندما اجبته بانه على خطأ .. وانها اسلمت من قبل ان يتزوجها الرسول صلى الله عليه وسلم
. اجاب هل كنتِ معهم !!!!!!!!!!!!!!
من ستغير ؟؟
الي براسه بيضل براسه ...
ومن جهة ردي ع الموضوع انا رديت ان فيه عيوب ولازم استدراكها بموضوع اهداف البرنامج ...

ورديت بطريقه غير مباشره للذين يقلون انه لا يوجد عيووب .. " بمقولة خير وبركه "
بأن يحكمو عقولهم ..
ملاحظه ""
اذ ع الزواج ... الثانيه
انت لا قدر الله وان شالله ماتتعرض له بحياتك ..
لتزوجت طليقتك مانقول زوجتك .. والله لتموت قهر << وهذا الامر معترف فيه جميع الرجال لا تنكر ابد
كون بخير

محب الرسوول وش اخبارك انت عساك طيب .....يعني ابو متعب مسوي البرنامج من شركاته هع كلها من البترول اللي لنا حق فيه واقل حق للمواطن التعليم والصحه ..يعني هذا من حقوقنا مش مكرمه من ابومتعب >>>
و االصينيين والكوريين واليابانيين على قولتك وهم ماعندهم القدره الماليه اللي عندنا شف وين وصلوا وحنا وين يعني الوضع كله يحتاج الى تخطيط مو بس يالله خلونا نبتعثهم عشان ( .....) وبس ....>>>> لا احد يجي يقوول اني خائن للدوله ^_× ترااي احب ابو متعب ^_^ بس الحق ينقال ولا ينخاف منه

سبحان الله العظيم ..
يعني الحين لك حق في البترول بصفتك مين !
وش الفضل اللي سويته وخدمت فيه دولتك !
تخيل ان الله ما كتب ولا توحدت الدوله السعوديه !
تتوقع انك تطمح انك تبتعث اكل شارب ساكن تدرس !
بكل اختصار .. يا صانع يا راعي غنم .. /



صدق اللي قال .. مالكم الا التراب ..
اتمنى يومين من الايام اشوف العربي يقدر النعمه اللي عنده ..
ويقول الحمد لله الذي رزقني هذا ..

الموضوع ماله اي هدف .. فقط لل show انا كاتب مفكر محلل صحفي .. > بطلوها العالم

لو انك منزل موضوع متطلبات الفيزا او متطلبات القبول الجامعي ..

افضل من الفسلفه اللي مسويها انت وياه على اساس انكم ناس مثقفه ..
دام ما تبون البعثه وتشوفون انها ضد القيم والمبادئ .. اقعد في بيت امك وخل الناس اللي لها في الدراسه تطلع //


تكلمو عن العيوب ما قلنا شي.. لكن بالاسلوب هذا .. انتو اكبر عيوب .. وفعلا جزاء كبير من البثعه هدفها .. توعيه الناس اللي مثلكم ..
للحين يقولون لنا حقوق ونبي بترول وكلام فاضي و عقول صغيره ..


غيركم يتمنى هالنعمه ..


لكن مالكم الا التراب ...


اللي بيقول زودها .. هذي وجهه نظر .. وانتو ما احترمتو الناس اللي هنا ولا احترمتو حكومتكم اللي تصرف اكبر ميزانيه على التعليم حاليا ..


قبلتوها ما قبلتوها ... // وصلت وكفى ..

تراب تراب تراب >>> واضح انك متربي بقووه ( ترى كلنا نقدر نكتب مثلك ونسبك لكن الناس تختلف مابين مؤدبه وبين !!!!)
لكن الشكوى لله بجاوب عليك ماودي اخليك تسال ولا تلقى جواب ^_×
لي حق بالبترول بصفتي مواطن
وبعدين وش دخل توحيد السعوديه بالموضوع خخخخخخ لكن على طاري توحيد الممكله يعني ابسألك من اللي وحد المملكه ؟ الملك عبدالعزيز لحاله ؟ لا ياحبيبي الملك عبدالعزيز وجدودنا الا اذا جدك جاء بعد التوحيد هذا راجع لك
وبعدين من انت >> عصب خخخ .... من انت من انت من انت عشان تحدد وش نكتب ووش مانكتب واذا تبي شئ عن الفيزا ترى المنتدى مليان مواضيع تفيدك والاشياء اللي اكبر من تفكيرك مو ضروري تشارك فيها .....
وشكرا

غريبه كلامي زعلك !
لانه واقعي جدا ..
عندك نعمه ولا قدرتها .. وش تستحق غير التراب !
وشفيه التراب .. حتي هو نعمه .. لكن لكل شخص طموحه ..
ناس تطمح بالدراسات العليا وناس تطمح بالتراب ..


مواطن ؟
في مواطن شحاذ
فيه مهندس
في دكتور
في مدمن مخدرات
فيه عسكري
فيه عاطل باطل ..

انت وش تصنف نفسك !
وعلى حسب تصنيفك تستحق اللي يكتبه لك ربي ..


المشكله شباب هاليومين يعتمدون على ما حصوه اجدادهم ..
جدك وش لك علاقه فيه ..


ليس الفتى من قال كان ابي وابي ..

عرفني بنفسك .. لو انك صاحب شأن في مجتمعك ..
كان ما قعدت تتكلم كلام فاضي ..

لكن الشكوى لله من جد ..
مشكله البعثه واكبر عيوبها اللي يسوى واللي ما يسوى التحق فيها

ماهو اكبر من تفكيري .. لكن كلامك يثير الاشمئزاز حتى لو مجرد التفكير فيه ..

من عيوب الابتعاث مافيه قياس لمستوى الطلبه الفكري وليس العلمي ومو كل واحد درجاته عاليه معناته فكره جيد ولا كل واحد درجاته منخفضه فكره سيئ صحيح الدرجات العاليه مقياس للانضباط وتحمل المسؤليه لكنها ليست المقياس الوحيد وفيه ناس ماتدري عن شي وسميعه ولا عندها شخصيه وهذي مسأله مستحيل ضبطها من قبل الدوله ولا تقدر تسوي مقابله شخصيه لكل مبتعث عشان نكون منصفين بس احبيت اضيف هالاضافه من باب ان الشي بالشي يذكر
اخت بعثوره محد قال ان الهدف سياحي الاجماع على انه ثقافي فكري والاطلاع على حضارات الدول اشوفك كاتبه في الموضوع الثاني نوفر على الدوله وتجيب بلازما ونشاهد شوارع امريكا
بالنسبه لطرحك ان الموضوع لو كان شامل في موضوع واحد اوافقك عليها (الهدف ـ العيوب ـ الفوائد )
بس ساطي ماراح يلحق يرد لانه يرد نقطه نقطه زنقه زنقه

ههههههههههههههه اول شئ رتب افكارك عشان ارد عليك مو تكتب تقل تسوولف ......
اولا مازعلت من كلامك مو عشان صح بس عشاني ماازعل من احد ^_^
ثانيا انا مقدر النعمه وذكرني بالله بجمله انا قلت اني ماقدرت النعمه ؟
ثالثا الترب مافيه شئ كلنا مخلوقين من تراب ^_^ لكن وشلون الناس تطمح بالتراب خخخخ اذا انت طموحك تراب مشكلتك مو مشكلتي !!!!
رابعا انا اقيم نفسي كمواطن شريف خايف على وطنه .
خامسا انا ماتفاخرت بجدي الله يرحمه لكن انت كانك تقول ان الملك عبدالعزيز لحاله هو اللي وحد السعوديه فانا رديت وقلت انه جدودنا كذلك حاربوا !!!
سادسا عرفني بنفسك ^_^ " انا ابن جلا طلاع الثنايا متى اضع العمامة تعرفوني " >> تحمس ^_^ وبعدين انا جالس ابني لي شأن بالمجتمع لان الواحد هو اللي يعز نفسه مش ابووه فلذا اصبر لمين اخلص باني شأني وتشوف بعيونك ^_^
سابعا : الشكوى لله ماقلنا شئ
ثامنا : هذاك تقول نفس الكلام اللي انا قلته في احد ردودي وانت بنفسك تقوول ان البعثه فيها عيب يعني انت ماتستحق الا التراب >>> اذا نبي نرد عليك من منظورك
تاسعا : سلامة قلبك من الاشمئزاز ياقلبي ونصيحه لا تقرأ كلامي اذا هو يثير اشمئزازك ^_×
والسلام عليكم