مساعدة الايلتس 7.5 هل يمكن الحصول عليها !!

باذن الله تجيبها واكثر اذا عندك العزيمه والاصرار علي تحقيق هدفك وبدون اي تساهل تجيب ابوها باذن الله

وانا هذا الكلام مو من فراغ لان فيه كذا شخص اعرفهم جابو هذه النتيجه ماشاء الله

بالتوفيق

اخوي يعطيك الف عافيه انت في مدينه الاسكا ؟

اذا ايه تنصحني فيها

وهل كلام الناس صحيح يقولون ماتدرس فيها يعني ثلوج كثيره مره انا افكر اجيها علشان مافيها سعوده ولا ابو عرب

كما ذكر بعض الأخوة , الحصول على درجة 7.5 في الـIELTS ليس مستحيلاً , ولكن في نفس الوقت ليس بالسهل إطلاقاً. وليكن في معلومك أن من يحصلون على 7.5 حول العالم كله معدودون حسب آخر إحصائية للـBritish Council

الايلتس اسهل من التوفل في حاله وحده فقط انك سهل تجيب من 5 الى 6 ونص بالكثير لكن توصل لل7 في الايلتس صعببببببب جداً جداً جداً

بمعنى لو تبي درجات عالييه اشتغل على التوفل من اول ماتوصل امريكا ,, التوفل يبغاله براكتس وخصوصاً في امريكا كل المعاهد فيها كورسات للتوفل وسجل فيه في كل لفل تدرسه وصدقني بتوصل للدرجه اللي تبيها

انا معي في المعهد السيشن الماضي تخرجو ثلاث سعوديين مبتعثين من جامعة الملك عبدالله واقل واحد فيهم جايب 105 في التوفل ,,

وانا بالنسبه لي جربت التوفل والايلتس ,, وبالنسبه لي التوفل اسهل ودرجاتي فيه اعلى من الايلتس

يعطيكم الف عافيه اخوي ابراهيم صدقت مافي شى صعب مع الممارسه


باذن الله بسوي ترتيب ان الله احيانا بدرس سنه و٣ شهور انجلش وباقي ٣ شهور اتدرب على الايلتس والله يوفقني ويوفقكم

لا ياخي الناس والله تحكم علي المدينه من الاسم ومالومهم هههههههههههههه ياخي الثلج فيها بس ٧ شهور واوحد من اخوياي بمدينه سيادر قريبه لفيقاس نفس الحكايه ونفس مده الثل ودرجه الحرار توصل الي ٢٠ تحت الصفر اوقات واحنا نفس الكلام المدينه حليله وحقه دراسه

ايه والله ياخوي العالم تقول كذا طيب وش الحل ابي مدينه حقت دراسه ابي اشد حيلي علشان الايلتس


احترت من بين المدن الله يعين

تقدر ببساطة .. لكن تحتاج دراسة حقيقية لا تقتصر على المعهد. غير صحيح أنك تحتاج يومياً عدد معين من الساعات. الصحيح أنك تحتاج برنامج ثابت للتعلم تزيد ساعاته و تنقص حسب جهدك و ظروفك، بالتزامن مع الدراسة بالمعهد، و التي بالطبع يجب أن تتقن فيها تماماً ما تدرسه بالمعهد و تتفوق فيه. كما أنك بمرور فترة من البناء الأساسي للغة يجب أن تصل بلغتك إلى مرحلة تكون مهاراتك الأساسية القراءة و الكتابة و السماع و التكلم قد تعدت مرحلة التأسيس الناجح؛ لتصل لبداية مرحلة التطوير و الصقل و رفع مستوى المهارة. بعد ذلك يأتي التطور المتدرج حسب حبك للغة و سرعة تعلمك و مدى رغبتك الذاتية في تطوير لغتك و تسخيرك وقتك و أوقات فراغك و حتى نشاطاتك الجانبية للتعلم مما سيصل بك إلى المرحلة التي تحصل فيها ٧,٥ و ربما أكثر بإذن الله.

من تجربتي الشخصية لديك حتى ٦ في الآيلس لتصبح فقط أسست اللغة، بعد ذلك صعوداً إلى ٧,٥ في الآيلس لتطوير مهاراتك الأساسية ذاتها و ترقيتها بالممارسة الدائمة و التعلم الأكاديمي، و معايشة اللغة يومياً في المعهد و التلفاز و المجتمع، حينها سيزداد لديك الحس اللغوي تجاه اللغة الإنجليزية، و بطبيعة الحال تزداد الكلمات و الأساليب اللغوية ليزداد في النهاية ثرائك اللغوي، مما ينعكس على جميع مهاراتك الأساسية. بعد ذلك ستكون قوي في اللغة و مهئ أكثر لدخول اختبارات اللغة مهما تغيرت المواضيع الداخلة في الاختبار مما قد يعرضك لأخذ درجة أكثر أو أقل مما تستحق و هذا وارد جداً في جميع الاختبارات.

الجدية في تعلم اللغة هي ما ينقص الكثير من الطلبة، و هي التي تصنع الفرق بين الكثير منهم. فالجاد همه الداخلي مع التعلم و شئ قليلا للمتعة، بل حتى متعته يسعى لأن تكون فيما ينعكس على لغته إيجابيا، مثل مخالطة المتحدثين الأصليين، أو إمضاء وقت مع العائلة المستضيفة للطالب، أو الخروج مع أصدقاء أجانب يدرسون اللغة(و هو أقل فائدة من الامريكان انفسهم)، و زيادة الفضول لديه لمعرفة كل كلمة يتعرض لها في الشارع و في المطعم و هكذا. أما الطالب قليل الجدية، فالأولوية لديه فقط للنجاح بمستويات المعهد، و هو مايمكن فعلاً أن يفعله و يصل للمستوى الأخير، بدون تعلم حقيقي و بدون حتى أن يكون قادراً على الحصول على درجات جيدة في التوفل و الآيلس، فوقته في ماعدا حل الواجبات هو للوناسة مع أقرانه، و نسيان الهدف الأساسي من وجوده.

وفقك الله.