فوائد الابتعاث لامريكا

بسم الله الرحمن الرحيم
السلام عليكم ورحمة الله وبركاتة
لقد كتبت موضوع عن هدف برنامج البعثة الرئيسي وبمشاركات من الاعضاء قدرنا نوصل للهدف الرئيسي من الابتعاث
وكتبت موضوع عن عيوب برنامج الابتعاث كبرنامج وايضا بمشراكات من الاعضاء قدرنا نعرف عيوب كثيرة للبرنامج
فقررت اليوم اني اكتب موضوع عن فوايد الابتعاث عموما وعن فوايد الابتعاث لامريكا خصوصا
يعني كل واحد يقوول هو ايش استفاد من الابتعاث ((ماهي الفائدة التي عادت عليية من الابتعااث))
وايضا تقدروا تحمسوا الطلاب الجدد اللي يبوا يبتعثوا تقدروا تحمسوهم انهم يبتعثوا لامريكا ((بما انه ملتقى امريكا))
وتقلولهم وتشرحولهم عن مزايا ان تكووون مبتعث لامرييكا ؟؟؟؟؟؟؟؟؟؟؟؟؟؟؟
:
:
:
واتمنى انكم تدعولي ان يوفقني الله في اختيار مايخدم مستقبلي

معليش ياساطي ادري ان حضوري ثقيل عليك بس تحملني 40 مشاهده ومحد قال لنا اي فايده
محد قال كنت عاطل مالقيت وظيفه وقدمت على البعثه وان شالله لما ارجع الاقي وظيفه
محد قال كان معدلي قليل وماقبلتني جامعاتنا وطلعت على حسابي ولا طلعت مرافق وحسنت من مستواي التعليمي
ومحد قال جامعتي قويه في بلد الابتعاث وقاعد استفيد منها ومن مركز ابحاثها

او يمكن محد رد عشان المستفيدين مايدخلون المنتدى مشغولين بالدراسه والابحاث لان معظم اللي هنا لسى ماراحو ولا في اللغة يادوب ولا مو معقول محد استفاد واتوقع كمان محد راح يرد عشان كذا لازم كل واحد يحسب حسابه بنفسه ويشوف السلبيات والايجابيات ويقارنها باحتياجته لان كان السبب في تسجيلي في المنتدى عشان احسبها صح هل الابتعاث ضياع او انه فرصه لمستقبل افضل

فوائد الابتعاث من منظوري تشترك فيه عدة اطراف وليست جهه واحده
1ـ البرنامج
2ـ المبتعث
3ـ التخصص
4ـ قوة الجامعه
5ـمستوى مدينة الدراسه
ـ فائدة البرنامج إراحة المبتعث الماديه من حيث تأمين المعيشه (بعد ان سقط القناع وعرفنا الهدف من الابتعاث )
ـ المبتعث ان لم يكن واعي بالهدف ولم يكن يملك مقومات ( الدين ـ قوة الشخصيه ـ وضوح هدفه الشخصـي ـ استثمار الوقت واقتناص الفرص و و و ) راحت عليه الفايده
ـ التخصص ان لم يكن يلبي سوق العمل كأنك يابو زيد ماغزيت
ـ قوة الجامعه ان لم تكن ذات سمعه ومكانه او على اقل تقدير انها افضل من احسن جامعه عندنا مالفائده منها
ـ مستوى مدينة الدراسه ان لم تكن ملائمه للطالب واختيار تخصصه مشكله مثل ان تدرس ماليه في نيويورك وتتدرب في كبرى الشركات عند الداو جونز والبنك الدولي وتستفيد من خيارات المدينه الاقتصاديه الاخرى وهى عديده ليس مثل ان تدرس ماليه في قريه صغيره بس عشان تقول انا خريج امريكا بالطبع خريج جامعات نيويورك راح يستفد لما يرجع لان التخصص ملائم للمكان والشركات ومؤسسات الدوله الماليه والبنوك سترحب به وزي ماهو مدن تكساس ملائمه للهندسه لوفرة المصانع
لكن اذا اجتمعت كل النقاط لدى المبتعث كانت الفائده كبيره
تقبل مروري والله يوفقك في حسن الاختيار فأنت تستحق الافضل

معليش فيه شخص قدرك ورد وانت تجاهلته وعقبت في موضوعك الجديد وبالاحمر محد رد

بس انا تهمني الاجابه وبرفع الموضوع