تقدر تساعدني بتوفير معهد و عائله لي في اسرع وقت
السلام عليكم
اخواني اخواتي
انا مبتدئ في اللغه الانجليزيه
وضروري ابي ابتدي الدراسة في الخارج
في اسرع وقت حتى نهايه رمضان
واريد مساعدتكم في توفير لي معهد و عائله في ارازونا او اي منطقه قريبه
واذا بعيده
يعني المنطقه تكون زينه ومهي بوصخه من الناس..
والعائله لافضل ان تكون متكونه من اب و ابنائه
و اكل اسلامي اذا موجود و مافي سكارى و يكونون نظيفين
وانا محتار بين امريكا ونيزيلندا
و الان جاري البحث عن البلدين
ضروري ابي مساعدتكم
و الاحسن انني ابتدي من الاسبوع القادم
معلومه (انا من قطر)
وانا ممكن اوفر الفيزا و السفر يعني انا بسافر للدوله بس ابي عائله و معهد او جامعه و احد ياخذني من المطار اذا ممكن
وشكرا...
رد: تقدر تساعدني بتوفير معهد و عائله لي في اسرع وقت
الله يوفقك إن شاء الله ..
رد: تقدر تساعدني بتوفير معهد و عائله لي في اسرع وقت
ماتبيهم يخلونك امير على احد الولايات ؟
رد: تقدر تساعدني بتوفير معهد و عائله لي في اسرع وقت
اقتباس:
المشاركة الأصلية كتبت بواسطة سعوديه.
ماتبيهم يخلونك امير على احد الولايات ؟
والله الصراحة رد ينم عن عقلية الشخص ,, بالله ذا رد قعدت اقرا الموضوع مرة واثنين وثلاثة وقلت خليني اوصل لرد في مستوى ردك وما قدرت ,, مع احترامي لك جدا سخيفة
الرجال طلب مساعدة ان واحد يعرف عائلة عشان يسكن عندهم و معهد هناك كويس عشان يسجل .. عقليات عجيبة ,,
الله يعينك يااخوي وانا مالي خبرة ولا كان ساعدتك ,, بالتوفيق
رد: تقدر تساعدني بتوفير معهد و عائله لي في اسرع وقت
اقتباس:
المشاركة الأصلية كتبت بواسطة سعوديه.
ماتبيهم يخلونك امير على احد الولايات ؟
يحراام وربي وصفي لحالتها في مكانها
رد سسسسخيف كا العاده يطلع منك
اخوووي
امريكا افضل كثير من وجهة نظري ونظر كثير من الناس الي سالتهم
وروح لولاية كاليفورنيا لوس انجلوس او سانتا مونيكا
ولا تكساس هيوستن
ولا اوريقون
انت حدد المكان وبعدين ابحث عن السكن والعائله
تمنياتي لك بتوفيق
ومنورين يا اهل قطرر
ولاتاخذ ع خاطرك من ردود السخيفه
ولاتاخذ فكره عننا من خلال سخافات مثل كذا لان حنا شعب معروف بطيبه وحب الخدمه (( الفزعه -_-))
رد: تقدر تساعدني بتوفير معهد و عائله لي في اسرع وقت
انا ماعندي خلفية عن المدينة ذي
رد: تقدر تساعدني بتوفير معهد و عائله لي في اسرع وقت
nano
الله يوفق الجميع ان شاء الله
سعوديه
لا لا ما ابي اكون امير , كلك ذوق في الرد ما شاء الله عليج محترمه...
The Silent Pain
تسلم على مرورك يا شيخ
و شكرا...
جووجوو
اول شي شكرا ع المرور
ثاني شي انا ابي اي مدينه او اي مكان في امريكا مافي مدينه محدده لان اذا حددت المدينه
بيكون صعب اني احصل اللي ابيه(معهد+عائله)
منورين بوجودكم
وطبعا ما يصلح اني اخذ فكره بلد من شخص واحد او رد واحد
وما شاء الله عليكم
خدووممين :)
weird7
تسلم ع المرور
و حبيت اقولكم اسمحولنا عن الكلام يمكن ما تفهمونه
لان لهجتنا شويه غير
(;
رد: تقدر تساعدني بتوفير معهد و عائله لي في اسرع وقت
دار التميمي حمد ... صبو له الشاذليه ... في ديرة اهل الحميه .. دار ابو مشعل حمد
معليش بس تهيضت
نصيحه اذا مبتدىء حاول تدرس في معهد عندكم في قطر قبل تطلع يعلمك اقل شي الاساسيات .. عقبها رح وادرس ونصيحتي لك شف لك دوله قريبه لان مدة دراستك مو كثيره يمكن شهر ونص بالكثير , عندك بريطانيا عندك ايرلندا وافضل لك الامريكا ماقول شي بس لان الفتره الي بتجلسها قليله وانت براحتك .. الي هنا ياعزيزي محد راح يجيب لك عائله انت اذا رحت هناك تقدر تكلم المعهد يدبر لك او قبل تجيب قبول المعهد تكلمهم تقول ابي عائله وتقول شروطك , رح لم مكاتب السياحه او الدراسه عندكم في دار التميمي حمد ... صبو له الشاذليه ... دار ابو مشعل حمد .. وخلص امورك بس قبل كل شي حدد المدينه الي بتدرس فيها عشان تختصر ماعندي الا الدعاء لك الله يوفقك ويسهل امورك
رد: تقدر تساعدني بتوفير معهد و عائله لي في اسرع وقت
بالنسبة لي أنا أفضل أنك ياتورح كندا أو نيوزلندا وحاول أنك تبحث عن المعاهد الغير معترف فيها من قبل وزارة التعليم العالي السعودي
علشان تستفيد أكثر ولا تجد معك أي طالب سعودي ونادراً ماتجد طالب عربي بما أن بتدرس على حسابك
في معهد في كندا لا يقبل إلا من هم دون الثامنة عشرة سنة .... إذا أنت من هذا الفئة العمرية بدوره لك وراح تستفيد منه جداً جداً
رد: تقدر تساعدني بتوفير معهد و عائله لي في اسرع وقت
نسيت أعتذرلك عن شطحة الأخت
لعلها مداعبة في غير محلها
" جل من لا يخطىء"