ابي ارائكم حول موضوعي ولكم مني دعاء بظهر الغيب (كلية الملك فهد الأمنية + الابتعاث)

السلام عليكم ورحمة الله وبركاته

ياجماعة الخير أنا متخرج هالسنه وماخذ بكالوريس قسم علوم

اول تقديمي كان لكلية الملك فهد الامنية تم قبولي مبدئي وتم قبولي في الوزن والطول

وانا الان انتظر المقابلة الاخيرة (( الفحص الطبي + المقابلات الشخصية )) واعتقد انها الاسبوع القادم

الي ابيه منكم تفيدوني من تجارب اخوانكم او اصدقائكم حول :-

1- الفحص الطبي << هذا شنو قصته بالتفصيل وكم اجراء نسويه

ويركزون على اي اجراء بالتحديد ؟؟

2-المقابلات الشخصية اعتقد انها بوابات كثيرة يمكن 3 بوابات

كل بوابة عندها لجنة تسال الطالب البي ابي اعرفه غالبا تكون اسالتهم عن ايش

ياليت تفيدوني بكم مثال تعرفونه ؟؟

3- لو انقبلت عندهم بيعطوني ضابط ابي اعرف شنو وظيفة او طبيعة عمل الضابط

معليش على السؤال وان تافه بس جد ابي اعرف كل صغيرة وكبيرة

وابي اعرف كم راتبه وكم المدة الدراسية ؟؟

(( اتمنى تفيدوني يااخوان قبل مايقرب موعد الفحص الطبي ))

-------------------------------------------------------------------------------------

الان بقولكم عن الجانب الاخر وهو الابتعاث

مااعرف الية او طريقة الابتعاث بالمره

كل الي اعرفه ان هنالك برنامج لخادم الحرمين الشريفين يقدم المساعده للطلبة لتزويد محصولهم العلمي

الي ابيه منكم :-

1-شلون اعرف ان تخصصي الي درسته (( بكالوريس )) موجود بالجامعه الفلانيه والجامعه الفلانيه .

2-شلون اعرف ان تخصصي قوي بالجامعه الفلانيه عن الجامعه الفلانيه

3-شنو قصة التخصصات الي نزلت باعلان الابتعاث الي راح يبدأ 1-9-1432 هـ

انا تخصصي غير موجود من تلك القائمة يعني اقدر ابتعث ولا لا ؟؟

4- الماستر ياجماعه كم سنه ؟؟

5- ابي اعرث ماهو الافضل الابتعاث عن طريق هذ البرنامج ام الابتعاث من حسابي الخاص مع اني لا استطيع فعل ذلك ؟؟

-----------------------------------------------------------------------------------

في الاخير ابي نصيحة منكم وافادة وملاحظات حول :-

ايهما افضل كلية الملك فهد الامنية ام الابتعاث الخارجي

ارجوكم خذوا الموضوع كنقاش وافادة لحد يدخل ويبخل بالرد

اخوكم في حيرة والله

والأهل عندي يقولون لاتدخل عسكريه وبعض الشباب يقول لاتلعب بنفسك روح الأمنية

انتظر ردودكم

اخوي أنت رابع واحد يسأل ويقول وين أروح
هذا دليل أن السعوديون بلا أحلام .. يعني ماهو متصور من بدري وش يبي بالضبط
اسمع محد يقدر يحدد لك الأفضل .. فيه ناس ميولها عسكرية وتحب الأمر والنهي والكرف
وفيه ناس تحب المدنية .. يعني كل واحد وشخصيته
إذا أنت برضه شخصيتك ماتدري بالضبط وش تبي سو لك قائمتين مميزات وسلبيات كل طريق .. وحطها اذا انتهيت بالميزان وشوف وين الي بترجح وروح لها!
بس لاتنسى استخيــر قبل ماتقرر

اشكرك على المرور

مع ان عبارة السعوديين ماعندهم احلام مالها اي داعي

الكل عنده حلم ويبي يحققه في ناس احلامها تقتل بسبب الواسطات والظلم والتعقيدات

وفي ناس عندها واسطات وتمشي ولاتذوق المر والتعب

بالنهاية نقول الحمدلله على كل حال

حبيبي اذا انت تبي تضمن راتبك وقزيب من اهلك واقازبك العسكريه ام اذا انت راعي دراسه وماعندك مشكله باالغربه ابتعاث افضل وبعطيك معلومه هناك الدراسه يبيلها شدت حيل